ຄະນະຊາວໜຸ່ມແຂວງບໍລິຄຳໄຊຈັດພິທີພົບປະແລ່ກປ່ຽນບົດຮຽນ ກັບ ຄະນະຊາວໜຸ່ມກະຊວງສັບພະຍາ ກອນທຳມະຊາດແລະສິ່ງແວດລ້ອມ

 

 

 

 

 

ອິງ​ຕາມບົດ​ບັນທຶກທົບ​ທວນ​ການ​ຮ່ວມ​ມື ​ແຂວງ​​ແຮກສ່ຽວ ລະ​ຫ່ວາງ ຄະນະ​ບໍລິຫານ​ງາ​ນຊາວໜຸ່ມ ກະຊວງ​ສັບພະ​ຍາກ​ອນທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແລະ ຄະນະ​ບໍລິຫານ​ງານ​ຊາວໜຸ່ມ ​ແຂວງ​ບໍລິ​ຄຳ​ໄຊ.

​ໃນ​ຕອນ​ເຊົ້າ​ຂອງ​ວັນ​ທີ 31 ພຶດສະພາ 2018 ທີ່​ຜ່ານ​ມາຢູ່​ທີ່​ຫ້ອງ​ປະຊຸມ​ ຄະນະ​ບໍລິຫານ​ງານ​ຊາວໜຸ່ມ​ແຂວງ​ບໍລິ​ຄຳ​ໄຊ​ໄດ້​ຈັດ​ພິທີ​ພົບ​ປະ​ແລ່​ກປ່ຽນບົດຮຽນການ​ຮ່ວມ​ມື​ເຊິ່ງກັນ ​ແລະ ກັນ​ຂອງ​ສອງ​ ຄະນະ​ຊາວໜຸ່ມ ຄະນະ​ບໍລິຫານ​ງານ​ຊາວໜຸ່ມ​ແຂວງ​ບໍລິ​ຄຳ​ໄຊນຳ​ໂດຍສະຫາຍ ​ແກ້ວ​ອຸດອນ ​ໄຊ​ປະ​ເສີດ ຮອງ​ເລຂາ​ຄະນະ​ບໍລິຫານ​ງານ​ຊາວໜຸ່ມ​ແຂວງ​ບໍລິ​ຄຳ​ໄຊພ້ອມ​ດ້ວຍ​ຄະນະ​ປະຈຳ​ຄະນະ​ບໍລິຫານ​ງານ​ຊາວໜຸ່ມ​ແຂວງ, ຄະນະ​ຊາວໜຸ່ມກະຊວງ​ສັບພະ​ຍາກ​ອນທຳ​ມະ​ຊາດ ​ແລະ ສິ່ງ​ແວດ​ລ້ອມ​ເຊິ່ງນຳພາ​ໂດຍ ສະຫາຍ ວິລະ​ສັກ ຈຸນ​ດາລາ ຮອງ​ເລຂາ ຊາວໜຸ່ມກະຊວງ​ສັບພະ​ຍາກ​ອນທຳ​ມະ​ຊາດ ​ແລະ ສິ່ງ​ແວດ​ລ້ອມພ້ອມ​ດ້ວຍ​ຄະນະ​ປະຈຳ​ຄະນະ​ກະຊວງ​ສັບພະ​ຍາກ​ອນທຳ​ມະ​ຊາດ ​ແລະ ສິ່ງ​ແວດ​ລ້ອມ.

