ຄຊປປລ ກະຊວງວິທະຍາສາດ-ເຕັກໂນໂລຊີ

16571658

16591660

ໜ່ວຍຊາວໜຸ່ມຮາກຖານ ກຕຂ ສະຫຼຸບການເຄື່ອນໄຫວວຽກງານ

 ໜ່ວຍຊາວໜຸ່ມກົມເຕັກໂນໂລຊີຂໍ້ມູນຂ່າວສານ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກອງ ປະ ຊຸມສະຫຼຸບການເຄື່ອນໄຫວວຽກງານຂອງຕົນ ຂຶ້ນໃນວັນທີ 31 ມີນາ 2016 ທີ່ ກຕຂ, ໂດຍການໃຫ້ກຽດເປັນ ປະທານຂອງ ສະຫາຍ ສຸລິຍາ ແສງດາລາວົງ ເລຂາໜ່ວຍຊາວໜຸ່ມຮາກຖານ ກຕຂ, ເຂົ້າຮ່ວມພິທີດັ່ງກ່າວມີ ສະຫາຍຮອງເລຂາ, ພ້ອມດ້ວຍສະມາຊິກຊາວໜຸ່ມພາຍໃນ ກຕຂ ເຂົ້າຮ່ວມຢ່າງພ້ອມພຽງ.

ຈຸດປະສົງຂອງການຈັດກອງປະຊຸມໃນຄັ້ງນີ້ແມ່ນ ເພື່ອເປັນການສະຫຼຸບການເຄື່ອນໄຫວວຽກງານຂອງ ໜ່ວຍ ຊາວໜຸ່ມຮາກຖານ ກຕຂ ປະຈໍາເດືອນ ມີນາ ກໍຄືການເຄື່ອນໄຫວວຽກງານໃນໄລຍະ 1 ປີທີ່ຜ່ານມາ, ໃນພິທີ ຍັງໄດ້ຜ່ານຮ່າງແບ່ງກຸ່ມວຽກ ແລະ ໜ້າທີ່ຮັບຜິບຊອບ ຂອງສະມາຊິກພາຍໃນໜ່ວຍ ພ້ອມທັງປະກອບຄໍາ ຄິດເຫັນໃສ່ຮ່າງນິຕິກໍາດັ່ງກ່າວ. ທັງນີ້ກໍ່ເພື່ອ ເຮັດໃຫ້ການຈັດຕັ້ງປະຕິບັດວຽກງານຂະບວນການ ກໍຄືວຽກງານ ຊາວໜຸ່ມໃຫ້ເປັນຂະບວນຟົດຟື້ນ ແລະ ຮັບປະກັນໄດ້ຄວາມສາມັກຄີ.

ໂອກາດດຽວກັນນີ້ ສະຫາຍ ສຸລິຍາ ແສງດາລາວົງ ເລຂາໜ່ວຍຊາວໜຸ່ມຮາກຖານ ກຕຂ ໄດ້ກ່າວເນັ້ນຢູ່ 4 ບັນຫາ ຄື: ຮຽກຮ້ອງໃຫ້ເອົາໃຈໃສ່ເຊື່ອມຊຶມວຽກງານທາງດ້ານການເມືອງແນວຄິດ, ສ້າງຄວາມສາມັກຄີກັນທັງ ພາຍໃນກໍຄືກັບພາຍນອກ, ສືບຕໍ່ເອົາໃຈໃສ່ກ່ຽວກັບລະບຽບລັດຖະກອນຢ່າງເຄັ່ງຄັດ; ຮຽກຮ້ອງໃຫ້ເອົາໃຈ ໃສ່ຫ້າ ວຫັນຕໍ່ກັບການສ້າງຂະບວນການຕ່າງໆເພື່ອສ້າງຄວາມເຂັ້ມແຂງໃຫ້ແກ່ໜ່ວຍ ແລະ ສ້າງຄວາມລຶ້ງເຄີຍກັນ; ຮຽກຮ້ອງໃຫ້ເອົາໃຈໃສ່ຄົ້ນຄວ້າຮ່ຳຮຽນວິຊາສະເພາະຂອງຕົນເພື່ອຝຶກຝົນຫຼໍ່ຫຼອມຕົນເອງ ໃຫ້ກາຍເປັນມະຫາ ຊົນກ້າວໜ້າ; ຮຽກຮ້ອງໃຫ້ສະມາຊິກທຸກສະຫາຍເອົາໃຈ ໃສ່ໃນການປະຕິບັດໜ້າທີ່ວຽກງານຂອງຕົນຮັບຜິດ ຊອບຕາມທີ່ຂັ້ນເທິງໄດ້ມອບໝາຍໃຫ້ ແລະ ສິ່ງສຳຄັນແມ່ນຕ້ອງກ້າຄິດ, ກ້າສະແດງອອກ ແລະ ກ້າຮັບຜິດ ຊອບ.

                                                                                                       ບົດຂ່າວ: ພິພາວັນ ໄຊສົງຄາມ

                                                                                                         ຮູບພາບ: ບຸນທັນ ນັນທະວົງ

ອ່ານຂ່າວທີ່ຜ່ານມາ

– ປະກາດການແຕ່ງຕັ້ງ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງວິທະຍາສາດ ແລະ ເຕັກໂນໂລຊີ

ໜ່ວຍຊາວໜຸ່ມຮາກຖານ ກົມເຕັກໂນໂລຊີຂໍ້ມູນຂ່າວສານສະຫຼຸບບັ້ນແຂ່ງຂັນ 4 ບຸກ