ເມືອງໄຊເສດຖາ ຍາດໄດ້ຜົນງານ ເມືອງ 4 ບຸກ ຄັ້ງທີ II

ເພື່ອປະຕິບັດຕາມມະຕິກອງປະຊຸມໃຫຍ່ຄັ້ງທີ VII ຂອງຜູ້ແທນຊາວໜຸ່ມທົ່ວປະເທດ ກໍ່ຄືມະຕິກອງປະຊຸມໃຫຍ່ ຄັ້ງທີ VII ຂອງຜູ້ແທນຊາວໜຸ່ມ ທົ່ວນະຄອນຫຼວງວຽງຈັນ ວ່າດ້ວຍການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ໃຫ້ປະກົດຜົນເປັນຈິງ ໃນວັນທີ 19 ມັງກອນ 2018 ຜ່ານມານີ້ ທີ່ຫ້ອງວ່າການປົກຄອງເມືອງໄຊເສດຖາ, ນະຄອນຫຼວງວຽງຈັນ ໄດ້ຈັດພິທີ ປະກາດຄະນະຊາວໜຸ່ມ ປະຊາຊົນ ປະຕິວັດລາວເມືອງໄຊເສດຖາ ເປັນເມືອງ 4 ບຸກ ຄັ້ງທີ II ເປັນກຽດເຂົ້າຮ່ວມຂອງ ສະຫາຍ ຖະໜອມ ທຳທອງ ເລຂາພັກເມືອງ-ເຈົ້າເມືອງໆ ໄຊເສດຖາ ສະຫາຍ ສຸມາລີ ທຳມະວົງ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ແລະ ສະຫາຍ ໄຊຍະເດດ ທາດາວົງ ເລຂາຄະນະບໍລິຫານງານຊາວໜຸ່ມ ປປລ ເມືອງໄຊເສດຖາ ພ້ອມດ້ວຍເລຂາຊາວໜຸ່ມຮາກຖານທີ່ຂຶ້ນກັບເມືອງ ແລະ ພະນັກງານຫ້ອງການອ້ອມຂ້າງເມືອງ, ແຂກທີ່ຖືກເຊີນເຂົ້າຮ່ວມ.

ໃນພິທີສະຫາຍ ໄຊຍະເດດ ທາດາວົງ ເລຂາຄະນະບໍລິຫານງານຊາວໜຸ່ມ ປປລ ເມືອງໄຊເສດຖາ ກໍ່ໄດ້ຜ່ານບົດສະຫລຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ປະຈຳປີ 2017 ແລະ ວາງແຜນການທິດທາງໃນຕໍ່ໜ້າ ເຊິ່ງສະຫາຍກໍ່ໄດ້ລາຍງານໃຫ້ເຫັນການເຄື່ອນໄຫວຂອງຄະນະຊາວໜຸ່ມເມືອງໃນໄລຍະທີ່ຜ່ານມາ ມີບັນດາຈຸດດີ, ຈຸດອ່ອນ ແລະ ຂໍ້ຄົງຄ້າງ, ໃນໄລຍະຜ່ານມາຄະນະຊາວໜຸ່ມ ປປລ ເມືອງໄຊເສດຖາ, ນະຄອນຫຼວງວຽງຈັນ ຍາມໃດກໍ່ໄດ້ເອົາໃຈໃສ່ສຶກສາອົບຮົມການເມືອງ – ແນວຄິດໃຫ້ຊາວໜຸ່ມ – ໄວໜຸ່ມພາຍໃນເມືອງ ເພື່ອສ້າງເງື່ອນ ໄຂໃຫ້ສະມາຊິກຊາວໜຸ່ມທຸກສະຫາຍ ໃຫ້ໄດ້ຮັບການສຶກສາອົບຮົບບົ່ມສອນທາງດ້ານການເມືອງ – ແນວຄິດຢ່າງເປັນປະຈໍາເຮັດໃຫ້ບັນດາສະມາຊິກຊາວໜຸ່ມ ມີທັດສະນະຫຼັກໝັ້ນການເມືອງໝັກແໜ້ນ, ມີຄວາມຈົ່ງຮັກພັກດີ ແລະ ເຊື່ອໝັ້ນຕໍ່ແນວທາງນະໂຍບາຍຂອງພັກ ຍາມໃດກໍ່ມີສະຕິຕໍ່ການຈັດຕັ້ງລະບຽບວິໃນຢ່າງເຂັ້ມງວດ, ມີແນວຄິດອຸ່ນອຽງທຸ່ນທ່ຽງຕໍ່ການນຳພາຂອງລັດ, ຜ່ານການກວດກາໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ 1 ປີ ຜ່ານມາ ສາມາດຕີລາຄາແບ່ງປະເພດສະມາຊິກແຂງໄດ້ 5.121 ສະຫາຍ, ຍິງ 2.979 ສະຫາຍ ຕີລາຄາ ດ້ານແນວຄິດໄດ້ 86 %  ດ້ານການຝຶກຝົນຫຼໍ່ຫຼອມໄດ້ 86 % ດ້ານການຈັດຕັ້ງ  87 % ດ້ານການສ້າງວິຊາຊີບ ແລະ ສ້າງວຽກເຮັດງານທຳ 87 % ສາມາດຈັດໄດ້ປະເພດແຂງ.

