ໂຮງຮຽນວິທະຍາໄລຄູບ້ານເກິນຖືກປະກາດຮັບຮອງເປັນໜ່ວຍຊາວໜຸ່ມ 4 ບຸກ ຮອບ II

DSC06114DSC0614118254545_1297954830288242_1742092551_n

ໃນຕອນບ່າຍຂອງວັນທີ 28 ເມສາ 2017  ທີ່ຜ່ານມານີ້ ໜ່ວຍຊາວໜຸ່ມວິທະຍາໄລຄູບ້ານເກິນ ໄດ້ຈັດຕັ້ງພິທີປະ ກາດຮັບຮອງເປັນໜ່ວຍຊາວໜຸ່ມຕົວແບບ 4 ບຸກຮອບ II ປະຈຳປີ 2016  ຂຶ້ນຢູ່ທີ່ສະໂມສອນວິທະຍາໄລຄູບ້ານເກິນ ໂດຍການເປັນກຽດເຂົ້າຮ່ວມຂອງ ສະຫາຍ ນາງ ຈັນທະມາລາ ສຸທຳມະວົງເລຂາພັກ, ຜູ້ອຳນວຍການວິທະຍາໄລຄູບ້ານ ເກິນ ແລະ ສະຫາຍ ຄຳເລ້ ໄຊຍະວົງສີ ຄະນະພັກຊາວໜຸ່ມແຂວງວຽງຈັນ ຮອງເລຂາຄະນະບໍລິຫານງານຊາວໜຸ່ມແຂວງ ປະທານກວດກາຄະນະບໍລິຫານງານຊາວໜຸ່ມ ແຂວງວຽງຈັນ ພ້ອມດ້ວຍບັນດາສະຫາຍ ປະທານອົງການຈັດຕັ້ງມະຫາ ຊົນ ແລະ ສະມາຊິກຊາວໜຸ່ມ ຄູອາຈານ, ຊາວໜຸ່ມນັກຮຽນ ນັກສຶກສາພາຍໃນວິທະຍາໄລຄູບ້ານເກິນເຂົ້າຮ່ວມຢ່າງຫຼວງຫຼາຍ.

ໃນພິທີ ສະຫາຍ ຄຳສິງ ຈັນວິໄລສັກ ເລຂາໜ່ວຍຊາວໜຸ່ມວິທະຍາໄລຄູບ້ານເກິນ ໄດ້ຂຶ້ນຜ່ານບົດສະຫຼຸບການຈັດ ຕັ້ງປະຕິບັດ ຂໍ້ແຂ່ງຂັນ 4 ບຸກສົກປີ 2015 – 2016  ພ້ອມທັງຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ພ້ອມດຽວກັນນີ້ ໜ່ວຍຊາວໜຸ່ມວິທະຍາໄລຄູບ້ານເກິນແມ່ນໄດ້ເອົາໃຈໃສ່ຈັດຕັ້ງປະຕິບັດໜ້າທີ່ວຽກງານ ໂດຍ ຖືເອົາຂໍ້ແຂ່ງຂັນ 4 ບຸກ ເປັນພື້ນຖານໃນການເຄື່ອນໄຫວວຽກງານອງຕົນ, ສະມາຊິກໄດ້ກາຍເປັນຄອບຄົວຕົວແບບ ດ້ານຕ່າງໆເຊັ່ນ: ຄອບຄົວ ສະຫາຍ ພຸດສະຫວັນ ວົງໄຊ ບໍລິການຮ້ານອາຫານ ແລະ ເຮືອນຳທ່ຽວ ສາມາດສ້າງລາຍຮັບໄດ້ 90 ລ້ານກີບ ຕໍ່ປີ, ຄອບຄົວ ສະຫາຍ ຕີດ ຊາມຸນຕີ, ຄອບຄົວ ສະຫາຍ ທອງລິດ ວິໄລສານ, ຄອບຄົວ ສະຫາຍ ບຸນທັນ ດີວັນນາ ແລະ ຄອບຄົວ ສະຫາຍ ກົ້ງເມັ່ງຫວ່າງ ຈືຊໍ່   ດີເດັ່ນທາງດ້ານການປູກຝັງ-ລ້ຽງສັດ ເຊິ່ງສາມາດສ້າງລາຍຮັບສະເລ່ຍ 20 ລ້ານກີບ ຕໍ່ປີ. ຍັງມີ ຄອບຄົວ ສະຫາຍ ນາງ ພອນອາໄພ ສີຫາປັນຍາ ເຮັດແຈ່ວບອງຂາຍ ສາມາດສ້າງລາຍຮັບໄດ້ 30 ລ້ານກີບ ຕໍ່ປີ ແລະ  ຄອບຄົວສະຫາຍ ນາງ ລັດດາວັນ ສຸທຳມະວົງ ບໍລິການໂຕະ, ຕັ່ງ, ເຕັ້ນ ສາມາດສ້ງລາຍຮັບໄດ້ 8 ລ້ານກີບຕໍ່ປີ. ຜ່ານການປະເມີນຜົນບົນພື້ນຖານມາດຖານໃນແຕ່ລະດ້ານສາມາດປະຕິບັດໄດ້ຄື: ບຸກດ້ານແນວຄິດ ປະຕິ ບັດໄດ້ 93%, ບຸກດ້ານການຝຶກຝົນຫຼໍ່ຫຼອມຮ່ຳຮຽນປະຕິບັດໄດ້ 92%, ບຸກດ້ານການປັບປຸງການຈັດຕັ້ງປະຕິບັດໄດ້ 89% ແລະ ດ້ານການສ້າງວິຊາຊີບວຽກເຮັດງານທຳປະຕິບັດໄດ້ 89%. ຕໍ່ຜົນຂອງການປະເມີນໃນແຕ່ລະດ້ານເຫັນໄດ້ວ່າ ໜ່ວຍຊາວໜຸ່ມ ປປລ ວິທະຍາໄລຄູບ້ານເກິນ ແມ່ນຖືກຕ້ອງຕາມເງື່ອນໄຂຂອງການສ້າງໜ່ວຍຊາວໜຸ່ມຕົວແບບ 4 ບຸກ ແລະ ສາມາດຮັກສານາມມະຍົດຊາວໜຸ່ມຕົວແບບ 4 ບຸກໄດ້ເປັນຮອບທີ II.

ໃນພິທີ ສະຫາຍ ຄຳເລ້ ໄຊຍະວົງສີ ໄດ້ໃຫ້ກຽດຂຶ້ນມອບ ໃບຢັ້ງຢືນ 4 ບຸກ ໃຫ້ແກ່ໜ່ວຍຊາວໜຸ່ມ ວິທະຍາໄລ ຄູບ້ານເກິນ ພ້ອມທັງມອບໃບຢັ້ງຢືນ ສະມາຊິກຊາວໜຸ່ມຕົວແບບ 4 ບຸກໃຫ້ຜູ້ທີ່ມີຜົນງານດີເດັ່ນ. ພ້ອມນັ້ນ ສະຫາຍ ນາງ ຈັນທະມາລາ ສຸທຳມະວົງ ກໍ່ໄດ້ໃຫ້ກຽດຂຶ້ນໂອ້ລົມຕໍ່ພິທີດັ່ງກ່າວ.

 ພາບ ແລະ ຂ່າວໂດຍ: ຈັນທະສອນ ອິນທະວົງ

 18280172_1297954860288239_856725615_n