ຄະນະບໍລິຫານງານຊາວໜຸ່ມແຂວງວຽງຈັນ ຮັບຟັງການໂອລົມ ຂອງສະຫາຍຮອງເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນ ປະຕິວັດລາວ

19720351_484151701922271_1346563517_oIMG-20170705-WA0011

ໃນຕອນແລງຂອງວັນທີ 23 ມີຖຸນາ 2017 ນີ້ທີ່ຫ້ອງປະຊຸມສະໂມສອນສູນພັດທະນາຊາວ ໜຸ່ມແຂວງວຽງຈັນ, ຄະນະບໍລິຫານງານຊາວໜຸ່ມແຂວງໄດ້ມີໂອກາດຕ້ອນຮັບການມາຢ້ຽມຢາມແລະໂອ້ລົມຂອງ ສະຫາຍ ອາລູນໄຊ ສູນນະລາດ ກຳມະການສຳຮອງສູນກາງພັກ ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ ເຊິ່ງໃຫ້ກຽດຕ້ອນຮັບໂດຍ ສະຫາຍ ນາງ ຈັນທະຄອນ ສີອຳພອນ ກຳມະການພັກແຂວງ ກຳມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງວຽງຈັນ, ພ້ອມດ້ວຍຄະນະປະຈຳຊາວໜຸ່ມແຂວງ, ມີຫົວໜ້າຂະແໜງການອ້ອມຂ້າງ ແລະ ພະນັກງານທີ່ຫຼັກແຫຼ່ງເຂົ້າຮ່ວມ 24ສະຫາຍ, ຍີງ 9 ສະຫາຍ.

ຕໍ່ກັບການມາຢ້ຽມຢາມ ແລະ ໂອ້ລົມຄັ້ງນີ້ຂອງສະຫາຍຮອງເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນ ປະຕິວັດລາວ. ກໍ່ເພື່ອເປັນການຊີ້ນຳວຽກ ງານຊາວໜຸ່ມ-ເຍົາວະຊົນ ແລະ ການແລກປ່ຽນຄຳຄິດຄຳເຫັນໃນການນຳພາວຽກງານຊາວໜຸ່ມ-ເຍົາວະຊົນ. ໃນໂອກາດ ດຽວກັນນີ້ ສະຫາຍ ນາງຈັນທະຄອນ ສີອຳພອນ ໄດ້ມີຄຳເຫັນຕໍ່ກັບບາງວຽກງານທີ່ພົ້ນເດັ່ນໃນໄລຍະຜ່ານມາ ເປັນຕົ້ນຄະນະຊາວໜຸ່ມແຕ່ລະຂັ້ນໄດ້ຈັດຕັ້ງເຜີຍແຜ່ກົດລະບຽບຂອງຊາວໜຸ່ມປະຊາຊົນປະຕິວັດລາວໃຫ້ສະມາຊິກເຊື່ອມ ຊຶມເຂົາໃຈຢ່າງເລີກເຊີ່ງ, ປັບປຸງວຽກງານການຈັດຕັ້ງຊາວໜຸ່ມ – ເຍົາວະຊົນໂດຍປະຈຸບັນມີພະນັກງານຊາວໜຸ່ມອາຊີບທັງໝົດ 107 ສະຫາຍ, ຍິງ 49 ສະຫາຍ,ໃນນີ້ຂັ້ນແຂວງມີ 31 ສະຫາຍ, ຍິງ 17 ສະຫາຍ ມີຊາວໜຸ່ມໃນເກນອາຍຸ 15 ຫາ 35 ປີທັງໝົດ 58.606 ສະຫາຍ, ມີສະມາຊີກຊາວໜຸ່ມທັງໝົດ 25.009 ສະຫາຍ, ມີໜ່ວຍຮາກຖານຊາວໜຸ່ມທັງໝົດ 5.155 ສະຫາຍ, ຍິງ 2.384 ສະຫາຍ, ລົງຊຸກຍູ້ບັນດາໜ່ວຍຊາວໜຸ່ມອ້ອມຂ້າງແຂວງເພື່ອກະກຽມສ້າງເປັນໜ່ວຍຊາວໜຸ່ມຕົວແບບດ້ວຍຮູບການຂະບວນການ 4 ບຸກໄດ້ 19 ໜ່ວຍ,ໃນນີ້ສະຫາຍຍັງໄດ້ຍົກເອົາບາງບັນຫາທີ່ສຳຄັນໃນການປັບປຸງແກ້ໄຂບາງວຽກງານ ແລະ ຂໍ້ຄົງຄ້າງ ທີ່ຈະໄດ້ພ້ອມກັນແກ້ໄຂ ແລະ ປະຕິບັດຢ່າງເປັນຮູບປະທຳໃນຕໍ່ໜ້າ.

ໃນວາລະດັ່ງກ່າວ ສະຫາຍ ອາລູນໄຊ ສູນນະລາດ ກຳມະການສຳຮອງສູນກາງພັກ ຮອງເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນ ປະຕິວັດລາວ, ກໍ່ໄດ້ໂອ້ລົມ ແລະໃຫ້ທິດຊີ້ນຳກ່ຽວກັບແບບແຜ່ນວິທີເຮັດວຽກ ແລະ ວິທີນຳຂອງຄະນະບໍລິຫານງານຊາວ ໜຸ່ມແຕ່ລະຂັ້ນ ໃນການສ້າງກອງອາສາສະໝັກ,ການສ້າງກອງເຍົາວະຊົນ 3 ດີ 4 ຮູ້ ເພື່ອປະກອບໃສ່ໃນຂະບວນການ 4 ບຸກ ແລະ ທ່ານຍັງຮຽກຮ້ອງໃຫ້ຄະນະບໍລິຫານງານຊາວໜຸ່ມແຕ່ລະຂັ້ນ ຕ້ອງຮັກສາຄວາມສາມັກຄີ, ເຮັດວຽກເປັນໝູ່ຄະນະ, ແບ່ງຄວາມຮັບຜິດຊອບແຕ່ລະຂົງເຂດແລະລາຍງານໃຫ້ຄະນະຊາວໜຸ່ມຂັ້ນເທິງທັດຕົນຢ່າງເປັນປົກກະຕິ.IMG_25600623_160624_1