ຄະນະບໍລິຫານງານຊາວໜຸ່ມແຂວງບໍລິຄຳໄຊ ມອບເຄື່ອງນຸ່ງຮົ່ມໃຫ້ຄອບຄົວອານາຖາຢູ່ 3 ບ້ານ ຂອງເມືອງ ວຽງທອງ

ເພື່ອ​ເປັນ​ການບັນ​ເທົ່າ​ທຸກ​ແກ່​ພໍ່​ແມ່​ປະຊາຊົນ​ເຂດ​ຫາງ​ໄກ​ສອກຫຼິກ ​ແລະ ​ເປັນ​ການ​ສ້າງ​ຂະ​ບວນການ​ຕ້ອນຮັບ​ກອງ​ປະ​ຊຸ່ມ​ໃຫ່ຍຄົບ​ຄະນະ​ບໍລິຫານ​ງານ​ຊາວໜຸ່ມ​ແຂວງ​ ຄັ້ງ​ທີ່ 4 ສະ​ໄໝທີ່ V​ ທີ່​ຈະ​ໄດ້​ເປີດ​ຂື້ນ​ຕົ້ນ​ເດືອນ ກຸມພາ 2018 ທີ່​ເມືອງ​ທ່າ​ພະ​ບາດ.

​ໃນ​ວັນ​ທີ່ 24 ມັງກອນ 2018 ນີ້  ທ່ານ  ​ແກ້ວ​ອຸດອນ ​ໄຊ​ປະ​ເສີດ ຮອງ​ເລຂາ​ຄະນະ​ບໍລິຫານ​ງານ​ຊາວໜຸ່ມ​ແຂວງພ້ອມ​ດ້ວຍ​ທິມງານ​ຊາວໜຸ່ມ​ແຂວງ ​​ນຳ​ເອົາ​ເຄື່ອງນຸ່ງ​ຮົ່ມ​ ​ແລະ ອຸປະກອນ​ກາ​ນສຶກສາ​ລວມມູນ ຄ່າ 5,000,000 ກີບ​ໄປ​ມອບ​ໃຫ້​ແກ່ຄອບຄົວ​ທຸກ​ຍາກ​ອານາ​ຖາ​ຢູ່ 3 ບ້ານ ຂອງ​ເມືອງ ວຽງທອງ​ຄື: ບ້ານ ມີ​ໄຊ​, ບ້ານ​ໄຊ​ບົວທອງ ​ແລະ ບ້ານ​ວັງ​ແປ້ນ ​ໂດຍ​ຊ້ອງໜ້າອຳນາດ​ການ​ປົກຄອງ​ບ້ານ ​ແລະ ພໍ່​ແມ່​ປະຊາຊົນ​ ​ແລະ ນ້ອງ​ນ້ອຍ​ນັກຮຽນ ທັງ 3 ບ້ານ​ເຂົ້າ​ຮ່ວມຢ່າງ​ພ້ອມພຽງ ​ເຄື່ອງ​ທີ່​ນຳ​ໄປ​ມອບ​ໃນ​ຄັ້ງ​ນີ້ ​ແມ່ນ​ໄດ້​ລະດົມ​ຈາກ​ສະມາຊິກ​ຊາວໜຸ່ມ, ຮາກ​ຖານ​ຕ່າງໆພາຍ​ໃນ​ແຂວງ​ ​ແລະ ບັນດາ​ສ່ຽວຊາວໜຸ່ມຈາກ​ນະຄອນຫຼວງວຽງຈັນ. ​​ເຊິ່ງທັງ 3 ບ້ານ​ນີ້​ແມ່ນ​ຢູ່​ເຂດ​ຫາງ​ໄກ​ສອກຫຼິກ, ​ເສັ້ນທາງ​ທຸລະກັນດານ​ພ້ອມ​ດຽວກັນ​ນີ້​ຄະນະ​ຊາວໜຸ່ມ​ແຂວງ ​ແລະ ​ເມືອງ​ໄດ້​ລະດົມ​​ເຫື່ອ​ແຮງ​, ປັດ​ໃຈ​ ຈາກ​ພາກສ່ວນ​ຕ່າງໆ​ເພື່ອ​ປຸກ​ສ້າງ​ເຮືອນ​​ໃຫ້​ແກ່​ຜູ້​ອານາ​ຖາໜຶ່ງຫຼັງຢູ່​ບ້ານ​ວັງ​ແປ້ນ​​ ປັດຈຸບັນ​ແມ່ນ​ກຳລັງ​ອອກ​​ແບບປຸກ​ສ້າງ ​ແລະ ຈະ​ໃຫ້​ສຳ​ເລັດ​ໃນ​​ໄວ້ໆນີ້.