ໃນຕອນທ້າຍ ກໍ່ໄດ້ມີການມອບໃບຢັ້ງຍໍ ໃຫ້ຄະນະບໍລິຫານງານຊາວໜຸ່ມເມືອງ ແລະ ພະນັກງານທີ່ມີຜົນງານດີເດັ່ນເຄື່ອນໄຫວວຽກງານ 4 ບຸກ ຈຳນວນ 17 ສະຫາຍ, ຍິງ 5 ສະຫາຍ  ແລະ ຍັງໄດ້ຮັບຟັງການໂອ້ລົມຈາກ ສະຫາຍ ຖະໜອມ ທຳທອງ ເລຂາພັກເມືອງ-ເຈົ້າເມືອງໆ ໄຊເສດຖາ ກໍ່ໄດ້ມີຄໍາເຫັນເພື່ອເປັນການຊີ້ນຳທິດເຍືອງທາງໃຫ້ແກ່ຄະນະບໍລິຫານຊາວໜຸ່ມເມືອງ, ໂດຍເນັ້ນໜັກໃຫ້ຄະນະຊາວໜຸ່ມແຕ່ລະຂັ້ນ ຈົ່ງສືບຕໍ່ເຄື່ອນໄຫວຈັດຕັ້ງເຜີຍແຜ່ແນວທາງນະໂຍບາຍຂອງພັກ, ມູນເຊື້ອປະຫວັດ ສາດຂອງຊາດ, ມູນເຊື້ອຂອງຄະນະຊາວໜຸ່ມ ປປລ, ປັບປຸງການຈັດຕັ້ງ ຄຊປປລ ໃຫ້ໜັກແໜ້ນເຂັ້ມແຂງ, ເຮັດວຽກຕາມຫຼັກການລວມສູນປະຊາທິປະໄຕ, ຊຸກຍູ້ການຈັດຕັ້ງປະຕິບັດຂໍ້ແຂ່ງຂັນ 4 ບຸກ, ພ້ອມນັ້ນ ສະຫາຍກໍ່ຍັງຮຽກຮ້ອງມາຍັງຄະນະພັກ, ອຳນາດການປົກຄອງ ແລະ ການຈັດຕັ້ງສັງຄົມໃນທົ່ວເມືອໄຊເສດຖາຈົ່ງສືບຕໍ່ສະໜັບສະໜູນແກ່ຄະນະຊາວໜຸ່ມໃນແຕ່ລະຂົງເຂດໃຫ້ສາມາດປະຕິບັດຕາມພາລະບົດບາດຂອງຕົນໃຫ້ມີຄວາມເຂັ້ມແຂງໃນແຕ່ລະດ້ານ.

# ຂຽນໂດຍ: ບ່າວສິນ

ຊາວໜຸ່ມ ນະຄອນຫຼວງວຽງຈັນ ຢ້ຽມຢາມກອງພັນ 513 ເມືອງນາຊາຍທອງ

ໃນໂອກາດວັນສ້າງຕັ້ງກອງທັບປະຊາຊົນລາວຄົບຮອບ 69 ປີ(20.1.1949 ຫາ 20.1.2018)ໃນວັນທີ 1 ກຸມພາ 2018ຜ່ານມາ ຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ນໍາໂດຍ

​ສະ​ຫາຍ ນາງ ສຸມາລີ ທຳມະວົງ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ພ້ອມດ້ວຍຄະນະໄດ້ເຂົ້າອວຍພອນ ແລະ ຢ້ຽມຢາມນາຍ ແລະ ພົນທະຫານ ກອງພັນ 513 ເມືອງ​ນາຊາຍທອງ ນະ​ຄອນຫຼວງວຽງ​ຈັນ ເປັນກຽດຕ້ອນຮັບໂດຍສະ​ຫາຍ ພັ​ທ ເຂັມເພັດ ຫັນທະວົງ ຫົວ​ໜ້າ​ກອງ​ພັນ 513 ພ້ອມດ້ວຍຄະນະ.

