ຄະນະບໍລິຫານງານຊາວໜຸ່ມແຂວງບໍລິຄຳໄຊ ລະດົມຊາວໜຸ່ມບໍລິຈາກເລືືອດ

IMG_6317IMG_6348IMG_6342

ເພື່ອຊ່ວຍເຫຼືອເພື່ອນມະນຸດດ້ວຍກັນ ໃນວັນທີ 26 ເມສາ 2017 ຢູ່ທີ່ ສະໂມສອນໂຮງຮຽນ ສມ ສີທ່ານາໄຊ ທ່ານ ແກ້ວອຸດອນ ໄຊປະເສີດ ຮອງເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ຮ່ວມກັບ ທິມງານບໍລິຈາກເລືອດອົງການກາແດງແຂວງບໍລິຄຳໄຊ  ໄດ້ເປັນເຈົ້າການເຂົ້າຮ່ວມປຸກລະດົມຊາວໜຸ່ມ ຄູອາຈານ ແລະ ນັກຮຽນ ບໍລິຈາກເລືອດ ເຊິ່ງທີຜູ້ເຂົ້າຮ່ວມທັງໝົດ 800 ກ່ວາສະຫາຍ ພິທີທ່ານ ຄຳເຜີຍ ສິດທິໄຊ ຮອງຫົວໜ້າອົງການກາແດງແຂວງບໍລິຄຳໄຊ ໄດ້ອະທິບາຍພ້ອມທັງສາຍວີດີໂອກ່ຽວກັບເລືອດເຊິ່ງເປັນປັດໃຈສຳຄັນຂອງຊີວິດຄົນ ເຊິ່ງບໍ່ມີປະເທດໃດໃນໂລກສາມາດ ຜະລິດເລືອດຂຶ້ນມາເພື່ອທົດແທນໃຫ້ແກ່ຜູ້ທີ່ສູນເສຍເລືອດໄປໄດ້. ການບໍລິຈາກເລືອດແມ່ນການໃຫ້ດ້ວຍຄວາມພໍໃຈ, ໃຫ້ດ້ວຍຄວາມເມດຕາສົງສານ ເພື່ອຊ່ວຍເຫຼືອເພື່ອນມະນຸດດ້ວຍກັນ. ຜ່ານການກວດກາສາມາດມີຜູ້ບໍລິຈາກເລືອດຕົວຈິງໄດ້ຈຳນວນ 42 ຖົງ, ເຊິ່ງບັນຍາກາດໃນພິທີໄດ້ດຳເນີນໄປຢ່າງເປັນຂະບວນການຟົດຟື້ນ.

  ຂ່າວ : ວິໄລພອນ ສີວິໄຊ. ຊາວໜຸ່ມແຂວງບໍລິຄຳໄຊ 020 55653639