​ໃນ​ພິທີ ສະຫາຍ ວັນນະ​ສີນ ສອນວິ​ໄລ ຄະນະ​ປະຈຳ​ຊາວໜຸ່ມ​ແຂວງ ຫົວໜ້າຫ້ອງການ​ກໍ່​ໄດ້​ຂື້ນ​ຜ່ານ​ຈຸດປະສົງ​ ​ແລະ ການ​ຮ່ວມ​ມື​ໃນ​ໄລຍະ​ຜ່ານ​ມາ ​ແລະ ທິດ​ທາງ​ແຜນການ​​ໃນຕໍ່ໜ້າ​ເຊິ່ງມີ​ຄວາມ​ເປັນ​ເອກະ​ພາບ​ດັ່ງ​ນີ້ ​ເດືອນ ກັນຍາ ປີ 2018 ຄະນະ​ບໍລິຫານ​ງານ​ຊາວໜຸ່ມ​ກະຊວງ​ສັບພະ​ຍາກ​ອນທຳ​ມະ​ຊາດ ​ແລະ ສິ່ງ​ແວດ​ລ້ອມ​ຈະ​ສະໜັບສະໜູນ ຄະນະ​ບໍລິຫານ​ງານ​ຊາວໜຸ່ມ​ແຂວງ​ຈັດ​ກິດຈະກຳ​ປະຖະກະຖາ 3 ວັນ​ປະ​ຫັວດສາດ​ຄື: ວັນ​ຄ້າຍ​ວັນ​ເກີດ​ຂອງ​ທ່ານ​ປະທານ​ສຸພາ​ນຸວົງ ​ແລະ ວັນ​ສ້າງ​ຕັ້ງ​ສາຍ​ພົວພັນ​ການ​ທູດ​ລາວ​ຫວຽດນາມ, ວັນ​ສ້າງ​ຕັ້ງ​ສາຍ​ພົວພັນ​ຮ່ວມ​ມື​ຮອບດ້ານ ລາວ-ຫວຽດນາມ.  ​ເດືອນ ກັນຍາ ປີ 2018 ເປັນ​ເຈົ້າພາບ​ຈັດ​ກິດຈະກຳ​ນຳພາ​ເຍົາວະ​ຊົນ​ໄປ​ທັດສະນະ​ທີ່​ນະ​ຄອນຫຼວງວຽງຈັນ.

​ໃນ​ຕອນ​ບ່າຍ​ຂອງ​ວັນ​ດຽວກັນ​ນັ້ນ​ທາງ​ທິມງານ​ຊາວໜຸ່ມກະຊວງ​ສັບພະ​ຍາກ​ອນທຳ​ມະ​ຊາດ ​ແລະ ສິ່ງ​ແວດ​ລ້ອມ​ກໍ່​ໄດ້​ລົງ​ໄປ​ເຜີຍ​ແຜ່​ຄວາມ​ຮູ້​ກ່ຽວກັບ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ໃຫ້​ແກ່​ສະມາຊິກ​ຊາວໜຸ່ມ, ​ເຍົາວະ​ຊົນ​ທີ່​ໂຮງຮຽນ ມສ ສີ​ທ່າ​ນາ​ໄຊ​ເຊິ່ງມີ​ຜູ້​ເຂົ້າ​ຮ່ວມ​ທັງໝົດ 200ກ່ວາ​ຄົນ. ຫຼັງຈາກ​ສຳ​ເລັດ​ການ​ເຜີຍ​ແຜ່​ຄວາມ​ຮູ້ກ່ຽວກັບ​ທຳ​ມະ​ຊາດ​ແລ້ວ​ທາງ​ຄະນະ​ຊາວໜຸ່ມກະຊວງ​ສັບພະ​ຍາກ​ອນທຳ​ມະ​ຊາດ ​ແລະ ສິ່ງ​ແວດ​ລ້ອມ ຮ່ວມ​ກັບ​ຄະນະ​ຊາວໜຸ່ມ​ແຂວງ​ໄດ້​ຮ່ວມ​ກັນ​ປູກ​ຕົ້ນ​ໄມ້ຈຳນວນ 200 ກ່ວາ​ຕົ້ນ ​ເຊິ່ງຕົ້ນ​ໄມ້​ທີ່​ນຳ​ມາ​ປູກ​ໃນ​ຄັ້ງ​ນີ້​ມີ​ທັງ​ຕົ້ນ​ໄມ້​​ໃຫ້ໝາກ ​ແລະ ຕົ້ນ​ໄມ້​ອຸດສາຫະກຳ ​ແລະ ​ໄມ້​ປະດັບ ທີ່​ເດີນ​ໂຮງຮຽນ ມສ ສີ​ທາ​ນາ​ໄຊ​ເພື່ອ​ເປັນ​ທີ່​ລະນຶກລະ​ຫ່ວາງ 2 ຄະນະ​ຊາວໜຸ່ມ.

ຂ່າວ​ໂດຍ: ຈັນທະ​ວົງ ພັນ​ຍານຸວົງ020 2851 6649