ຄະນະຊາວໜຸ່ມແຂວງບໍລິຄຳໄຊ ລົງຊຸກຍູ້ວຽກງານຊາວໜຸ່ມ-ເຍົາວະຊົນຢູ່ 3 ເມືອງ

​ໂດຍ​ປະຕິບັດ​ຕາມ​ມະຕິ​ກອງ​ປະຊຸມ​ເປີດ​ກ້ວາ​ງຄົບ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ບໍລິ​ຄຳ​ໄຊ ຄັ້ງ​ທີ 3 ສະ​ໄໝ​ທີ V, ມະຕິ​ກອງ​ປະຊຸມ​ເປີດ​ຂະ​ບວນການ 4 ບຸກທົ່ວ​ແຂວງ ​ແລະ ປະຕິບັດ​ຕາມ​ທິດ​ຫັນ​ລົງ​​ຮາກ​ຖານ​ຕາມ​ສາຍ​ຕັ້ງຂອງ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ບໍລິ​ຄຳ​ໄຊ.

​ໃນ​ລະຫວ່າງວັນ​ທີ 13-17 ພະຈິກ 2017 ນີ້ທ່ານ ກວນເພັດ ພວງມາລາ ກຳມະການສູນກາງຊາວໜຸ່ມປະຊາຊົນປະຕິວັດລາວ, ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ບໍລິ​ຄຳ​ໄຊ ພ້ອມຄະນະ ແລະ ​ທິມງານ 11 ສະຫາຍ, ​ລົງ​ຊຸກຍູ້​ວຽກງານຊາວໜຸ່ມ-ເຍົາວະຊົນຢູ່ 3 ​ເມືອງຄື: ເມືອງໄຊຈຳພອນ , ເມືອງວຽງທອງ ແລະ ເມືອງຄຳເກີດ. ຈຸດປະສົງການລົງມາຂອງຄະນະບໍລິຫານງານຊາວໜຸ່ມແຂວງໃນຄັ້ງນີ້  ກໍ່ເພື່ອເຜີຍແຜ່ມະຕິກອງປະຊຸມຄົບຄະນະບໍລິຫານງານຊາວໜຸ່ມແຂວງ ຄັ້ງທີ 3 ສະໄໝທີ V  ແລະ ກົດລະບຽບຄະນະບໍລິຫານງານຊາວໜຸ່ມປະຊາຊົນປະຕິວັດລາວສະບັບປັບປຸງໄໝ່ໃຫ້ຄະນະຊາວໜຸ່ມ, ສະມາ ຊິກຊາວໜຸ່ມຮັບຮູ້ເຂົ້າໃຈພ້ອມນຳເອົາເນື້ອໃນຈິດໃຈຂອງມະຕິ ແລະ ກົດລະບຽບສະບັບປັບປຸງໄໝ່ໄປຈັດຕັ້ງຜັນຂະຫຍາຍຢູ່ຮາກຖານ, ໜ່ວຍໃນຂອບເຂດຄວາມຮັບຜິດຊອບຂອງຕົນໃຫ້ເລິກເຊິ່ງ, ກ້ວາງຂວາງ ແລະ ໄດ້ຮັບຜົນດີ, ໂອກາດດຽວກັນນີ້ກໍ່ໄດ້ມອບເຄື່ອງອຸປະໂພກ, ບໍລິໂພກ ແລະ ເຄື່ອງນຸ່ງຫົ່ມທີ່ຄະນະບໍລິຫານງານຊາວໜຸ່ມແຂວງລະດົມຈາກຮາກຖານ, ໜ່ວຍຊາວໜຸ່ມອ້ອມຂ້າງແຂວງ ຊ່ວຍເຫຼືອໃຫ້ຊາວໜຸ່ມ-ເຍົາວະຊົນ ແລະ ທະຫານຊາຍແດນ ພ້ອມທັງສ້ອມແປງເຮືອນໃຫ້ປະຊາຊົນບຳນານຢູ່ເມືອງໄຊຈຳພອນ ເຊິ່ງຕາງໜ້າທະຫານຊາຍແດນກໍໄດ້ສະແດງຄວາມຂອບໃຈຕໍ່ ຄະນະບໍລິຫານງານຊາວໜຸ່ມແຂວງບໍລິຄຳໄຊ ທີ່ໄດ້ເອົາໃຈໃສ່ເປັນຫ່ວງເປັນໄຍ, ຕິດຕາມເບິ່ງແຍງໃຫ້ການຊ່ວຍເຫຼືອບັນເທົາທຸກແກ່ອ້າຍນ້ອງທະຫານທີ່ປະຕິບັດໜ້າທີ່ຢູ່ຕາມຊາຍແດນ.​ ຈາກນັ້ນທິມງານໄດ້ເດີນທາງມາເມືອງວຽງທອງ ເພື່ອຢ້ຽມຢາມຄອບຄົວຕົວແບບ, ຄອບຄົວອະນາຖາຢູ່ບ້ານວັງແປ້ນ ເມືອງວຽງທອງ, ວັນທີ 16-17 ພະຈິກ 2017 ທິມງານຈະໄດ້ລົງເຄື່ອນໄຫວເຮັດວຽກຢູ່ເມືອງຄໍາເກີດ ໂດຍການເຂົ້າຮ່ວມປະກອງປະຊຸມຮ່ວມກັບປະຊາຊົນ 8 ຄອບຄົວ ເພື່ອລາຍງານການຈັດຕັ້ງປະຕິບັດໂຄງການສວນຢາງພາລາກ່ຽວກັບດ້ານດີ, ດ້ານອ່ອນ, ຂໍ້ຄົງ ຄ້າງທີ່ຈະຕ້ອງໄດ້ແກ້ໃຂ ພ້ອມທັງຮັບຟັງການສະເໜີຂອງປະຊາຊົນ 8 ຄອບຄົວ, ໂອກາດດຽວກັນນີ້ທິມງານໄດ້ເຂົ້າພົບປະຢ້ຽມ ຢາມບໍລິສັດຢາງພາລາບໍລິຄຳໄຊ-ຮາຕິງ ແລະ ເຂົ້າເບິ່ງສວນຢາງທີ່ກີດເປີດໜ້າຢາງ

                                                            ຂ່າວ: ວິໄລພອນສີວິໄຊ. ຊາວໜຸ່ມແຂວງບໍລິຄຳໄຊ

                                                                     020 55653639