ຊາວໜຸ່ມເມືອງວັງວຽງຮ່ວມໃຈຊ່ວຍເຫຼືອສັງຄົມ.

ໃນວັນທີ  22 ມິຖຸນາ 2019 ທີ່ຜ່ານມານີ້ຄະນະບໍລິຫານງານຊາວໜຸ່ມເມືອງວັງວຽງແຂວງວຽງຈັນ ໄດ້ຮ່ວມໃຈປຸລະດົມທືນນຳສະມາຄົມນັກທຸລະກິດໜຸ່ມ,ກອງອາສາສະໝັກຊາວໜຸ່ມຕະລຸມບອນ,ຊາວໜຸ່ມສຳນັກງານພາຍໃນເມືອງ ເພື່ອໄປຊ່ວຍເຫຼືອຄອບຄົວທ້າວ ບູນກື ອາຍຸ  55 ປີ ຢູ່ບ້ານ ແກ່ວກ້ວາງເມືອງວັງວຽງແຂວງວຽງຈັນ ທີ່ຖືກເຄາະຮ້າຍຈາກອັກຄີໄພ, ເຄື່ອງທີ່ນຳມາມອບຄັ້ງນີ້ມີສັງກະສີ 50 ແຜນ, ຕຽງນອນ 5 ໜ່ວຍ, ເຄື່ອງນຸ່ງຫົ່ມ, ພັດລົມ, ເຄື່ອງໃຊ້ຄົວເຮືອນ ແລະ ເງີນສົດຈຳນວນໜື່ງ, ລວມມູນຄ່າທັງໝົດ 5, 250, 000ກີບ,  ເຊີ່ງກ່າວມອບໂດຍສະຫາຍ  ແອໂລ  ສຸດທະລິດ ກຳມະການຊາວໜຸ່ມແຂວງ ເລຂາຊາວໜຸ່ມເມືອງວັງວຽງ, ໂດຍມີອົງການຈັດຕັ້ງບ້ານທຸກພາກສ່ວນຂອງບ້ານເຂົ້າຮ່ວມຢ່າງພ້ອມພຽງ.

ຂ່າວຍັງໄດ້ໃຫ້ຮູ້ອີກວ່າ : ໃນລະຫ່ວາງວັນທີ  20 ພືດສະພາ  ຫາວັນທີ  8  ລະກົດ 2019 ທີ່ຜ່ານມານີ້  ຄະນະບໍລິຫານງານຊາວໜຸ່ມເມືອງວັງວຽງແຂວງວຽງຈັນ, ໄດ້ສົມທົບກັບອາສາສະໝັກຊາວໜຸ່ມມາເລເຊຍຈຳນວນ 5  ສະຫາຍ ຍິງ  2 ສະຫາຍ, ກອງອາສາສະໝັກຊາວໜຸ່ມເມືອງ,  ພ້ອມດ້ວຍອຳນາດການປົກຄອງເມືອງ  ແລະ ປະຊາຊົນ  ບ້ານ ​ນາທອງເມືອງວັງວຽງແຂວງວຽງຈັນ  ເພື່ອເຄື່ອນໄຫວກິດຈະກຳຊ່ວຍເຫຼືອສັງຄົມຢູ່ໂຮງຮຽນປະຖົມສົມບູນບ້ານນາທອງ,  ພາຍໄຕຫົວຂໍ້ ຮັກສາສີ່ງແວດລ້ອມ ຕິດພັນກັບແຫຼງທ່ອງທ່ຽວຂອງເມືອງວັງວຽງ, ໂດຍມກິດຈະກຳຫຼັກ ແລະ ຮອບດ້ານ   1.  ກິດຈະກຳ ແລກປ່ຽນວັດທະນະທຳທາງດ້ານປຸງແຕ່ງອາຫານລະຫວ່າງລາວ ແລະ ມາເລເຊຍ, 2. ແຈກຢາຍກະເປົາເປໃຫ້ແກ່ນ້ອງນັກຮຽນຈຳວນ 107  ນ້ອງ,  3.  ສົ່ງເສີມວຽກງານສຸຂະສືກສາ  ແລະ ແຈກຢາຍຢາປົວພະຢາດໃຫ້ແກ່ປະຊາຊົນ, 4. ທາສີ, ອານາໄມ, ຕົບແຕ່ງຫໍສະໝຸດ, ແລະ  ອື່ນໆ, ນອກຈາກນີ້ຍັງໄດ້ຊື້ໂຕະ – ຕັ່ງເຂົ້າຫ້ອງຮຽນອານຸບານຈຳນວນ 22 ຊຸດ, ສ້າງເດີນເຕະບານສົ່ງໃຫ້ໂຮງຮຽນ, ປ່ຽນທ້າຍກະເບື້ອງໂຮງຮຽນ, ທາສີຮັບແຂກຢູ່ສະຖານທີ່ແຫຼງທ່ອງທ່ຽວຖໍ້າປູຄຳຈຳນວນ  7 ຫຼັງລວມມູນຄ່າຂອງການຊ່ວຍເຫຼືອທັງໝົດ 36, 300, 000 ກີບ.