ຊາວໜຸ່ມໜ່ວຍສຳນັກ ຄຊປປລ ແຂວງ ຈັດພິທີຮັບໃບຢັ້ງຢືນຊາວໜຸ່ມ 4 ບຸກ

IMG_5093IMG_5199IMG_5147    ໂດຍປະຕິບັດຕາມບົດແນະນຳການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງສູນກາງຊາວໜຸ່ມປະຊາ ຊົນປະຕິວັດລາວ ສະບັບເລກທີ 421 /ລຂ, ລົງວັນທີ 28 ກໍລະກົດ 2016 , ປະຕິບັດຕາມມະຕິກອງປະຊຸມໃຫຍ່ຊາວ ໜຸ່ມແຂວງ ຄັ້ງທີ V ແລະ ຜົນການກວດກາຮັບຮອງໜ່ວຍຊາວໜຸ່ມ 4 ບຸກ.

   ໃນຕອນບ່າຍຂອງວັນທີ 2 ມີນາ 2017 ນີ້ ຢູ່ທີ່ຫ້ອງປະຊຸມຄະນະບໍລິຫານງານຊາວໜຸ່ມແຂວງບໍລິຄຳໄຊ ໄດ້ຈັດ ພິທີຮັບໃບຢັ້ງຢືນໜ່ວຍຊາວໜຸ່ມ 4 ບຸກ ຂື້ນ ເປັນກຽດເຂົ້າຮ່ວມພິທີໃນຄັ້ງນີ້ມີ ທ່ານ ນ ຄຳໃບ ບໍລິວັນ ຮອງ ເລຂາໜ່ວຍພັກ, ຮອງເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ທ່ານ ທະນູວັນ ວົງມະນີ ຮອງເລຂາຄະ ນະບໍລິຫານງານຊາວໜຸ່ມແຂວງບໍລິຄຳໄຊ, ມີແຂກຖືກເຊີນ, ຊາວໜຸ່ມແຮກສ່ຽວອ້ອມຂ້າງພ້ອມດ້ວຍສະມາຊິກ ຊາວໜຸ່ມເຂົ້າຮ່ວມ 37 ສະຫາຍ, ຍິງ 24 ສະຫາຍ. ໃນພິທີສະຫາຍ ອາລັນ ໄຊຍະສານ ເລຂາໜ່ວຍຊາວໜຸ່ມສຳນັກ ຄຊປປລ ແຂວງບໍລິຄຳໄຊ ໄດ້ຂຶ້ນຜ່ານບົດສະຫຼຸບໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງໜ່ວຍໃນສົກປີ 2016 ແລະ ທິດທາງແຜນການປີ 2017, ໜ່ວຍຊາວໜຸ່ມຄະນະບໍລິຫານງານຊາວໜຸ່ມແຂວງ ມີສະມາຊິກຊາວ ໜຸ່ມທັງໜົດ 20 ສະຫາຍ, ຍິງ 13 ສະຫາຍ, ພາຍໃຕ້ການຊີ້ນຳ-ນຳພາຂອງຄະນະພັກຄະນະບໍລິຫານງານຊາວ ໜຸ່ມແຂວງບໍລິຄຳໄຊ, ໜ່ວຍຊາວໜຸ່ມສຳນັກ ຄຊປປລ ແຂວງ ສາມາດຈັດຕັ້ງປະຕິບັດຂໍ້ແຂ່ງຂັນ 4 ບຸກ ຍາດ ໄດ້ຜົນງານພົ້ນເດັ່ນຫຼາຍດ້ານ ເຫັນວ່າຖືກຕ້ອງຕາມເງື່ອນໄຂ, ມາດຖານທີ່ສູນກາງຊາວໜຸ່ມປະຊາຊົນປະຕິວັດ ລາວວາງອອກ.

ໂອກາດທີ່ມີຄວາມໝາຍຄວາມສຳຄັນນີ້ກໍ່ໄດ້ມອບໃບຍ້ອງຍໍຂອງສູນກາງຊາວໜຸ່ມປະຊາຊົນປະຕິວັດລາວ ໃຫ້ສະມາຊິກຊາວໜຸ່ມຜູ້ທີ່ດີເດັ່ນໃນການເຄື່ອນໄຫວວຽກງານຊາວໜຸ່ມ ແລະ ໄດ້ມອບໃບຍ້ອງຍໍ, ໃບຊົມເຊີຍ, ໃບຂອບໃຈ ຂັ້ນແຂວງ ໃຫ້ຜູ້ທີ່ຫ້າວຫັນໃນການສ້າງຂະບວນການສະເຫຼີມ ສະຫຼອງວັນຊາດທີ 2 ທັນວາຄົບຮອບ 40 ປີ; ໂອກາດນີ້ ທ່ານ ທະນູວັນ ວົງມະນີ ກໍໄດ້ເປັນກຽດມອບໃບຢັ້ງຢືນ 4 ບຸກ ໃຫ້ໜ່ວຍຊາວໜຸ່ມສຳນັກ ຄຊປປລ ແຂວງ ແລະ ໄດ້ດຳເນີນພິທີລາອອກຂອງສະມາຊິກຊາວໜຸ່ມ ທີ່ພົ້ນກະສຽນອາຍຸ ຈຳນວນ 8 ສະຫາຍ, ຍິງ 4 ສະຫາຍ.

ຕອນທ້າຍພິທີຍັງໄດ້ຮັບຟັງການໂອ້ລົມຈາກທ່ານ ນ ຄຳໃບ ບໍລິວັນ ກ່ອນອື່ນທ່ານກໍໄດ້ສະແດງຄວາມຍ້ອງຍໍຊົມ ເຊີຍຕໍ່ຜົນງານທີ່ຍາດມາໄດ້ໃນໄລຍະ 1 ປີຜ່ານມາ ແລະ ເນັ້ນໜັກໃຫ້ສະມາຊິກຊາວໜຸ່ມຈົ່ງໄດ້ເອົາໃຈໃສ່ຈັດ ຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ຕິດພັນກັບໜ້າທີ່ວິຊາສະເພາະ ເປັນເສນາທິການທີ່ຫ້າວຫັນ, ເຂັ້ມແຂງ ໃຫ້ແກ່ຄະນະພັກ ພ້ອມທັງເພີ່ມທະວີການສ້າງຂະບວນການໃຫ້ຟົດຟື້ນ-ຕໍ່ເນື່ອງ ແລະ ຮັກສາມູນເຊື້ອນາມມະ ຍົດໜ່ວຍຊາວໜຸ່ມ 4 ບຸກໄວ້ໃຫ້ໝັ້ນຄົງຕະຫລອດໄປ. 

                                                                   ຂ່າວ: ວິໄລພອນ ສີວິໄຊ

                                                                        020 55653639