ພະແນກສົ່ງເສີມພອນສະຫວັນເດັກ

ກະກຽມຄະນະເຍົາວະຊົນລາວເຂົ້າຮ່ວມໂຄງການເດັກນ້ອຍສາກົນ ທີປະເທດ ຣັດເຊຍ ປະຈຳປີ 2016 IMG_4480ໂຄງການເດັກນ້ອຍສາກົນແມ່ນໂຄງການໜຶ່ງທີ່ກົມເຍົາວະຊົນ ສູນກາງ ຊປປລ ແລະ ຄ້າຍໂອເກອານ ເມືອງວາລາດີວັດສະຕົກ    ສະຫະພັນຣັດເຊຍ     ເຊິ່ງສະຫະພັນຣັດເຊຍ    ໄດ້ມີບົດບັນທຶກຮ່ວມມືກັນ ໃນການແລກປ່ຽນກິດຈະກຳເຍົາວະຊົນ.       ໃນການເຂົ້າຮ່ວມໃນຄັ້ງນີ້  ເຍົາວະຊົນຕ້ອງມີອາຍຸ 13 – 17 ປີ ແລະ ຕ້ອງໄດ້ຜ່ານການສອບເສັງຄວາມຮູ້ດ້ານການເມືອງ, ວັດທະນະທຳ ແລະ ຄວາມຮູ້ຮອບຕົວຕ່າງໆ ເຊີງມີການສອບເສັງທັງໝົດ 53 ນ້ອງຄັດເອົາພຽງ 25 ນ້ອງ. ຫຼັງຈາກໄດ້ມີການຄັດເລືອກເປັນທີຮຽບຮ້ອຍແລ້ວກໍໄດ້ມີການຝຶກຊ້ອມໃນລະຫວ່າງວັນທີ 4 ມິຖຸນາ – 6 ກໍລະກົດ 2016 ທີ່ ສູນກາງ ຊາວໜຸ່ມ ປະຊາຊົນ ປະຕິວັດລາວ ການໄປໃນຄັ້ງນີ້ຄະນະເຍົາວະ ຊົນລາວເຂົ້າຮ່ວມໂຄງການເດັກນ້ອຍສາກົນ ທີ ປະເທດ ຣັດເຊຍ ມີທັງໝົດ 30 ຄົນ ເຍົາວະຊົນ 25 ຍິງ 16 ຄົນ ຜູ້ນໍາພາ 4 ຄົນ ນາຍແປພາສາ 1 ຄົນ, ເຊິ່ງ ນຳໂດຍ ທ່ານ ນາງ ສົມສະນິດ ແກ້ວດວງດີ ຫົວໜ້າກົມເຍົາວະຊົນ ເປັນຫົວໜ້າຄະນະ ການເດີນທາງຄັ້ງນີ້ແມ່ນຈະເດີນທາງໃນລະຫວ່າງ ວັນທີ 15 ກໍລະກົດ ຫາ 13 ສິງຫາ 2016 ແລະ ກ່ອນຈະເດີນທາງກໍໄດ້ມີການກະກຽມກິດຈະກຳຕ່າງໆ ເພື່ອໄປແລກປ່ຽນກັບບັນດາປະເທດທີເຂົ້າຮ່ວມໂຄງການເຊິງມີການກະກຽມດັ່ງນີ້:

  • ກະກຽມທາງດ້ານສິລະປະມີລາຍລະອຽດດັ່ງນີ້: ບົດຟ້ອນມະຫາໄຊ, ເຕີ້ຍກ້ຽວສາວ, ຊົມແສງອາລຸນ, ຮ້ອງເພງຮອຍຍິ້ມຊາວວຽງ ແລະ ເພງຣັດເຊຍ
  • ເກມຫຼິ້ນມີລາຍລະອຽດດັ່ງນີ້: ເກມປາທູເຂົ້າແຕະ, ເກມຕີຊຸ້ມຕໍ່ແຖວ ເກມກຳລັງສະບາຍ, ເກມຈິນຕະນາ ການ,ເກມປັບປ່ຽນ ແລະ ຮ້ອງເຊຍຈຳນວນໜຶ່ງ
  • ດ້ານກິລາ: ກິລາບານເຕະ, ປິງປ໋ອງ, ບານບ້ວງ, ບານສົ່ງ ແລະ ອື່ນໆ
  • ນອກຈາກນີ້ຍັງໄດ້ອົບຮົມດ້ານວັດທະນະທຳ, ຮີດຄອງປະເພນີອັນດີງາມຂອງລາວເຊັ່ນ: ມາລະຍາດ, ການກິນຢູ່, ການປາກເວົ້າ ແລະ ອື່ນໆ
  • ເຊິ່ງການກະກຽມໃນຄັ້ງນີ້ແມ່ນສາມາດຕີລາຄາຄວາມພ້ອມແມ່ນພ້ອມຮ້ອຍສ່ວນຮ້ອຍ.                                                                                                                                                                                   ຂຽນໂດຍ:ກົມເຍົາວະຊົນ