ຄະນະບໍລິຫານງານຊາວໜຸ່ມແຂວງ ແບ່ງປັນນໍ້າໃຈໃຫ້ ກັບອ້າຍນ້ອງທະຫານແນວໜ້າຢູ່ກອງຮ້ອຍ 15 ແລະ ກອງຮ້ອຍ 16

IMG_5720IMG_5721IMG_5742

ແຂວງອຸດົມໄຊ ເປັນເຂດພູສູງ ໄດ້ຮັບຜົນກະທົບຈາກໄພໜາວ ເຊິ່ງເຮັດໃຫ້ຫຼາຍບ່ອນໄດ້ຮັບຜົນກະທົບ ໂດຍສະເພາະແມ່ນທາງຮ່າງໄກຊອກຫລິກເຊິ່ງປະສົບຄວາມຫຍຸ້ງຍາກໃນການດໍາລົງຊີວິດປະຈໍາວັນ ລວມເຖິງການປະຕິບັດໜ້າທີຂອງອ້າຍນ້ອງທະຫານແນວໜ້າກໍ່ພົບພໍ້ຄວາມລໍາບາກເຊັ່ນດ່ຽວກັນເພື່ອແບ່ງເບົາ ແລະ ບັນເທົ່າຄວາມລໍາບາກດັ່ງກ່າວນີ້.

   ໃນຕອນແລງຂອງວັນທີ 1 ມີນາ 2017 ນີ້ຄະນະບໍລິຫານງານຊາວໜຸ່ມແຂວງ ເຊິ່ງນໍາພາໂດຍທ່ານ ບູນທັນ ສຸລິຍະວົງ ກໍາມະການພັກແຂວງ,ກໍາມະການສູນກາງຊາວໜຸ່ມ ປະຊາຊົນ ປະຕິວັດລາວ,ເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍຕາງໜ້າຄະນະໜ່ວຍຊາວໜຸ່ມອ້ອມຂ້າງ ກໍ່ໄດ້ ລົງພົບປະ ແລະ ມອບເຄື່ອງອຸປະໂພກ ແລະ ບໍລິໂພກ ລວມມູນຄ່າ 7 ລ້ານກວ່າກີບໃຫ້ກັບສະມາຊິກຊາວໜຸ່ມ ອ້າຍນ້ອງທະຫານແນວໜ້າກອງຮ້ອຍ 15 ແລະ ກອງຮ້ອຍ 16 ຢູ່ເມືອງໄຊ ແຂວງອຸດົມໄຊ

   ກ່ອນອື່ນ ທ່ານ ບູນທັນ ສຸລິຍະວົງ ກໍາມະການພັກແຂວງ,ກໍາມະການສູນກາງຊາວໜຸ່ມ ປະຊາຊົນ ປະຕິວັດລາວ,ເລຂາຄະນະບໍລິຫານງານຊາວໜຸ່ມແຂວງ ຜູ້ນໍາພາທີມງານກໍ່ໄດ້ ກ່າວມອບເຄື່ອງດັ່ງກ່າວ ແລະ ກ່າວຮັບໂດຍແມ່ນທ່ານ ພັຕ ບູນໄຊ ເບຶອງຍະສູນ ຫົວໜ້າພະແນກຊາວໜຸ່ມ ກອງບັນຊາການທະຫານແຂວງ ທັງເປັນຄະນະບໍລິຫານງານຊາວໜຸ່ມແຂວງ ພ້ອມດ້ວຍອ້າຍນ້ອງທະຫານກອງຮ້ອຍ 15 ແລະ ກອງຮ້ອຍ 16 ເຂົ້າຮ່ວມຢ່າງພ້ອມພຽງ

   ຈຸດປະສົງຂອງການລົງພົບປະ ແລະ ມອບເຄື່ອງດັ່ງກ່າວກໍ່ເພື່ອເປັນການລົງໃກສິດຕິດແທດ ແລະ ຜູກແໜັນຄວາມສາມັກຄີລະຫວ່າງ ຄະນະບໍລິຫານງານຊາວໜຸ່ມແຂວງກໍ່ຄຶສະມາຊິກຊາວໜຸ່ມໜ່ວຍອ້ອມຂ້າງແຂວງພ້ອມກັບອ້າຍນ້ອງທະຫານກອງຮ້ອຍ 15 ແລະ ກອງຮ້ອຍ 16 ທັງເປັນການຊຸກຍູ້ກໍາລັງໃຈໃຫ້ແກ່ອ້າຍນ້ອງທະຫານແນວໜ້າ ແລະ ຍັງເປັນການສະແດງ ເຖິງຄວາມມີນໍ້າໃຈເອຶ້ອເຝຶອເພື່ອແຜ່ຈາກສະມາຊິກຊາວໜຸ່ມທົ່ວແຂວງທີມີຕໍ່ສະມາຊິກຊາວໜຸ່ມອ້າຍນ້ອງທະຫານ ທີ່ເຮັດໜ້າທີຢູ່ເຂດທຸລະກັນດານນອກຈາກນັ້ນທາງທີມງານກໍ່ຍັງມີກິດຈະກໍາຫຼິ້ນກິລາສາມັກຄີກັນຢ່າງເບີກບານມ່ວນຊື່ນ

   ໃນຕອນທ້າຍທ່ານ ພັຕ ບູນໄຊ ເບຶອງຍະສູນ ຫົວໜ້າ ພະແນກ ຊາວໜຸ່ມກອງບັນຊາການທະຫານແຂວງກໍ່ໄດ້ກ່າວຂອບໃຈຕໍ່ຄະນະທີມງານຊາວໜຸ່ມແຂວງພ້ອມທັງໃຫ້ຄໍາໝັ້ນສັນຍາວ່າຈະນໍາເອົາເຄື່ອງດັ່ງກ່າວໄປແຈກຍາຍ ແລະ ແບ່ງປັນໃຫ້ສະມາຊິກທຸກສະຫາຍຢ່າງທົ່ວເຖິງ.

ຂ່າວ: ສອນລະເພັດ ສຸກກະເສີມ