ຄະນະບໍລິຫານງານຊາວໜຸ່ມ ປປລ ແຂວງບໍລິຄຳໄຊ ນຳພາ ສະມາຄົມນັກທຸລະກິດໜຸ່ມແຂວງໄປພົບປະ ແລະ ເຮັດວຽກ ຢູ່ແຂວງເຫງ້ອານ ແລະ ຮ່າຕິ່ງ ສ.ສ ຫວຽດນາມ

16923908_1427971117213638_1242844334_n16923409_1427971573880259_1383989014_n

ເພື່ອເປັນການຮັດແໜ້ນຄວາມສາມັກຄີແບບພິເສດລາວ-ຫວຽດນາມເວົ້າສະເພາະແມ່ນສອງ ຄະນະຊາວໜຸ່ມ ລາວ-ຫວຽດນາມໃຫ້ນັບມື້ນັບເຕີບໃຫຍ່ເຂັ້ມແຂງຂຶ້ນຢ່າງບໍ່ຢຸດຢັ້ງ. ໃນລະຫວ່າງວັນທີ 21 ຫາ 23 ກຸມພາ 2017 ນີ້ ຄະນະບໍລິຫານງານຊາວໜຸ່ມແຂວງບໍລິຄຳໄຊ ນຳພາໂດຍ ສະຫາຍ ກວນເພັດ ພວງມາລາ ກຳມະການສູນກາງ ຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ ພ້ອມຄະນະ ໄດ້ນໍາພາ ສະມາຄົມນັັກທຸລະກິດໜຸ່ມແຂວງ-ເມືອງ ຈຳນວນ 20 ທ່ານ ໄປພົບປະແລກປ່ຽນບົດຮຽນ ແລະ ທັດສະນະສຶກສາ ຢູ່ແຂວງເຫງ້ອານ ແລະ ຮ່າຕິ່ງ ສ.ສ ຫວຽດນາມ.

ຈຸດປະສົງ ຂອງການໄປພົບປະ ແລະ ແລກປ່ຽນບົດຮຽນ ໃນຄັ້ງນີ້ແມ່ນທົບທວນຄືນການຈັດຕັ້ງປະຕິບັດບົດບັນ ທຶກຊ່ວຍຈຳ ການຮ່ວມມືຮອບດ້ານລະຫວ່າງ ຄະນະຊາວໜຸ່ມ ປປລ ແຂວງ ບໍລິຄຳໄຊ ກັບ ຄະນະຊາວໜຸ່ມຄອມ ມູນິດໂຮ່ຈີ່ມິງ ແຂວງຮ່າຕິ່ງໃນ 5 ປີຜ່ານມາ, ອວຍພອນປີໃໝ່ຂອງຊາວຫວຽດນາມຕໍ່ຄະນະຊາວໜຸ່ມສອງ ແຂວງ ເຫງ້ອານ-ຮ່າຕິງ ແລະ ນຳພາສະມາຄົມນັກທຸລະກິດໜຸ່ມແຂວງ-ເມືອງ ພົບປະເພື່ອສ້າງເງື່ອນໄຂໃຫ້ການ ຮ່ວມມືດຳເນີນທຸລະກິດ ໂດຍເລັ່ງໃສ່ການດຳເນີນທຸລະກິດຕິດພັນກັບໂຄງການສ້າງເສັ້ນທາງມິດຕະພາບ ທາງດ່ວນວຽງຈັນ-ຮ່າໂນຍ. ເຊິ່ງຜ່ານການພົບປະລະຫວ່າງສອງສະມາຄົມທຸລະກິດໜຸ່ມບໍລິຄຳໄຊ-ເຫ້ງອ່ານ ໄດ້ບັນລຸການຕົກລົງຂັ້ນພື້ນຖານອັນສຳຄັນໃນການຮ່ວມມືດຳເນີນທຸກິດຫຼາຍດ້ານ ເຊິ່ງທັງສອງຝ່າຍ ໄດ້ມີ ບັນຫາເຈາະຈີ້ມ ແລະ ແລກປ່ຽນ ເພື່ອພ້ອມກັນນຳໄປສຶກສາຄົ້ນຄ້ວາລະອຽດ ແລະ ຈະໄດ້ຈັດກອງປະຊຸມ ສະເພາະທຸລະກິດຕື່ມອືກ. ສຳລັບບັນຫາສຳຄັນໃນການພົບປະວຽກງານຊາວໜຸ່ມເຍົາວະຊົນໃນຄັ້ງນີ້ ທັງສອງຄະນະຊາວໜຸ່ມບໍລິຄຳໄຊ-ຮ່າຕິ່ງໄດ້ພ້ອມກັນຕີລາຄາຄືນບັນດາຜົນງານ ແລະ ຂໍ້ຄົງຄ້າງທີ່ສາມາດຖອດ ຖອນໄດ້ ໃນໄລຍະ 5 ປີ. ພົ້ນເດັ່ນແມ່ນ ກິດຈະກຳສອນພາສາຫວຽດນາມ, ກິດຈະກຳກວດສຸຂະພາບ ແລະ ປິ່ວປົວໂດຍບໍ່ເສຍຄ່າ ທີ່ທາງ ຄະນະຊາວໜຸ່ມແຂວງຮ່າຕິ່ງສົ່ງອາສາສະໝັກມາຊ່ວຍ ຄະນະຊາວ ໜຸ່ມແຂວງບໍລິຄຳໄຊ ແຕ່ລະປີ. ພ້ອມທັງເປັນເອກະພາບກັນທີ່ຈະຮ່ວມມືຢ່າງ ຮອບດ້ານ ແຕ່ປີ 2017 ຫາ 2020 ເຊິ່ງບົດບັນທຶກດັ່ງກ່າວຈະໄດ້ເຊັນໃນຕົ້ນເດືອນ ເມສາ 2017 ທີ່ແຂວງ ບໍລິຄຳໄຊ.

                                         ຂ່າວຊາວໜຸ່ມແຂວງບໍລິຄຳໄຊ:  ໄພວັນ ໄຊຍະທໍາ

020 9660 2345