ໜ່ວຍຊາວໜຸ່ມພະແນກ ວິທະຍາສາດ ແລະ ເຕັກໂນໂລຊີແຂວງອຸດົມໄຊ ແບ່ງປັນນໍ້າໃຈໃຫ້ອ້າຍນ້ອງແນວໜ້າ ແລະ ນ້ອງນ້ອຍເຍົາວະຊົນ

IMG_5524IMG_5511

ແຂວງອູດົມໄຊເປັນເຂດພູສູງໄດ້ຮັບຜົນກະທົບຈາກໄພໜາວເຊິ່ງເຮັດໃຫ້ຫຼາຍບ່ອນໄດ້ຮັບຜົນກະທົບໂດຍສະເພາະແມ່ນທາງຮ່າງໄກຊອກຫລີ້ກເຊິ່ງປະສົບຄວາມຫຍຸ້ງຍາກໃນການດໍາລົງຊີວິດປະຈໍາວັນລວມເຖິງການປະຕິບັດໜ້າທີ່ຂອງອ້າຍນ້ອງແນວໜ້າກໍ່ພົບພໍ້ຄວາມລໍາບາກເຊັ່ນດ່ຽວກັນເພື່ອແບງເບົາ ແລະ ບັນເທົາຄວາມລໍາບາກ ດັ່ງກ່າວນີ້

   ໃນວັນທີ່ 10 ກຸມພາ ປີ 2017 ນີ້ທີມງານຕ່າງໜ້າຈາກ ໜ່ວຍຊາວໜຸ່ມພະແນກ ວິທະຍາສາດ ແລະ ເຕັກ ໂນໂລຊີ ເຊິ່ງນໍາພາໂດຍ ທ່ານ ນ.ວັນນາລີ ສີລິວົງ ຮອງຫົວໜ້າພະແນກ ວິທະຍາສາດ ແລະ ເຕັກໂນໂລຊີກໍໄດ້ນຳ ພາທີມງານລົງພົບປະແລະມອບເຄື່ອງຂອງອຸປະໂພກບໍລິໂພກຈຳນວນໜຶ່ງໃຫ້ແກ່ສະມາຊິກຊາວໜຸ່ມອ້າຍນອ້ງທະຫານກອງພັນ 414 ແລະ ນອ້ງໆນັກຮຽນຢູ່ໂຮງຮຽນປະຖົມຫຼັກ 41 ເມືອງໄຊ ແຂວງອຸດົມໄຊ, ເຊິ່ງນຳ ພາທີມ ງານໂດຍທ່ານ ນ.ວັນນາລີ ສີລິວົງ ຮອງຫົວໜ້າພະແນກ ວິທະຍາສາດ ແລະ ເຕັກໂນໂລຊີ ພອ້ມດວ້ຍທີມງານ.

  ໃນວາລະດຳເນີນພິທີ່ ທ່ານ ນ.ວັນນາລີ ສີລິວົງ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ຜູ້ນຳພາ ທີມງານກໍໄດ້ກ່າວເຖິ່ງຈຸດປະສົ່ງແລະກ່າວມອບເຄື່ອງດັ່ງກ່າວ, ແລະ ກ່າວຮັບໂດຍແມ່ນທ່ານ ພັນຕີ ໄພວັນປັນ ຍາສິດ ຮອງຫົວໜ້າທະຫານເມືອງ ແລະ ທ່ານ ຕົງເຊັງ ຍ້າ ນາຍບ້ານ, ບ້ານ ຫຼັກ 41 ພອ້ມດວ້ຍອຳນວຍການໂຮງ ຮຽນປະຖົມຫຼັກ 41 ໂດຍຊອງໜ້າ ບັນດາທ່ານຄູອາຈານ, ,ຄູອາຈານ,ສະມາຊິກຊາວໜຸ່ມ – ໄວໜຸ່ມ, ເຍົາວະຊົນ ແລະ ນອ້ງນັກຮຽນເຂົ້າຮວ່ມຢ່າງພອ້ມພຽງ.

    ຈຸດປະສົ່ງຂອງການລົງພົບປະແລະມອບເຄື່ອງດັ່ງກ່າວກໍເພື່ອເປັນການລົງໃກ້ຊິດຕິດແຖດແລະຜູກແໜ້ນ ຄວາມສາມັກຄີລະຫວ່າງຄູອາຈານ, ນອ້ງນັກຮຽນກໍຄືສະມາຊິກຊາວໜຸ່ມຂັ້ນໂຮງຮຽນແຫ່ງດັ່ງກ່າວ, ພອ້ມກັບ ອ້າຍນອ້ງທະຫານກອງພັນ 414 ແລະ ສະມາຊິກຊາວໜຸ່ມຂອງພະແນກ ວິທະຍາສາດແລະເຕັກໂນໂລຊີທັງເປັນ ການຊຸກຍູ້ກຳລັງໃຈໃຫ້ແກ່ອ້າຍນອ້ງທະຫານແນວໜ້າ ແລະ ນອ້ງນັກຮຽນມີກຳລັງໃຈໃນການສຶກສາ ຮຳຮຽນ ແລະ ມັນຍັງເປັນການສະແດງເຖິ່ງຄວາມມີນ້ຳໃຈເອື້ອເຝືອເພື່ອແພຈາກສະມາຊິກຊາວໜຸ່ມຂອງ ພະແນກວິທະ ຍາສາດແລະເຕັກໂນໂລຊີທີ່ມີຕໍນອ້ງນັກຮຽນກໍຄືສະມາຊິກຊາວໜຸ່ມອ້າຍນອ້ງທະຫານທີ່ເຮັດໜ້າທີຢູ່ເຂດທຸລະກັນດານ  ນອກຈາກນັ້ນທາງທີມງານກໍຍັງໄດ້ມີກິດຈະກຳຫຼິ້ນກິລາສາມັກຄີກັນຢ່າງເບີກບານມ່ວນຊື່ນ.    ເຄື່ອງທີ່ ນຳລົງໄປມອບໃນຄັ້ງນີ້ປະກອບມີ: ອຸປະກອນການສຶກສາແລະເຄື່ອງນຸ່ງຫົມ, ເຂົ້າສານອາຫານແຫ້ງ ແລະ ອຸປະ ກອນກິລາຈຳນວນໜຶ່ງລວມມູນຄ່າ 5400.000 ກວ່າກີບ.

   ໃນຕອ້ນທ້າຍທ່ານ ທ່ານ ຕົງເຊັງ ຍ້າ ນາຍບ້ານ, ບ້ານ ຫຼັກ 41 ກໍໄດ້ກ່າວຂອບໃຈຕໍ່ພະແນກ ວິທະຍາສາດ ແລະ ເຕັກໂນໂລຊີ ພອ້ມທັງໃຫ້ຄຳໝັ້ນສັນຍາວ່າຈະນຳເອົາເຄື່ອງດັ່ງກ່າວໄປແຈກຢາຍ ແລະ ແບງປັນໃຫ້ສະມາຊິກທຸກ ສະຫາຍຢ່າງທົ່ວເຖິ່ງ.

                                                        ຂ່າວ: ສອນລະເພັດ ສຸກກະເສີມ