ຝືກອົບຮົມວຽກງານຊາວໜຸ່ມ – ເຍົາວະຊົນໃຫ້ຄະນະນຳຊາວໜຸ່ມທົ່ວແຂວງວຽງຈັນ ຄັ້ງທີ I ສະໄໝທີ VII

DSC_0911DSC_0920DSC_0958DSC_0939

ໃນວັນທີ 30 ມີນາ 2017 ຜ່ານມານີ້ ຄະນະບໍລິຫານງານຊາວໜຸ່ມ ແຂວງວຽງຈັນໄດ້ຈັດຊຸດອົບຮົມຂຶ້ນຢູ່ທີ່ຫ້ອງປະຊຸມເບີ 2 ຂອງຫ້ອງວ່າການປົກຄອງແຂວງວຽງຈັນ ໂດຍການເປັນປະທານຮ່ວມຂອງທ່ານ ນ ວິລະວອນ  ພັນທະວົງ  ຮອງເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ,ມີທ່ານ ນາງ ຈັນທະຄອນ ສີອຳ ພອນ ເລຂາ ຄຊປປລ ແຂວງວຽງຈັນ,ມີບັນດາເລຂາ, ຮອງເລຂາຄະນະບໍລິຫານງານຊາວໜຸ່ມເມືອງ, ພະແນກການ, ໂຮງຮຽນ, ໂຮງໝໍ, ບັນດາບໍລິສັດລັດວິສະຫະກິດ, ຜູ້ຮັບຜິດຊອບວຽກງານເຍົາວະຊົນຂັ້ນເມືອງ, ໂຮງຮຽນ ແລະ ພະນັກງານຈາກຂະແໜງເຍົາວະຊົນ, ຂະແໜງອົບຮົມ, ຂະແໜງຂະບວນການແລະວິທະຍາກອນຈາກສູນກາງເຂົ້າຮ່ວມລວມທັງໝົດ 84 ສະຫາຍ, ຍິງ 37 ສະຫາຍ.

           ເອກະສານທີ່ນຳມາຝຶກອົບຮົມວຽກງານຊາວໜຸ່ມ – ເຍົາວະຊົນມີ3ວຽກຄື:ວຽກງານເຍົາວະຊົນ: ມີເອກະສານທີ່ຕັ້ງພາລະບົດບາດຂອງວຽກງານເຍົາວະຊົນ, ການສ້າງກອງເຍົາວະຊົນ 3 ດີ 4 ຮູ້, ການຈັດຕັ້ງ ແລະ ການເຄື່ອນໄຫວຂອງເຍົາວະຊົນ, ການສະຫຼຸບ ແລະ ເກັບກຳສະຖິຕິເຍົາວະຊົນ, ການຕັ້ງຄ້າຍເຍົາວະຊົນ ແລະ ແບບແຜນຂອງກອງເຍົາ ວະຊົນ. ວຽກຂະບວນການ: ມີ ເອກະສານທີ່ຕັ້ງ, ພາລະບົດບາດຂອງວຽກງານຂະບວນການ, ເອກະສານການສ້າງກອງອາສາສະໝັກຊາວໜຸ່ມຕະລຸມບອນ ແລະ ຮ່າງບົດສະຫຼຸບລາຍງານວຽກງານຂະບວນການແລະວຽກອົບຮົມ: ມີ ທີ່ຕັ້ງ, ພາລະບົດບາດຂອງວຽກງານອົບຮົມ, ຮ່າງບົດສະຫຼຸບລາຍງານວຽກງານອົບຮົມ, ນອກຈາກນັ້ນແລ້ວກອງປະຊຸມຍັງໄດ້ປຶກສາຫາລືຄົ້ນຄ້ວາກ່ຽວກັບຫົວຂໍ້ ມາດຖານການສ້າງກອງເຍົາວະຊົນ 3 ດີ 4 ຮູ້ ແລະ ການຄວບຄຸມລາຄາເຄື່ອງແບບເຍົາວະຊົນ.

          ຈຸດປະສົງໃນການຝືກອົບຮົມຄັ້ງນີ້ກໍ່ເພື່ອເຮັດໃຫ້ບັ້ນດານັກສຳມະນາກອນນຳເອົາບົດຮຽນໄປຈັດຕັ້ງປະຕິບັດເຂົ້າໃນວຽກງານໃຫ້ປະກົດຜົນເປັນຈິງໃນກົມກອງທ້ອງຖິ່ນຂອງຕົນແລະໂອກາດດຽວກັນນີ້ ທ່ານນາງ ຈັນທະຄອນ ສີອຳພອນ ເລຂາ ຄຊປປລ ແຂວງວຽງຈັນໄດ້ໃຫ້ກຽດມອບໃບຢັ້ງຢືນໃຫ້ກັບນັກສຳມະນາກອນທັງໝົດພ້ອມທັງ ຖ່າຍພາບຮ່ວມກັນໄວ້ເປັນທີລະລືກ.

ຂ່າວ: ຈັນທະສອນ ອິນທະວົງ