ການນຳສູນກາງຊາວໜຸ່ມປະຊາຊົນປະຕິວັດລາວ ພົບປະໂອ້ລົມ ຄະນະປະຈຳ ແລະ ຄະນະບໍລິຫານງານຊາວໜຸ່ມແຂວງບໍລິຄຳໄຊ.

ໃນ​ຕອນ​ເຊົ້າ​ຂອງ​ວັນ​ທີ່  10 ສິງຫາ 2018 ທີ່​ຜ່ານ​ມາ ຢູ່​ທີ່​ຫ້ອງ​ປະຊຸມ​ຄະນະ​ບໍລິຫານງານຊາວໜຸ່ມ​ແຂວງ​ບໍລິ​ຄຳ​ໄຊ​. ​ໄດ້​ຈັດ​ກອງ​ປະຊຸມ​ພົບ​ປະ​ແລ່​ກປ່ຽນບົດ​ຮຽນ ​ແລະ ຮັບ​ຟັງ​ການ​ໂອ້​ລົມ​ຈາກ​ການ​ນຳ​ສູນ​ກາງ​ຊາວໜຸ່ມ ປະຊາຊົນ​ ປະຕິວັດ​ລາວ. ມີ​ຮອງ​ເລຂາ​ຄະນະ​ບໍລິຫານ​ງານຊາວໜຸ່ມ​ແຂວງ​ພ້ອມ​ດ້ວຍ​ຄະນະ​ປະຈຳຊາວໜຸ່ມ​ແຂວງ, ຄະນະ​ບໍລິຫານ​ງານຊາວໜຸ່ມ​ແຂວງ​ເຂົ້າ​ຮ່ວມ 18 ສະຫາຍ, ຍິງ 4 ສະຫາຍ​ໃຫ້ກຽດ​ເປັນ​ປະທານ​ໂດຍ ສະຫາຍ ອາ​ລຸນ​ໄຊ ສູນ​ນະລາດ ກຳມະການ​ສຳຮອງ ສູນ​ກາງ​ພັກ, ​ເລຂາ​ສູນ​ກາງ​ຊາວໜຸ່ມປະຊາຊົນ​ ປະຕິວັດ​ລາວ ພ້ອມ​ດ້ວຍ​ຄະນະ.

​ໃນ​ກອງ​ປະຊຸມ​ດັ່ງກ່າວ​ຍັງ​ໄດ້​ຮັບ​ຟັງ​ການ​ລາຍ​ງານ​ວຽກງານ​ການຈັດ​ຕັ້ງ​ໃນ​ໄລຍະ​ ໜຶ່ງປີຜ່ານ​ມາ ​ແລະ ທິດ​ທາງ​ແຜນການ​ໃນ​ປີຕໍ່​ໄປ​. ​​ໂດຍ ສະຫາຍ ​ແກ້ວ​ອຸດອນ ​ໄຊ​ປະ​ເສີດ ຮອງ​ເລຂາ​ຄະນະ​ບໍລິຫານ​ງານ​ຊາວໜຸ່ມ​ແຂວງ. ປະຈຸ​ບັນ​ຄະນະ​ບໍລິຫານ​ງານ​ຊາວໜຸ່ມ​ແຂວງ​ໄດ້​ແຮ່​ກສ່ຽວກັບ 5 ​ແຂວງ, 6 ກະຊວງ, 1 ນະຄອນຫຼວງ. ປະຈຸ​ບັນ​ຄະນະ​ບໍລິຫານ​ງານ​ຊາວໜຸ່ມ​ແຂວງ​ໄດ້​ຂະຫຍາຍ​ສະມາຊິກ​ຊາວໜຸ່ມ​ໄດ້ 64.209 ຄົນ, ຍິງ 32.265ຄົນ, ການຈັດ​ຕັ້ງ​ຊາວໜຸ່ມຂັ້ນ​ແຂວງ​ມີ 1 ພະ​ແນ​ກ, 29 ຄຊປປລຮາກ​ຖານ, 19 ໜ່ວຍຮາກ​ຖານ, ຂັ້ນ​ເມືອງ​ມີ 91ຄຊປປລຮາກ​ຖານ, 289 ໜ່ວຍ.  ​ໄດ້​ສຳ​ເລັດ​ການ​ປັບປຸງ​ວຽກງານ​ການຈັດ​ຕັ້ງ​ຮາກ​ຖານ​ອ້ອມ​ຂ້າງ​ເມືອງ ​ແລະ ບ້ານ ສຳ​ເລັດ 90%​. ໃນ​ກອງ​ປະຊຸມ​ຍັງ​ໄດ້​ມີການ​ແລ່​ກປ່ຽນຄຳ​ຄິດ​ຄຳ​ເຫັນຂອງ​ຄະນະ​ປະຈຳຊາວໜຸ່ມ​ແຂວງ, ຄະນະ​ບໍລິຫານ​ງານຊາວໜຸ່ມ​ແຂວງ​ຕຶ່ມອິກ.

ຕອນ​ທ້າຍ​ກອງ​ປະ​ຊຸມ​ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກ ສະຫາຍ ອາ​ລຸນ​ໄຊ ສູນ​ນະລາດ ກຳມະການ​ສຳຮອງ​ສູນ​ກາງ​ພັກ ​ເລຂາ​ສູນ​ກາງ​ຊາວໜຸ່ມປະຊາຊົນ ປະຕິວັດ​ລາວ ກ່ອນ​ອຶ່ນໝົດສະຫາຍ​ໄດ້​ຍ້ອງຍໍ​ຊົມ​ເຊີຍ​ຕໍ່ຄະນະ​ບໍລິຫານ​ງານ​ຊາວໜຸ່ມ​ແຂວງ​ຍາມ​ໄດ​ກໍ່​ໄດ້​ເອົາ​ໃຈ​ໃສ​ພັດທະນາ​ວຽກງານ​ຊາວໜຸ່ມ-​ເຍົາວະ​ຊົນບົນ​ພື້ນຖານ​ຄວາມ​ສາມັກຄີ​ປ້ອງ​ດອງ​ເປັນ​ຈິດໜຶ່ງ​ໃຈດຽວ​ເຮັດ​ໃຫ້​ວຽກງານ​ຊາວໜຸ່ມ-​ເຍົາວະ​ຊົນມີ​ບາດ​ກ້າງ​ຂະຫຍາຍຕົວ​ຂື້ນ​ເປັນ​ບາດກ້າວໆ