ຄຊປປລ ເມືອງວັງວຽງ ປະກາດຮັບຮອງເປັນເມືອງຊາວໜຸ່ມ 4 ບຸກຮອບ I

0302

0304

05ໃນຕອນເຊົ້າຂອງວັນທີ 24 ມັງກອນ 2017  ທີ່ຜ່ານມານີ້ ຄະນະຊາວໜຸ່ມ ປປລ ເມືອງວັງວຽງ ໄດ້ຈັດຕັ້ງພິທີປະ ກາດຮັບຮອງເມືອງວັງວຽງເປັນເມືອງຊາວໜຸ່ມ 4 ບຸກ ຮອບ I ແຫ່ງທີ 05 ຂອງແຂວງ ຂຶ້ນຢູ່ທີ່ສະໂມສອນໃຫຍ່ຫ້ອງວ່າ ການປົກຄອງເມືອງວັງວຽງ ພາຍໃຕ້ການເປັນປະທານຂອງ ສະຫາຍ ແອໂລ ສຸກທະລິດ ຄະນະບໍລິຫານງານຊາວໜຸ່ມແຂວງວຽງຈັນ ເລຂາຄະນະບໍລິຫານງານຊາວໜຸ່ມເມືອງວັງວຽງ ໃຫ້ກຽດ ເຂົ້າຮ່ວມມີ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ທ່ານ  ບຸນຈັນ ມາລາວົງ ຮອງເລຂາພັກເມືອງ ຮອງເຈົ້າເມືອງໆວັງວຽງ, ທ່ານ ດາວສະຫວັນ ລາຊະວົງສ ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ ແລະ ທ່ານ ຂັນຄຳ ສີທານີ ກຳມະການພັກເມືອງ ປະທານສະຫະພັນແມ່ຍິງເມືອງກໍ່ໃຫ້ກຽດເຂົ້າຮ່ວມ ມີບັນດາທ່ານຄະນະປະຈຳພັກເມືອງ, ເລຂາຊາວໜຸ່ມເມືອງ 11 ເມືອງຂອງແຂວງວຽງຈັນ, ກຳມະການພັກເມືອງ, ຫົວໜ້າຫ້ອງການ, ຄະນະໜ່ວຍຊາວໜຸ່ມສຳນັກງານອົງການ, ໂຮງຮຽນ, ໂຮງໝໍ, ລັດວິສາຫະກິດ ແລະ ບ້ານໃນທົ່ວເມືອງທັງໝົດ 237  ສະຫາຍ, ຍິງ 48 ສະຫາຍເຂົ້າຮ່ວມ.

ໃນພິທີ ທ່ານ ບຸນຈັນ ມາລາວົງ ໄດ້ໃຫ້ກຽດກ່າວຕ້ອນຮັບແຂກ ພ້ອມທັງກ່າວເປີດພິທີຢ່າງເປັນທາງການ ຈາກນັ້ນ ສະຫາຍ ແອໂລ ສຸກທະລິດ  ກໍ່ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດ ຂໍ້ແຂ່ງຂັນ 4 ບຸກສົກປີ 2015 – 2016  ພ້ອມທັງຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ຜ່ານການປະເມີນຜົນ ບົນພື້ນຖານ ມາດ ຖານໃນແຕ່ລະດ້ານສາມາດປະຕິບັດໄດ້ຄື: ດ້ານແນວຄິດບຸກປະຕິບັດໄດ້ 90%, ດ້ານການຝຶກຝົນຫຼໍ່ຫຼອມຮ່ຳຮຽນປະຕິ ບັດໄດ້ 86%, ດ້ານການປັບປຸງການຈັດຕັ້ງປະຕິບັດໄດ້ 95% ແລະ ດ້ານການສ້າງ ວິຊາຊີບວຽກເຮັດງານທຳປະຕິບັດໄດ້ 92%. ເພື່ອຢັ້ງຢືນຄືນຜົນງານໃນການຈັດຕັ້ງປະຕິບັດ ຂໍ້ແຂ່ງຂັນ 4 ບຸກ ໃນໄລຍະຜ່ານມາໃຫ້ກາຍເປັນຮູບປະທຳຕົວຈິງ ສະຫາຍ ລຽນ ທຳມະວົງ ຊາວໜຸ່ມບ້ານຫ້ວຍສະເຫງົ້າ ຕາງໜ້າໃຫ້ຄອບຄົວຕົວແບບດ້ານການລ້ຽງສັດ ຜູ້ທີ່ສາມາດສ້າງ ລາຍຮັບເຂົ້າສູ່ຄອບຄົວ 50.000.000 ກີບ ຕໍ່ປີ ແລະ ສະຫາຍ ນາງ ມາລີວັນ ຊາວໜຸ່ມບ້ານຊ່ວງ ຕາງໜ້າໃຫ້ຄອບຄົວ ຕົວແບບດ້ານການປູກຝັງ ( ສວນໝາກກ້ຽງ ) ຜູ້ທີ່ສາມາດສ້າງລາຍຮັບເຂົ້າສູ່ຄອບຄົວ 60.000.000 ກີບຕໍ່ປີ ກໍ່ໄດ້ຂຶ້ນ ປະກອບຄຳເຫັນໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກໃນໄລຍະຜ່ານມາ. ຕໍ່ຜົນຂອງການປະເມີນໃນແຕ່ລະດ້ານເຫັນໄດ້ວ່າຄະນະຊາວໜຸ່ມ ປປລ ເມືອງວັງວຽງ ແມ່ນຖືກຕ້ອງຕາມເງື່ອນໄຂຂອງການສ້າງເມືອງຊາວໜຸ່ມ 4 ບຸກ ແລະ ໄດ້ຖືກຮັບຮອງເປັນເມືອງທີ 5 ຂອງແຂວງວຽງຈັນຂຶ້ນຢ່າງເປັນທາງການ.

ຈາກນັ້ນ ທ່ານ ທອງສະຫວັນ ວົງສຳພັນ ໄດ້ໃຫ້ກຽດຂຶ້ນມອບ ໃບຢັ້ງຢືນ 4 ບຸກ ພ້ອມທັງໃຫ້ ການໂອ້ລົມຕໍ່ພິທີ ເພື່ອເປັນເຂັມທິດຊີ້ນຳແກ່ຄະນະຊາວໜຸ່ມ ກໍ່ຄືສະມາຊິກຊາວໜຸ່ມໃນການຈັດຕັ້ງນຳພາໃນຕໍ່ໜ້າ. ໃນພິທີຍັງໄດ້ມອບໃບ ຍ້ອງຍໍໃຫ້ແກ່ຄະນະບໍລິຫານງານຊາວໜຸ່ມເມືອງວັງວຽງ ແລະ ຄະນະໜ່ວຍຊາວໜຸ່ມຮາກຖານທີ່ມີຜົນງານດີເດັ່ນໃນຂະ ບວນການ 4 ບຸກ ໃຫ້ກຽດຂື້ນມອບໂດຍ ສະຫາຍ ດາວສະຫວັນ ລາຊະວົງສ.

ພາບ ແລະ ຂ່າວໂດຍ: ຈັນທະສອນ ອິນທະວົງ