ປາຖະກາຖາວັນສ້າງຕັ້ງ ຄຊປປ ລາວ ຄົບຮອບ 62 ປີ

DSC_6559DSC_6558

DSC_6574DSC_6567

ໃນວັນທີ 30 ມີນາ 2017 ຜ່ານມາຄະນະບໍລິຫານງານຊາວໜຸ່ມ ແຂວງວຽງຈັນໄດ້ຫວນຄືນມູນເຊື້ອ ວັນສ້າງຕັ້ງ ຄຊປປລ ຄົບຮອບ 62 ປີ (14.4.1955-14.4.2017)ຂຶ້ນໃນຕອນບ່າຍຂອງວັນທີ 30 ມີນາ 2017 ຢູ່ທີ່ ສະໂມ ສອນໃຫຍ່ຂອງແຂວງ ໂດຍການເປັນກຽດເຂົ້າຮ່ວມແລະຂຶ້ນປາຖະກະຖາ ຂອງທ່ານ ນ ວິລະວອນ  ພັນທະວົງ  ຮອງເລຂາຄະນະບໍລິຫານງານສູນກາງຊາວຫນຸ່ມປະຊາຊົນປະຕິວັດລາວ,ມີທ່ານ ນາງ ຈັນທະຄອນ ສີອຳພອນ ເລຂາ ຄຊປປລ ແຂວງວຽງຈັນ,ແຂກຖືກເຊີນພ້ອມດ້ວຍບັນດາສະມາຊິກຊາວໜຸ່ມຈາກບັນດາພະແນກການ,ກົມກອງ,ຫ້ອງການ,ໂຮງຮຽນ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງຫຼວງຫຼາຍ.

ທ່ານ ນາງ ວິລະວອນ ພັນທະວົງ ໄດ້ຍົກໃຫ້ເຫັນເຖິງປະຫວັດການກຳເນີດ ແລະ ການເຕີບໃຫຍ່ຂອງຫຍາຍຕົວຂອງກຳລັງຊາວໜຸ່ມປະຊາຊົນປະຕິວັດລາວໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືການຕໍ່ສູ້ກູ້ຊາດຕ້ານກັບສັດຕູຜູ້ມາຮຸກຮານໃນປາງສົງຄາມ ຍາມໃດຊາວໜຸ່ມກໍ່ໄດ້ເປັນກຳລັງແຮງໃນການຕໍ່ສູ້ເພື່ອຍາດເອົາໄຊຊະນະມາສູ່ປວງຊົນລາວຈົນໄດ້ຮັບນາມມະຍົດວ່:າ “ຊາວໜຸ່ມປຽບເຫມືອນແຂນຂວາຂອງພັກ” ເຊິ່ງເປັນກຳລັງແຮງຄຽງບ່າ ຄຽງໄຫລ່ກັບປວງຊົນລາວທັງຊາດຕໍ່ສູ້ໃນແຕ່ລະບັ້ນຮົບພາຍໃຕ້ການນຳພາອັນສະຫລາດສ່ອງໃສຂອງພັກ ຈົນສາມາດຍາດໄດ້ໄຊຊະນະ ແລະສະຖາປານາ ເປັນ ສ ປ ປ ລາວ ໃນວັນ ທີ 2 ທັນວາ 1975. ທັງນີ້ກໍ່ເພື່ອເຮັດໃຫ້ຊາວຫນຸ່ມ ຫລື ຄົນຍຸກໃຫມ່ໄດ້ຮັບຮູ້ ແລະ ນຳໄປເປັນແບບຢ່າງໃນການຈັດຕັ້ງປະຕິບັດວຽກງານ ກໍຄືພາລະກິດປົກປັກຮັກ ສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງສິວິໄລຂຶ້ນເລື້ອຍໆ. ພ້ອມນີ້ທ່ານຍັງເນັ້ນໃຫ້ບັນດາສະມາຊິກຊາວໜຸ່ມໃນແຕ່ລະພາກສ່ວນ ຈົ່ງຕັ້ງໜ້າຈັດຕັ້ງປະຕິ ບັດຕາມສິດໜ້າທີ່ພາລະບົດບາດຂອງຕົນໂດຍສະເພາະແມ່ນຄຳຂວັນ 4 ບຸກຂອງ ຄຊປປລ ວາງໃຫ້ປະກົດຜົນເປັນຈິງ.