ໂອກາດນີ້ຄະນະຊາວໜຸ່ມ ປປລ ນະ​ຄອນຫຼວງວຽງ​ຈັນ ກໍ່ໄດ້ນຳເອົາເງິນ ແລະ ເຄື່ອງອຸປະໂພກ-ບໍລິໂພກຈໍານວນໜຶ່ງລວມມູນຄ່າ 5.000.000 ກີບ ໄປມອບໃຫ້ແກ່ກອງບັນຊາການດັ່ງກ່າວເປັນກຽດມອບໂດຍສະຫາຍ ນາງ ສຸມາລີ ທຳມະວົງ ຮັບໂດຍສະ​ຫາຍ ພັ​ທ ເຂັມເພັດ ຫັນທະວົງ ເຄື່່ອງທີ່ນຳມາມອບໃນຄັ້ງນີ້ແມ່ນໄດ້ມາຈາກການລະດົມຊຸກຍູ້ຈາກຄະນະຊາວໜຸ່ມເມືອງ ພະແນກການ ສະມາຄົມນັກທະລະກິດໜຸ່ມ ແລະ ສະມາຊິກຊາວໜຸ່ມ-ເຍົາວະຊົນໃນນະຄອນຫຼວງວຽງຈັນ.

# ຂຽນ​ໂດຍ: ວຽງ​ໄຊ ນວ​ນ​ທະ​ວົງ

ມອບ-ຮັບໜ້າທີ່ ເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ຜູ້ເກົ່າ ແລະ ຜູ້ໃໝ່

ໂດຍປະຕິບັດຕາມຄໍາສັ່ງຂອງຄະນະເລຂາທິການສູນກາງພັກ ເລກທີ 01/ຄລສພ ລົງວັນທີ 4/1/2018 ວ່າດ້ວຍການຍົກຍ້າຍພະນັກງານ ໄປຮັບໜ້າທີ່ໃໝ່ ແລະ ອີງໃສ່ມະຕິຕົກລົງຂອງຄະນະປະຈຳພັກນະຄອນຫຼວງວຽງຈັນ ສະບັບ ເລກທີ 0088,0089/ຄພ.ນວ ລົງວັນທີ 01/02/2018 ວ່າດ້ວຍການຍົກຍ້າຍພະນັກງານ ແລະ ການແຕ່ງຕັ້ງພະນັກງານ.

ໃນວັນທີ 7 ກຸມພາ 2018 ທີ່ສຳນັກງານປົກຄອງນະຄອນຫຼວງວຽງຈັນ ຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ໄດ້ຈັດພິທີມອບ-ຮັບໜ້າທີ່ ລະຫວ່າງສະຫາຍ ບຸນຕາ ເທບພະວົງ ເລຂາຄະນະບໍລິຫານງານຊາວໜຸ່ມ ນະຄອນຫຼວງວຽງຈັນ ຜູ້ເກົ່າ  ແລະ ສະຫາຍ ນາງ ສຸມາລີ ທໍາມະວົງ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ວ່າການເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ເຂົ້າຮ່ວມເປັນສັກຂີພິຍານຂອງສະຫາຍ ບຸນທ່ຽງ ຂຸນສີ ຄະນະປະຈຳພັກປະທານແນວລາວສ້າງຊາດ (ຜູ້ຊີ້ນໍາອົງການຈັດມະຫາຊົນ ນະຄອນຫຼວງວຽງຈັນ) ພ້ອມດ້ວຍບັນດາຫົວໜ້າພະແນກການ ອົງການຈັດຕັ້ງມະຫາຊົນຄະນະບໍລິຫານງານຊາວໜຸ່ມເລຂາຊາວໝຸ່ມ ແລະ ຂາາວໜຸ່ມໝ່ວຍຮາກຖານອ້ອມຂ້າງນະຄອນຫຼວງເຂົ້າຮ່ວມ.

