ຄຊປປລ ເມືອງວຽງຄຳ ແຂວງວຽງຈັນ ສຳເລັດກອງປະຊຸມຄົບຄະນະ ຄັ້ງທີ 4 ສະໄໝທີ III

DSC06234 1DSC06230 1DSC06227 1ໃນທ້າຍເດືອນ ພຶດສະພາ 2017 ທີ່ຜ່ານມານີ້ ຄະນະບໍລິຫານງານຊາວໜຸ່ມ ເມືອງວຽງຄຳໄດ້ຈັດກອງປະຊຸມ ຄົບຄະນະບໍລິຫານງານຊາວໜຸ່ມຄັ້ງທີ 4 ສະໄໝທີ III ຂຶ້ນ ທີ່ສະໂມສອນໃຫຍ່ຫ້ອງວ່າການປົກຄອງເມືອງວຽງຄຳ ໂດຍພາຍໃຕ້ການເປັນປະທານ ຂອງ ສະຫາຍ ນາງ ບົວໄຫຼ ຈັນທະວົງ ຄະນະປະຈໍາຄະນະບໍລິຫານງານຊາວໜຸ່ມ ແຂວງວຽງຈັນ ເລຂາຄະນະບໍລິຫານງານຊາວໜຸ່ມເມືອງ ວຽງຄຳ ເປັນກຽດເຂົ້າຮ່ວມໂດຍ ສະຫາຍ ເຂັມພອນ ອຸທິບວົງໄຊ ຄະນະປະຈຳພັກເມືອງ, ປະທານແນວລາວສ້າງຊາດເມືອງ ຜູ້ຊີ້ນຳອົງການຈັດຕັ້ງມະຫາຊົນ, ສະຫາຍ ຄຳເລ້ ໄຊຍະວົງສີ ຄະນະພັກ ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ. ມີບັນດາຄະນະບໍລິຫານງານ ຊາວໜຸ່ມເມືອງ, ເລຂາຊາວໜຸ່ມໜ່ວຍຮາກຖານບ້ານພ້ອມດ້ວຍສະມາຊິກເຂົ້າຮ່ວມທັງໝົດ 80 ສະຫາຍ, ຍິງ 42 ສະຫາຍ.

ກອງປະຊຸມໄດ້ພ້ອມກັນຮັບຮອງເອົາບົດສະຫຼຸບການຈັດຕັ້ງປະຕິບັດວຽກງານຊາວໜຸ່ມໃນໄລຍະ 1 ປີຜ່ານມາ ແລະ ທິດທາງແຜນການປະຈຳປີ 2017 ເຊິ່ງມີຄາດໝາຍສູ້ຊົນຄື: ເພີ່ມທະວີການສຶກສາອົບຮົມການ ເມືອງ-ແນວຄິດ ໃຫ້ແກ່ຊາວໜຸ່ມ-ເຍົາວະຊົນໃຫ້ໄດ້ 50% ຂອງຈຳນວນຊາວໜຸ່ມ-ເຍົາວະຊົນໃນທົ່ວເມືອງ, ເອົາໃຈໃສ່ປັບປຸງການຈັດ ຕັ້ງຊາວໜຸ່ມ, ຄະນະຊາວໜຸ່ມພາຍໃນເມືອງໃຫ້ມີຄວາມໜັກແໜ້ນເຂັ້ມແຂງ, ຂະຫຍາຍສະມາຊິກຊາວໜຸ່ມ-ເຍົາວະ ຊົນໃຫ້ໄດ້ 70% ຂອງຈຳນວນໄວໜຸ່ມ, ເຍົາວະຊົນ-ອານຸຊົນ, ສືບຕໍ່ການສ້າງ ກອງເຍົາວະຊົນໃຫ້ສຳເລັດ, ສ້າງໜ່ວຍ 4 ບຸກໃຫ້ຮັບຮອງເປັນຮອບທີ III, ກອງປະຊຸມຍັງໄດ້ເອກະພາບກັນ ໃນການສ້ງກອງທືນຂອງຊາວໜຸ່ມ ພ້ອມນີ້ ກອງປະ ຊຸມຍັງໄດ້ຜ່ານຂໍ້ຕົກລົງຂອງຄະນະບໍລິຫານງານຊາວໜຸ່ມ ແຂວງວ່າດ້ວຍການສ້າງຕັ້ງກອງອາສາສະໝັກຊາວໜຸ່ມຕະລຸມບອນ ແລະ ຂໍ້ຕົກລົງແຕ່ງຕັ້ງຄະນະຮັບຜິດຊອບ ກຊບ ອີກດ້ວຍ.

ໃນຕອນທ້າຍຂອງກອງປະຊຸມຍັງໄດ້ຮັບຟັງການໂອ້ລົມຂອງ ສະຫາຍ ເຂັມພອນ ອຸທິບວົງໄຊ ເຊິ່ງສະຫາຍ ໄດ້ຮຽກຮ້ອງມາຍັງຄະນະຊາວໜຸ່ມ, ສະມາຊິກຊາວໜຸ່ມທຸກພາກສ່ວນພາຍໃນເມືອງ ຈົ່ງເພີ່ມທະວີຄວາມເປັນ ເອກະ ພາບພາຍໃຕ້ການຊີ້ນຳຂອງພັກ, ຍົກສູງຄວາມຮັບຜິດຊອບ ແລະ ສະຕິເປັນເຈົ້າຕົນເອງ, ເປັນເຈົ້າ ຂອງປະເທດ ເພິ່ງ ຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເດັດດ່ຽວພ້ອມກັນຈັດຕັ້ງໃຫ້ ປາກົດຜົນເປັນຈິງ.