ທີ່ຕັ້ງ,ພາລະບົດບາດ

ທີ່ຕັ້ງ ແລະ ພາລະບົດບາດຂອງ ສູນກາງ ຊປປລ

  • ທີ່ຕັ້ງ      ສູນກາງຊາວໜຸ່ມ ປະຊາຊົນປະຕິວັດລາວ ຂຽນຫຍໍ້ວ່າ “ສຊປປລ” ແມ່ນອົງການຈັດຕັ້ງມະຫາຊົນຂັ້ນສູນກາງ, ເຊິ່ງເປັນອົງການຈັດຕັ້ງໜຶ່ງໃນລະບົບການເມືອງຂອງລະບອບປະຊາທິປະໄຕ ປະຊາຊົນ, ເຄົາລົບ, ເຄື່ອນໄຫວຕາມລັດຖະທໍາມະນູນ ແລະ ກົດໝາຍຂອງ ສາທາລະນະລັດ ປະຊາທິປະໄຕ ປະຊາຊົນລາວ, ພາຍໃຕ້ການນໍາພາໂດຍກົງ ແລະ ຮອບດ້ານຂອງກົມການເມືອງສູນກາງພັກ, ຄະນະເລຂາທິການ ສູນກາງພັກ ແລະ ຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ, ມີຖານະທຽບເທົ່າບັນດາອົງການຈັດຕັ້ງຂອງພັກ – ລັດ ຂັ້ນສູນກາງ.
  • ພາລະບົດບາດ

    ສູນກາງຊາວໜຸ່ມ ປະຊາຊົນປະຕິວັດລາວ ມີພາລະບົດບາດ ເປັນເສນາທິການ, ຮັບຜິດຊອບໂດຍກົງຕໍ່ກົມການເມືອງສູນກາງພັກ, ຄະນະເລຂາທິການ ສູນກາງພັກ ແລະ ຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ ໃນການເຕົ້າໂຮມຄວາມສາມັກຄີ, ຈັດຕັ້ງ, ສຶກສາອົບຮົມ ແລະ ພັດທະນາຊາວໜຸ່ມໃນທຸກດ້ານເພື່ອສ້າງໃຫ້ເຂົາເຈົ້າກາຍເປັນກໍາລັງປະຈັນບານ ແລະ ກໍາລັງໜູນທີ່ໄວ້ໃຈຂອງພັກ, ກາຍເປັນຜູ້ສືບທອດພາລະກິດຂອງພັກ, ຂອງຊາດ, ເປັນຕົວແທນໃຫ້ແກ່ສິດ ແລະ ຜົນປະໂຫຍດອັນຊອບທໍາຂອງຄົນຮຸ່ນໜຸ່ມ, ເປັນຜູ້ຮັບຜິດຊອບນໍາພາເຍົາວະຊົນ ແລະ ອະນຸຊົນທັນວາໃນທຸກດ້ານ.