ພະແນກອົບຮົມ

111

 

ປູກຕົ້ນໄມ້

“ ຄືນແຜນດິນສີຂຽວໃຫ້ເຍົາວະຊົນ “

ຂອງ 03 ອົງການຈັດຕັ້ງມະຫາຊົນ ໜ່ວຍກົມເຍົາວະຊົນ ສູນກາງ ຊປປລ

ໃນວັນທີ 11 ມິຖຸນາ 2016 ເວລາ 9:00 ທີ່ສະໂມສອນໂຮງຮຽນປະຖົມດົງກະລຶມ ເມືອງປາກງື່ມ ນະຄອນຫຼວງວຽງຈັນ ໄດ້ຈັດຕັ້ງກິດຈະກໍາປູກຕົ້ນໄມ້ຂຶ້ນຢ່າງເປັນທາງການ ພາຍໃຕ້ການເປັນປະທານຂອງ ທ່ານ ນ ອະມິດຕາ ສີປະມວນ ຮອງເລຂາພັກເມືອງ ຮອງເຈົ້າເມືອງ ເມືອງປາກງື່ມ ແລະ ທ່ານ ນ ສົມສະນິດ ແກ້ວດວງດີ ເລຂາໜ່ວຍພັກ ຫົວໜ້າກົມເຍົາວະຊົນ ສູນກາງ ຊປປລ, ຍັງມີຜູ່ຕາງໜ້າຊາວໜຸ່ມນະຄອນຫຼວງ, ພະນັກງານ ກົມເຍົາວະຊົນ ແລະ ສະມາຊິກ 3 ອົງການຈັດຕັ້ງພາຍໃນສູນກາງ ຊປປລ, ຄະນະບໍລິຫານຊາວໜຸ່ມເມືອງປາກງື່ມ, ນາຍບ້ານ, ບັນດາຄະນະອໍານວຍການໂຮງຮຽນ ປະຖົມດົງກະລຶມ, ປະຖົມສິງ    ຫອມ, ປະຖົມດອນວັງໂພ, ປະຖົມຖິ່ນພຽງ, ຄູອາຈານ, ຜູ່ໃຫ້ການອຸປະຖໍາມີ ຫ້ອງຂໍ້ມູນຂ່າວສານ ແລະ ປະຊາສໍາພັນ ລັດວິສະຫະກິດໄຟຟ້າລາວ, ທະນາຄານນະໂຍບາຍ ຕະຫຼອດຮອດພໍ່ແມ່ຜູ່ປົກຄອງ ແລະ ຫຼານນ້ອຍອະນຸຊົນ-ເຍົາວະຊົນ ທີ່ເຂົ້າຮ່ວມໃນງານ ຈໍານວນທັງໝົດ 400 ຄົນ ຍິງ 203 ຄົນ.

ໃນງານຄັ້ງນີ້ໄດ້ຮັບຟັງການເລົ່າປະຫວັດວັນເດັກ ແລະ ຄວາມສໍາຄັນຂອງປ່າໄມ້ ຈາກທ່ານ ນ ສົມສະນິດ ແກ້ວດວງດີ ເລຂາໜ່ວຍພັກ ຫົວໜ້າກົມເຍົາວະຊົນ ແລະ ຮັບກຽດກ່າວຕ້ອນຮັບຈາກທ່ານ ນ ອະມິດຕາ ສີປະມວນ ຮອງເລຂາພັກເມືອງ ຮອງເຈົ້າເມືອງ ເມືອງປາກງື່ມ ຢ່າງອົບອຸ່ນ. ພິເສດໃນງານໄດ້ຈັດກິດຈະກໍາປູກເບ້ຍໄມ້ຈໍານວນ 500 ເບ້ຍ ໂດຍແມ່ນຜູ່ເຂົ້າຮ່ວມ ຮ່ວມກັນປູກ. ຫຼັງຈາກນັ້ນ ທາງກົມເຍົາວະຊົນ, ລັດວິສະຫະກິດໄຟຟ້າລາວ ແລະ ທະນາຄານນະໂຍບາຍ ຮ່ວມກັນແຈກຢາຍຂະໜົມ, ປື້ມ, ອຸປະກອນການສຶກສາ ແລະ ເຄື່ອງຫຼິ້ນກິລາ ໃຫ້ໂຮງຮຽນ ແລະ ນ້ອງເຍົາວະຊົນ ຕະຫຼອດຮອດພໍ່ແມ່ຜູ່ປົກຄອງທີ່ເຂົ້າຮ່ວມງານ ແລະ ຊົມການສະແດງຕ່າງໆຂອງເຍົາວະຊົນເຊັ່ນ: ສິລະປະວັນນະຄະດີ 4 ລາຍການ ຟ້ອນ ແລະ ຮ້ອງເພງ ຈົບດ້ວຍຫຼິ້ນເກມມ່ວນ ຊື່ນຫຼາກຫຼາຍຮູບແບບ ຈາກກົມເຍົາວະຊົນ ແລະ ລັດວິສະຫະກິດໄຟຟ້າລາວ ເປັນຜູ່ນໍາພາຫຼິ້ນ ໂດຍມີຂອງຂັວນຂອງລາງ ວັນແຈກເປັນຈໍານວນຫຼວງຫຼາຍ. ອະນຸຊົນ-ເຍົາວະຊົນ ແລະ ຜູ່ເຂົ້າຮ່ວມງານແມ່ນໄດ້ຮັບຂະໜົມ ແລະ ອຸປະກອນ ກັນໝົດທຸກຄົນ ດ້ວຍໃບໜ້າຍິ້ມແຍ້ມ ແລະ ມ່ວນຊື່ນ.

ຂຽນໂດຍ: ກົມເຍົາວະຊົນ ສູນກາງ ຊປປລ