# ຂຽນໂດຍ: ວຽງໄຊ ນວນທະວົງ

ທ່ານເລຂາຄະນະບໍລິຫານງານສູນກາງ ຊປປລ ເຂົ້າອວຍພອນວັນຂຶ້ນປີໃໝ່ຊາວຫວຽດນາມ ແລະ ຊາວຈີນ

ໃນຕົ້ນເດືອນກຸມພາ 2018 ນີ້, ທ່ານ ອາລຸນໄຊ ສູນນະລາດ ກໍາມະການສໍາຮອງສູນກາງພັກ ສະມະຊິກສະພາແຫ່ງຊາດ ເຂດເລືອກຕັ້ງທີ 8 (ແຂວງຫົວພັນ) ເລຂາຄະນະບໍລິຫານງານສູນກາງ ຊປປລ ພ້ອມດວຍຄະນະ ໄດ້ເຂົ້າອວຍພອນ ທ່ານ ຫງວຽນ ແທ໋ງຕຸ໋ງ ທີ່ປຶກສາເອກອັກຄະລັດຖະທູດ ຮອງຫົວໜ້າສະຖານທູດແຫ່ງ ສສ ຫວຽດນາມ ປະຈໍາ ສປປ ລາວ.

ຈຸດປະສົງຂອງການເຂົ້າຢ້ຽມພົບປະໃນຄັ້ງນີ້ ເພື່ອເປັນການອວຍພອນເນື່ອງໃນໂອກາດວັນຂຶ້ນປີໃໝ່ຊາວຫວຽດນາມ ຫຼື ວັນກຸດຊາວຫວຽດນາມ ແລະ ປຶກສາຫາລືແລກປ່ຽນຄໍາຄິດເຫັນໃນການພັດທະນາເສດຖະກິດສັງຄົມໂດຍສະເພາະຍຸດທະສາດໃນການພັດທະນາວຽກງານຊາວໜຸ່ມ-ເຍົາວະຊົນ, ການແລກປ່ຽນວັດທະນະທໍາ, ແລກ ປ່ຽນດ້ານເຕັກນິກວິຊາການລວມທັງການແລກປ່ຽນກິດຈະກໍາຕ່າງໆລະຫວ່າງຊາວໜຸ່ມລາວ ແລະ ຊາວໜຸ່ມ ສສ ຫວຽດນາມ.  ທ່ານ ອາລຸນໄຊ ສູນະລາດ ໄດ້ກ່າວວ່າ: ປັດຈຸບັນຄວາມສໍາພັນອັນເປັນມູນນເຊື້ອຂອງປະຊາຊົນສອງຊາດລາວ-ຫວຽດນາມ ທີ່ມີມາຢ່າງຍາວນານແມ່ນນັບມື້ນັບຂະຫຍາຍຕົວຂຶ້ນຢ່າງກ້ວາງຂວາງເຊິ່ງເຫັນໄດ້ໃນການຮ່ວມມື້ທາງດ້ານການຄ້າການລົງທຶນ, ດ້ານການສຶກສາ ແລະ ອັນຜົນເດັ່ນທີ່ສຸດແມ່ນການແລກປ່ຽນດ້ານວິຊາການລະຫວ່າງຊາວໜຸ່ມລາວ ແລະ ຊາວໜຸ່ມ ສສ ຫວຽດນາມ. ນອກຈາກນີ້, ທັງສອງຝ່າຍຍັງໄດ້ຕີລາຄາການຈັດຕັ້ງປະຕິບັດການຮ່ວມມືຂອງຄະນະຊາວໜຸ່ມສອງປະເທດລາວ-ຫວຽດນາມ ແລະ ເຫັນດີເປັນເອກະພາບໃນການສືບຕໍ່ຮ່ວມມືໃນໄລຍະຕໍ່ໜ້າເປັນຕົ້ນແມ່ນການຮ່ວມມືຂອງສອງອົງການຈັດຕັ້ງຊາວໜຸ່ມ. ໃນໂອກາດທີ່ມີຄວາມໝາຍຄວາມສໍາຄັນນີ້, ທ່ານອາລຸນໄຊ ສູນນະລາດ ກໍໄດ້ມອບກະຕ່າດອກໄມ້ພ້ອມຄໍາອວຍພອນໄຊອັນປະເສີດມາຍັງທ່ານຫງວຽນ ແທ໋ງຕຸ໋ງ ອີກດ້ວຍ.

