ພິທີມອບ-ຮັບລົດຄະນະຊາວໜຸ່ມກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກັບຄະນະຊາວໜຸ່ມແຂວງບໍລິຄຳໄຊ

IMG_5279IMG_5288

ເພື່ອເປັນການຊຸກຍູ້ສົ່ງເສີມການພັດທະນາວຽກງານຊາວໜຸ່ມ-ເຍົາວະຊົນ ຢູ່ທ້ອງຖິ່ນຮາກຖານໃຫ້ມີຄວາມເຂັ້ມ ແຂງ.

      ອີງຕາມຂໍ້ຕົກລົງ ຂອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມສະບັບເລກທີ 0551/ກຊສ, ລົງວັນທີ 14 ກຸມພາ 2017. ວ່າດ້ວຍການມອບພາຫະນະລົດບັນທຸກ 6 ລໍ້ໃຫ້ ຄະນະບໍລິຫານງານ ຊາວໜຸ່ມແຂວງບໍລິຄຳໄຊ, ໃນວັນທີ 23 ມີນາ 2017 ສະຫາຍ ກວນເພັດ ພວງມາລາ ກຳມະການສູນກາງຊາວ ໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ ພ້ອມດ້ວຍຄະນະໄດ້ເດີນທາງ ໄປກະຊວງຊັບພະຍາກອນທຳມະຊາດ ແລະ ສິ່ງແວດ ລ້ອມ ທີ່ນະຄອນຫຼວງວຽງຈັນ ເພື່ອຮັບລົດ 6 ລໍ້, ທີ່ກະຊວງຊັບພະຍາກອນທຳມະຊາດ ແລະ ສິ່ງ ແວດລ້ອມມອບໃຫ້ ເພື່ອນຳໃຊ້ເຂົ້າໃນການພັດທະນາວຽກ ງານຊາວໜຸ່ມ-ເຍົາວະຊົນ, ໂດຍຖືກຕ້ອນ ຮັບຢ່າງອົບອຸ່ນຈາກສະຫາຍ ອະໂນໄທ ຈັນທະລາສີ ຮອງເລຂາ ຄະນະບໍລິຫານງານຊາວໜຸ່ມກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຊຶ່ງພິທີມອບ-ຮັບລົດບັນທຸກ 6 ລໍ້, 1 ຄັນ, ມູນຄ່າ 117 ລ້ານ, ໄດ້ຈັດຂຶ້ນທີ່ຫ້ອງປະຊຸມນ້ອຍ ກະຊວງຊັບພະຍາກອນທຳມະຊາດ ແລະ ສິ່ງແວດ ລ້ອມ (ນະຄອນຫຼວງວຽງຈັນ) ກ່າວມອບໂດຍ ສະຫາຍ ອະໂນໄທ ຈັນທະລາສີ ຮອງເລຂາຄະນະບໍລິ ຫານງານຊາວໜຸ່ມກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກ່າວຮັບໂດຍ ສະຫາຍ ກວນເພັດ ພວງມາລາ  ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວ ໜຸ່ມແຂວງບໍລິຄຳໄຊ ໂດຍຊ້ອງໜ້າຄະນະຊາວໜຸ່ມສອງພາກສ່ວນເຂົ້າຮ່ວມຢ່າງພ້ອມພຽງ, ຄະນະບໍລິຫານ ງານຊາວໜຸ່ມແຂວງບໍລິຄຳໄຊ ຂໍສັນຍາວ່າຈະນຳໃຊ້ພາຫະນະດັ່ງກ່າວ ເຂົ້າໃນວຽກງານທີ່ໄດ້ຮັບຜົນປະໂຫຍດ ສູງສຸດ ແລະ ເຮັດໃຫ້ວຽກງານຊາວໜຸ່ມ-ເຍົາວະຊົນໄດ້ຮັບການພັດທະນາກ້າວຂຶ້ນຢ່າງບໍ່ຢຸດຢັ້ງ.

                                                                         ຂ່າວ: ວິໄລພອນ ນັກຂ່າວຊາວໜຸ່ມ

                                                                         02055653639