ເມືອງວຽງຄຳຈັດຕັ້ງປະຖະກະຖາເລົ່າມູນເຊື້ອວັນສ້າງຕັ້ງຊາວໜຸ່ມ ຄົບຮອບ 62 ປີ.

18426162_1302354146514977_1829019014_o18361404_1302354136514978_558100886_n

ໃນຕອນເຊົ້າຂອງວັນທີ 28 ເມສາ 2017 ຜ່ານມາຄະນະບໍລິຫານງານຊາວໜຸ່ມເມືອງວຽງຄໍາ  ແຂວງວຽງຈັນ ໄດ້ຫວນຄືນມູນເຊື້ອ ວັນສ້າງຕັ້ງ ຄຊປປລ ຄົບຮອບ 62 ປີ (14.4.1955-14.4.2017) ຂຶ້ນຢູ່ທີ່ຫ້ອງປະຊຸມຊັ້ນ 4 ຫ້ອງວ່າການປົກຄອງເມືອງວຽງຄໍາ ໂດຍການເປັນກຽດເຂົ້າຮ່ວມ ແລະ ຂຶ້ນປາຖະກະຖາ ຂອງ ສະຫາຍ ຄຳເລ້ ໄຊຍະວົງສີ  ຄະນະພັກ, ຮອງເລຂາຄະນະບໍລິຫານ ງານຊາວໜຸ່ມ ປະທານກວດກາຄະນະບໍລິຫານງານຊາວ ໜຸ່ມແຂວງວຽງຈັນ , ມີ ສະ ຫາຍ ນາງ ບົວໄຫຼ ຈັນທະວົງ ເລຂາຊາວໜຸ່ມເມືອງວຽງຄຳ ,ພ້ອມດ້ວຍເລຂາຊາວ ໜຸ່ມ ແລະ ສະມາຊິກຊາວໜຸ່ມຫ້ອງການອ້ອມຂ້າງເຂົ້າຮ່ວມທັງໝົດ 82 ສະຫາຍ, ຍິງ 56 ສະຫາຍ.

ສະຫາຍ ຄຳເລ້ ໄຊຍະວົງສີ ໄດ້ຍົກໃຫ້ເຫັນເຖິງປະຫວັດການກຳເນີດ ແລະ ການເຕີບໃຫຍ່ຂອງຫຍາຍຕົວຂອງກຳ ລັງຊາວໜຸ່ມປະຊາຊົນປະຕິວັດລາວໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດກໍຄືການ ຕໍ່ສູ້ກູ້ຊາດຕ້ານກັບສັດຕູຜູ້ມາຮຸກຮານໃນປາງສົງຄາມ ຍາມໃດຊາວໜຸ່ມກໍ່ໄດ້ເປັນກຳລັງແຮງໃນການຕໍ່ສູ້ເພື່ອ ຍາດເອົາໄຊຊະນະມາສູ່ປວງຊົນລາວຈົນໄດ້ຮັບນາມມະຍົດວ່າ “ຊາວໜຸ່ມປຽບເຫມືອນແຂນຂວາຂອງພັກ” ເຊິ່ງເປັນກໍາລັງແຮງຄຽງບ່າ ຄຽງໄຫລ່ກັບປວງຊົນລາວທັງຊາດຕໍ່ສູ້ໃນແຕ່ລະບັ້ນຮົບພາຍໃຕ້ການນຳພາອັນສະ ຫລາດສ່ອງໃສຂອງພັກ ຈົນສາມາດຍາດໄດ້ໄຊຊະນະ ແລະ ສະຖາປານາ ເປັນ ສ ປ ປ ລາວ ໃນວັນ ທີ 2 ທັນວາ 1975. ທັງນີ້ກໍ່ເພື່ອເຮັດໃຫ້ຊາວໜຸ່ມ ຫລື ຄົນຍຸກໃຫມ່ໄດ້ຮັບຮູ້ ແລະ ນຳໄປເປັນແບບຢ່າງໃນການ ຈັດຕັ້ງປະຕິບັດວຽກງານ ກໍຄືພາລະກິດປົກປັກຮັກສາ ແລະ ສ້າງສາພັດ ທະນາປະເທດຊາດ ໃຫ້ມີຄວາມ ຈະເລີນຮຸ່ງເຮືອງສິວິໄລຂຶ້ນເລື້ອຍໆ. ພ້ອມນີ້ ສະຫາຍຍັງເນັ້ນໃຫ້ບັນດາສະມາຊິກຊາວໜຸ່ມ ໃນແຕ່ລະພາກສ່ວນ ຈົ່ງຕັ້ງໜ້າຈັດຕັ້ງປະຕິບັດຕາມສິດໜ້າທີ່ພາລະບົດບາດຂອງຕົນໂດຍສະເພາະແມ່ນຄຳ ຂວັນ 4 ບຸກຂອງ ຄຊປປລ ວາງໃຫ້ປະກົດຜົນເປັນຈິງ.

ພາຍຫຼັງສຳເລັດພິທີປະຖະກະຖາ ສະຫາຍ ນາງ ບົວໄຫຼ ຈັນທະວົງ ໄດ້ຂຶ້ນຜ່ານເອກະ ສານ ແລະ ຄົ້ນຄວ້າກ່ຽວ ກັບຮ່າງກົດລະບຽບການສ້າງຕັ້ງກອງອາສາສະໝັກຊາວໜຸ່ມຕະລຸມບອນປະຈຳເມືອງວຽງຄຳ ພ້ອມທັງເກັບກຳ ແລະ ລົງ ທະບຽນລາຍຊື່ສະມາຊິກຢ່າງເປັນຂະບວນຟົດຟື້ນ.

  ຂ່າວ: ຈັນທະສອນ ອິນທະວົງ

DSC06039