# ໃນເວລາດຽວກັນນັ້ນ, ທ່ານ ອາລຸນໄຊ ສູນນະລາດ ພ້ອມດ້ວຍຄະນະກໍໄດ້ເຂົ້າອວຍພອນ ທ່ານ ຫວາງ ເວີນທຽນ ເອກອັກຄະລັດຖະທູດຜູ້ມີອໍານາເຕັມແຫ່ງ ສປ ຈີນ ປະຈໍາ ສປປ ລາວ ເນື່ອງໃນໂອກາດວັນຂຶ້ນປີໃໝ່ຊາວຈີນ ຫຼື ວັນກຸດຈີນເຊັນກັນ. ກ່ອນອຶ່ນທ່ານໄດ້ຕີລາຄາສູງຕໍ່ກັບງານບຸນປະເພນີປະຈໍາຊາດຂອງຊາວຈີນ ຫຼື ບຸນກິນກຸດຈີນ ເຊິ່ງເປັນງານບຸນປະເພນີໜຶ່ງທີ່ມີຄວາມໝາຍຄວາມສໍາຄັນທີ່ສຸດທາງດ້ານປະຫວັດສາດວັດທະນະທໍາຂອງຊາວຈີນທີ່ເຄີຍສືບທອດກັນມາຕັ້ງແຕ່ບັນພະບຸລຸດ ພ້ອມທັງປຶກສາຫາລືປະກອບສ່ວນເສີມຂະຫຍາຍຄູທິດຮ່ວມມືຍຸດທະສາດຮ້ອບດ້ານຍາວນານລະຫວ່າງສອງພັກ, ສອງລັດ ໂດຍສະເພາະສອງອົງການຈັດຕັ້ງຊາວໜຸ່ມສອງຊາດລາວ-ຈີນ ໃຫ້ກ້ວາງຂວາງ ແລະ ໜັກແໜ້ນເປັນຕົ້ນແມ່ນການແລກປ່ຽນດ້ານວິຊາການ, ການແລກປ່ຽນດ້ານຂໍມູນຂ່າວສານ, ການຄ້າການລົງທຶນຕະຫຼອດຮອດນັກທຸລະກິດໜຸ່ມ. ທັງສອງຝ່າຍຍັງໄດ້ແຈ້ງສະພາບໃຫ້ກັນຊາບໃນການປັບປຸງໂຄງຮ່າງການຈັດຕັ້ງຂອງສູນກາງ ຊປປລ ແລະ ສູນກາງຊາວໜຸ່ມກອມມູນິດຈີນ ອີກດ້ວຍ.ໃນໂອກາດອັນສະຫງ່າລາສີນີ້, ທ່ານອາລຸນໄຊ ສູນນະລາດ ກໍໄດ້ມອບກະຕ່າດອກໄມ້ພ້ອມຄໍາອວຍພອນໄຊອັນປະເສີດມາຍັງທ່ານ ຫວາງ ເວີນທຽນ.

[ໂດຍ: ຄໍາສິງ ວິໄລຄໍາ]

ທ່ານເລຂາຄະນະບໍລິຫານງານສູນກາງ ຊປປລ ລົງເຄື່ອນໄຫວ ແລະ ເຮັດວຽກ ຢູ່ແຂວງບໍລິຄໍາໄຊ

ໃນກາງເດືອນກຸມພາ 2018 ນີ້, ຢູ່ທີ່ຫ້ອງວ່າການປົກຄອງເມືອງທ່າພະບາດແຂວງບໍລິຄໍາໄຊ ໄດ້ເປີດກອງປະຊຸມສະຫຼຸບການເຄື່ອນໄຫວວຽກງານຊາວໜຸ່ມ-ເຍົາວະຊົນປະຈໍາປີ 2017 ແລະ ທິດທາງແຜນການປີ 2018 ຂອງຕົນຂຶ້ນ. ພາຍໃຕ້ການເປັນປະທານຂອງທ່ານ ອາລຸນໄຊ ສູນນະລາດ ກໍາມະການສໍາຮອງສູນກາງພັກ ສະມາຊິກສະພາແຫ່ງຊາດ ເຂດເລືອກຕັ້ງທີ່ 8 ແຂວງຫົວພັນ ເລຂາຄະນະບໍລິຫານງານສູນກາງ ຊປປລ ທ່ານ ກວນເພັດ ພວງມະລາ ກໍາມະການສູນກາງ ຊປປລ ເລຂາຄະນະບໍລິຫານງານຊາວໜຸ່ມແຂວງບໍລິຄໍາໄຊ ມີບັນດາຄະນະປະຈໍາພັກເມືອງ ບັນດາຂະແໜງການທີ່ກ້ຽວຂ້ອງ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