ພ້ອມນີ້ ທ່ານນາງ ຈັນທະຄອນ ສີອຳພອນ ເລຂາ ຄຊປປລ ແຂວງວຽງຈັນ ກໍ່ໄດ້ຂຶ້ນຜ່ານຜົນງານການຊີ້ນຳ ນຳ ພາຊາວໜຸ່ມໃນໄລຍະໜຶ່ງປີຜ່າມາທີ່ສາມາດຍາດຜົນງານທີ່ພົ້ນເດັ່ນຫຼາຍດ້ານເປັນຕົ້ນ ບັນດາສະມາ ຊິກຊາວໜຸ່ມປະຊາ ຊົນປະຕິວັດລາວທົ່ວແຂວງວຽງຈັນໄດ້ພ້ອມກັນນຳເອົາເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມມາຈັດຕັ້ງຜັນຂະຫຍາຍໃຫ້ເກີດເປັນຮູບປະທຳ. ຊີ້ໃຫ້ເຫັນການຮັບຮອງໜ່ວຍຊາວໜຸ່ມ 4 ບຸກໃນໜຶ່ງປີຜ່ານມາໄດ້ 513 ໜ່ວຍຂອງຈຳນວນ 763 ໜ່ວຍທົ່ວແຂວງ,ປະກາດເມືອງ 4 ບຸກໄດ້ 5 ເມືອງຂອງຈຳນວນ 11 ເມືອງທົ່ວແຂວງ.ພ້ອມນີ້ຄະນະຊາວໜຸ່ມແຕ່ລະຂັ້ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ແກ່ຖັນແຖວສະມາຊິກຊາວໜຸ່ມ,ໄວໜຸ່ມ-ເຍົາວະຊົນດ້ວຍຫລາຍຮູບຫລາຍເນື້ອໃນເຂົ້າໃນການສຶກສາອົບຮົມເປັນຕົ້ນແມ່ນໄດ້ຈັດຕັ້ງປາຖະກາຖາ ແລະ ເຜີຍແຜ່ມູນເຊື້ອວັນສຳ ຄັນຕ່າງໆຂອງຊາດ ເພື່ອເຮັດໃຫ້ສະມາຊິກຊາວຫນຸ່ມແຕ່ລະຂັ້ນຮັບຮູ້ ແລະ ເຂົ້າໃຈຢ່າງເລິກເຊິ່ງສ້າງໄດ້ຊາວໜຸ່ມທີ່ມີຄຸນທາດການເມືອງຫນັກແຫນ້ນກາຍເປັນພົນລະເມືອງທີ່ດີ, ມີນໍ້າໃຈຮັກຊາດ, ຮັກບ້ານເກີດເມືອງນອນ ແລະ ຮັກຜືນແຜ່ນ ດິນອັນຄົບຖ້ວນຂອງຕົນ.

ໃນຕອນທ້າຍຄະນະຊາວໜຸ່ມສູນກາງຍັງໄດ້ມອບປື້ມຄູ່ມືວຽກງານເຍົາວະຊົນ – ອານຸຊົນທັນວາ ແລະ ມອບ ເງິນຊຸກຍູ້ບັ້ນຝຶກອົບຮົມວຽກງານຊາວໜຸ່ມ-ເຍົາວະຊົນໃຫ້ແກ່ຊາວໜຸ່ມແຂວງວຽງຈັນໃນມູນຄ່າ 5.000.000ກີບ ອີກດ້ວຍ.

ຂ່າວ: ຈັນທະສອນ ອິນທະວົງ