ກອງປະຊຸມເປີດກ້ວາງຄົບຄະນະບໍລິຫານງານຊາວໜຸ່ມເມືອງຄຳເກີດ ຄັ້ງທີ 3 ສະໄໝທີ VIII

ກອງປະຊຸມເປີດກ້ວາງຄົບຄະນະບໍລິຫານງານຊາວໜຸ່ມເມືອງຄຳເກີດ ຄັ້ງທີ 3 ສະໄໝທີ VIII

ກອງປະຊຸມເປີດກ້ວາງຄົບຄະນະບໍລິຫານງານຊາວໜຸ່ມເມືອງຄຳເກີດ ຄັ້ງທີ 3 ສະໄໝທີ VIII

ຕອນເຊົ້າວັນທີ 24 ກຸມພາ 2017 ນີ້ ຢູ່ທີ່ຫ້ອງປະຊຸມຫ້ອງວ່າການປົກຄອງເມືອງຄຳເກີດ ໄດ້ຈັດກອງປະຊຸມເປີດກວ້າງຄົບຄະນະບໍລິຫານງານຊາວໜຸ່ມເມືອງ ຄັ້ງທີ 3 ສະໄໝ ທີ VIII ຂຶ້ນ ໂດຍພາຍໃຕ້ການເປັນປະທານຂອງ ສະຫາຍ ເຂັມພອນ ປັນຍານຸວົງ ກໍາມະການພັກເມືອງ, ເລຂາຄະນະບໍລິຫານງານຊາວໜຸ່ມເມືອງຄຳເກີດ, ເປັນກຽດເຂົ້າຮ່ວມພິທີໃນຄັ້ງນີ້ມີທ່ານ ວັນວິໄລ ແດນພູຫຼວງຄະນະປະຈຳພັກແຂວງ, ເລຂາພັກເມືອງ, ເຈົ້າເມືອງຄຳເກີດ, ທ່ານ ກວນເພັດ ພວງມາລາ ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ມີຄະນະບໍລິຫານງານຊາວໜຸ່ມເມືອງ, ຄະນະຮາກຖານ, ໜ່ວຍຊາວໜຸ່ມອ້ອມຂ້າງເຂົ້າຮ່ວມ 67, ສະຫາຍ, ຍິງ 27 ສະຫາຍ.

   ກອງປະຊຸມ ສະຫາຍ ທອງໃຂ ຄຳມະວົງ ຮອງເລຂາຄະນະບໍລິຫານງານຊາວໜຸ່ມເມືອງຄຳເກີດ ໄດ້ເປັນກຽດຂື້ນກ່າວເປີດກອງປະຊຸມ ພ້ອມທັງຜ່ານບົດສະຫຼຸບ ແລະ ທິດທາງແຜນການຕໍ່ໜ້າ ພ້ອມທັງໄດ້ແບ່ງຄວາມຮັບຜິດຊອບໃຫ້ແຕ່ລະສະຫາຍໃນຄະນະບໍລິຫານງານຊາວໜຸ່ມເມືອງນຳໄປຈັດຕັ້ງປະຕິບັດ ໃຫ້ປະສົບຜົນສຳເລັດໃນຕໍ່ໜ້າ, ກອງປະຊຸມຍັງເປີດໂອກາດໃຫ້ຜູ້ເຂົ້າຮ່ວມໄດ້ ປະກອບຄຳຄິດເຫັນເພື່ອແລກປ່ຽນເຮັດໃຫ້ແຜນການຈັດຕັ້ງປະຕິບັດໃນຕໍ່ໜ້າມີຄວາມສົມບູນ.

 ໃນໂອກາດດຽວກັນນີ້ ທ່ານ ວັນວິໄລ ແດນພູຫຼວງ ຄະນະປະຈຳພັກແຂວງ, ເລຂາພັກເມືອງເຈົ້າເມືອງ-ເມືອງຄຳເກີດ ແລະ ທ່ານ ກວນເພັດ ພວງມາລາ ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ ກໍ່ໄດ້ເປັນກຽດໂອ້ລົມ ແລະ ໃຫ້ທິດຊີ້ນຳແກ່ຄະນະບໍລິຫານງານຊາວໜຸ່ມເມືອງ ກ່ອນອື່ນ ພວກທ່ານ ກໍ່ໄດ້ສະແດງຄວາມຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ທ່ານໄດ້ເນັ້ນໜັກໃຫ້ຄະນະຊາວໜຸ່ມເມືອງຈົ່ງນຳເອົາເນື້ອໃນຈິດໃຈ ມະຕິຂອງກອງປະຊຸມໃຫຍ່ຊາວໜຸ່ມແຂວງ, ຊາວໜຸ່ມເມືອງນຳໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ ເປັນຕົ້ນວຽກງານສຶກສາອົບຮົມການເມືອງ-ແນວຄິດ, ວຽກງານປັບປຸງການຈັດຕັ້ງ, ວຽກງານ 4 ບຸກ, ວຽກງານສະມາຄົມນັກທຸລະກິດໜຸ່ມ,  ໃຫ້ເກີດດອກອອກຜົນ, ແກ້ໃຂປະກົດການຫຍໍ້ທໍ້ໃນຊາວໜຸ່ມໃຫ້ໝົດໄປເທື່ອລະກ້າວ, ເຮັດໃຫ້ອົງການຈັດຕັ້ງຊາວໜຸ່ມມີການພັດທະນາ ແລະ ຂະຫຍາຍຕົວຢ່າງບໍ່ຢຸດຢັ້ງ

                                                                                        ຂ່າວ: ວິໄລພອນ; 020 55653639