     ໃນກອງປະຊຸມໄດ້ຮັບຟັງບົດລາຍງານໂດຍຫຍໍ້ ພ້ອມທັງສະຫຼຸບຕີລາຄາຄືນການຈັດຕັ້ງປະຕິບັດການເຄື່ອນໄຫວວຽກງານຊາວໜຸ່ມ-ເຍົາວະຊົນ ໃນໄລຍະໜຶ່ງປີຜ່ານມາ ແລະ ວາງທິດທາງແຜນການໃນປີຕໍ່ໜ້າ. ໂດຍຢຶດໝັ້ນຕາມແນວທາງຂອງພັກ ຄະນະບໍລິຫານງານຊາວໜຸ່ມແຂວງໄດ້ຖືເອົາການສຶກສາອົບຮົມການເມືອງ-ແນວຄິດເປັນກົກ ໂດຍສອດຫ້ອຍເຂົ້າໃນທຸກຂົງເຂດວ

 

 

ຽກງານຕິດພັນກັບການຊຸກຍູ້ປຸກລະດົມ ແລະ ສ້າງເງື່ອນໄຂໃຫ້ສະມາຊິກຊາວໜຸ່ມ-ເຍົາວະຊົນ ໄດ້ຮໍ່າຮຽນແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແຜນພັດທະນາເສດຖະກິດສັງຄົມ ດ້ວຍຮູບການທີ່ເໝາະສົມ. ກອງປະຊຸມຍັງໄດ້ຄົ້ນຄ້ວາຮ່າງສໍາມະນາແຜນການຈັດຕັ້ງປະຕິບັດ ໂດຍໃຫ້ຄະນະຊາວໜຸ່ມແຕ່ລະຂັ້ນມີສ່ວນຮ່ວມໃນການຜັນຂະຫຍາຍມະຕິອົງຄະນະພັກແຂວງຕໍ່ການສະກັດກັນ ແລະ ແກ້ໄຂປະກົດການຫຍໍ້ທໍ້ຕ່າງໆໃນຖັນແຖວຊາວໜຸ່ມ-ເຍົາວະຊົນ, ແກ້ໄຂບັນຫາວຽກເຮັດງານທໍາຂອງຊາວໜຸ່ມຕິດພັນກັບຂະບວນການທີ່ສໍາຄັນຂອງພັກ-ລັດ. ໃນຕອນທ້າຍຂອງກອງປະຊຸມ ທ່ານ ອາລຸນໄຊ ສູນນະລາດ ກໍ່ໄດ້ເປັນກຽດໃຫ້ການໂອລົມ ເພື່ອຊີ້ທິດເຍື້ອງທາງ. ກ່ອນອື່ນທ່ານໄດ້ສະແດງຄວາມຊົມເຊີຍຕໍ່ຜົນງານທີ່ເປັນພົນເດັ່ນຊອງຄະນະຊາວໜຸ່ມແຂວງບໍລິຄໍາໄຊທີ່ຍາດມາໄດ້ໃນໄລຍະໜຶ່ງປີຜ່ານມາ, ພ້ອມນັ້ນຄະນະຊາວໜຸ່ມແຕ່ລະຂັ້ນ ຈະຕ້ອງເປັນເຈົ້າການຢ່າງຕ່າງໜ້າໃນການເຕົ້າໂຮມຊາວໜຸ່ມໃນທຸກສາຂາວິຊາຊີບ, ຊາວໜຸ່ມທຸກຊົນເຜົ່າໃນການປະກອບສ່ວນອັນສໍາຄັນຂອງກໍາລັງພັດທະນາເສດທະກິດ-ສັງຄົມແຂວງກໍຄືປະເທດຊາດ, ຄະນະຊາວໜຸ່ມແຕ່ລະຂັ້ນຈະຕ້ອງມີລັກສະນະຕິດພັນກັບມະຫາຊົນ ໂດຍການຫັນພະນັກງານໜຸ່ມລົງຮາກຖານໃຫ້ຫຼາຍຂຶ້ນ. ພິເສດການລົງເຄື່ອນໄຫວ  ແລະ ເຮັດວຽກໃນຄັ້ງນີ້ຍັງໄດ້ພົບປະນັກທຸລະກິດໜຸ່ມ, ຄອບຄົວຕົວແບບທາງດ້ານກະສິກໍາ ແລະ ຄອບຄົວທຸກຍາກອີກດ້ວຍ…//

 

 

[ໂດຍ: ຄໍາສິງ ວິໄລຄໍາ]