ການແຂ່ງຂັນກິລາເຕະບານນັກຮຽນມັດທະຍົມຕົ້ນ ຊິງຂັນ ທ່ານ ເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ

IMG_5342IMG_5346IMG_5351ເພື່ອສ້າງຂະບວນການຂໍ່ານັບຮັບຕ້ອນວັນສ້າງຕັ້ງພັກປະຊາຊົນປະຕິວັດລາວ ແລະ ວັນສ້າງຕັ້ງຊາວໜຸ່ມ ປະຊາຊົນປະຕິວັດລາວ ຄົບຮອບ 62 ປີ, ໃຫ້ເປັນຂະບວນການຟົດຟື້ນ ແລະ ມີຄວາມ  ໝາຍ, ຄວາມສຳຄັນ.
ໃນຕອນເຊົ້າຂອງວັນທີ 27 ມີນາ 2017 ຢູ່ທີ່ເດີ່ນສະໝາມກິລາເຕະບານເມືອງປາກຊັນ ຄະນະບໍລິຫານງານ ຊາວໜຸ່ມເມືອງປາກຊັນ ໄດ້ຈັດພິທີເປີດການແຂ່ງຂັນກິລາເຕະບານຊາຍ ນັກຮຽນມັດທະຍົມຕົ້ນ ທົ່ວເມືອງປາກ ຊັນຂຶ້ນ ເພື່ອຊິງຂັນທ່ານ ເລຂາຄະນະບໍລິຫານງານຊາວໜຸ່ມແຂວງ ບໍລິຄຳໄຊ ໂດຍເປັນກຽດ ເຂົ້າຮ່ວມຂອງທ່ານ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງ ບໍລິຄຳໄຊ, ທ່ານ ສົມພອນ ຄຳປານີສົງ ຄະນະປະຈຳພັກເມືອງ, ຮອງເຈົ້າເມືອງປາກຊັນ, ມີຄະນະປະຈຳພັກເມືອງ, ຄະນະຊາວໜຸ່ມເມືອງປາກຊັນ, ຄະນະບໍລິຫານງານຊາວໜຸ່ມແຂວງເມືອງ, ເລຂາຮາກຖານ, ເລຂາໜ່ວຍຊາວໜຸ່ມ ພ້ອມດ້ວຍຄູອາຈານ ແລະ ນັກກິລາເຂົ້າຮ່ວມ  100 ກ່ວາຄົນ. ພິທີທ່ານ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງ ກໍ່ໄດ້ກ່າວເປີດພິທີ ການແຂ່ງຂັນຢ່າງເປັນທາງການ.
ຈຸດປະສົງໃນການຈັດແຂ່ງຂັນກິລາໃນຄັ້ງນີ້ ກໍ່ເພື່ອເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆ ຂອງພັກ, ຂອງຊາດ ເປັນຕົ້ນກໍ່ແມ່ນວັນສ້າງຕັ້ງ ພັກປະຊາຊົນປະຕິວັດລາວ ແລະ ວັນສ້າງຕັ້ງຊາວໜຸ່ມ ປະຊາຊົນປະຕິວັດລາວ ຄົບຮອບ 62 ປີ,ນອກຈາກຈະເປັນການຂໍ່ານັບຮັບຕ້ອນວັນສຳຄັນທາງ ປະຫວັດສາດຂອງຊາດແລ້ວກໍ່ຍັງເປັນການສົ່ງເສີມເດັກຜູ້ທີ່ມີພອນສະຫວັນພອນສະແຫວງໄດ້ກ້າສະແດງຄວາມສາມາດຂອງຕົນເອງອອກໃນເວທີຕ່າງໆ, ປູກຈິດສຳນຶກໃຫ້ເດັກມີນ້ຳໃຈເອື້ອເຝື້ອເພື່ອແຜ່, ຮັກສາໄດ້ ຄວາມສາມັກຄີມິດຕະພາບ, ໄດ້ແລກປ່ຽນບົດຮຽນ ແລະ ຊ່ວຍເຫຼືອເຊິ່ງກັນ ແລະ ກັນຈົນກາຍເປັນຜູ້ສືບທອດ ທີ່ດີຂອງຄອບຄົວ, ຂອງພັກ ແລະ ຂອງຊາດໃນອະນາຄົດ, ການແຂ່ງຂັນໃນຄັ້ງນີ້ ມີທິມນັກກິລາເຂົ້າ ຮ່ວມແຂ່ງຂັນທັງໝົດ 6 ທິມມາຈາກ 6 ໂຮງຮຽນ,  ການແຂ່ງຂັນ ຈະດຳເນີນໄປເປັນເວລາ 2 ວັນຄືວັນທີ  2728 ມີນາ 2017 ຈຶ່ງສໍາເລັດ ໂດຍໄດ້ຮັບທຶນອຸປະຖໍາຈາກ ທ່ານ ສີສົມເພັດ ສີສຸກແສນບັນດິດ ອຳນວຍການ ວິທະຍາໄລບໍລິຫານທຸລະກິດຄອມບີຊ ຈຳນວນ 4,230,000 ກີບ, ເພື່ອຊຸກຍູ້ສົ່ງເສີມການແຂ່ງຂັນກິລາຄັ້ງນີ້ ໄດ້ດຳເນີນໄປດ້ວຍຜົນສຳເລັດອັນຈົບງາມ.

                                                                                 ຂ່າວ: ໄພວັນ ໄຊຍະທຳ ຊາວໜຸ່ມແຊວງບໍລິຄຳໄຊ
020 96602345