ຄະນະບໍລິຫານງານຊາວໜຸ່ມເມືອງວຽງທອງຊ່ວຍເຫຼືອພະນັກງານບຳນານ

19184019_669472373250666_2109906159_n19114820_669472363250667_468674870_n

ປະຕິບັດຕາມແຜນກິດຈະກຳຕອບບຸນແທນຄຸນ ມະຕິກອງປະຊຸມຄົບຄະນະບໍລິຫານງານຊາວໜຸ່ມແຂວງບໍລິຄຳໄຊ ຄັ້ງທີ 3 ສະໄໝທີ V. ໃນວັນທີ 9 ມິຖຸນາ 2017 ທີ່ຜ່ານມານີ້ ຄະນະບໍລິຫານງານຊາວໜຸ່ມເມືອງວຽງທອງ ໄດ້ລະດົມເງິນ ແລະ ແຮງງານຈາກຮາກຖານ, ໜ່ວຍ ພ້ອມດ້ວຍສະມາຊິກຊາວໜຸ່ມອ້ອມຂ້າງເມືອງ ເພື່ອຊ່ວຍເຫຼືອພະນັກງານບຳນານ ທີ່ບໍ່ທັນພົ້ນທຸກ ຢູ່ບ້ານນາດີ, ເມືອງວຽງທອງ ໂດຍການສ້າງຫ້ອງນ້ຳທີ່ແໜ້ນໜາຖາວອນຂະໜາດ 3×4 ແມັດ ໜຶ່ງຫ້ອງ, ກະເທີບມຸງຂັ້ນໃດ, ກະເທີບ ມຸງຊານນ້ຳ ລວມມູນຄ່າການກໍ່ສ້າງ ແລະ ສ້ອມແປງຈຳນວນ 7.929.000 ກີບ,  ການລະດົມທຶນໃນຄັ້ງນີ້ໄດ້ທັງໝົດ 8.129.000 ກີບ, ແຮງງານ 170 ສະຫາຍ, ພາຍຫຼັງເຮັດສໍາເລັດ ສະຫາຍ ເຄນພອນ ໄຊຍະຈັກ ເລຂາຄະນະບໍລິຫານງານຊາວໜຸ່ມເມືອງວຽງທອງ ກໍ່ໄດ້ກ່າວມອບ ຫ້ອງນ້ຳ ພ້ອມເງິນທີ່ເຫຼືອຈາກການກໍ່ສ້າງ ແລະ ສ້ອມແປງ ຈຳນວນ 200.000 ກີບ, ໃຫ້ແມ່ປ້າ ບຸນຮອງ ຄອບຄົວພະນັກງານບຳນານ ທີ່ບໍ່ທັນພົ້ນທຸກໄດ້ນຳໃຊ້ຕໍ່ໄປ, ໂດຍຊ້ອງໜ້າອຳນາດການປົກຄອງບ້ານ, ພ້ອມສະມາຊິກຊາວໜຸ່ມເຂົ້າຮ່ວມຢ່າງພ້ອມພຽງ. ເຊິ່ງປ້າບຸນຮອງເອງກໍ່ມີຄວາມດີອົກດີໃຈ ແລະ ສະແດງ

ຄວາມຂອບໃຈຕໍ່ຄະນະບໍລິຫານງານຊາວໜຸ່ມເມືອງວຽງທອງ ຕະຫຼອດຮອດອຳນາດການປົກຄອງພັກ-ລັດ ທີ່ໃຫ້ການຊ່ວຍເຫຼືອເບິ່ງແຍງບັນເທົາທຸກ ຕໍ່ຄອບຄົວອະນາຖາ, ດ້ອຍໂອກາດ ແລະ ສືບຕໍ່ປະຕິບັດກິດຈະກໍາດັ່ງກ່າວຢ່າງທົ່ວເຖິງ.

ຂ່າວ: ວິໄລພອນ ສີວິໄຊ

020 55653639