ຄະນະບໍລິຫານງານຊາວໜຸ່ມເມືອງປາກຊັນ ປຶກສາຫາລືວຽກງານເປີດຂະບວນການຫຼຸດຜ່ອນປະກົດການຫຍໍ້ທໍ້ ຂອງຊາວໜຸ່ມ -ໄວໜຸ່ມ

IMG_4280ໃນຕອນບ່າຍຂອງວັນທີ 26 ມັງກອນ 2017 ຢູ່ທີ່ຫ້ອງປະຊຸມໃຫ່ຍສຳນັກງານປົກຄອງເມືອງປາກຊັນ ໄດ້ເປີດ ກອງປະຊຸມປຶກສາຫາລືກ່ຽວກັບວຽກງານເປີດຂະບວນການຫຼຸດຜ່ອນປະກົດການຫຍໍ້ທໍ້ຂອງຊາວໜຸ່ມ-ໄວໜຸ່ມ ເປັນກຽດເຂົ້າຮ່ວມພິທີໃນຄັ້ງນີ້ມີ ທ່ານ ບຸນຍູ້ ພົມມະວົງສາ ກຳມະການພັກແຂວງ, ເລຂາພັກເມືອງ, ເຈົ້າ ເມືອງ-ເມືອງປາກຊັນ, ທ່ານ ກວນເພັດ ພວງມາລາ ກຳມະການສູນກາງຊາວໜຸ່ມປະຊາຊົນປະຕິວັດລາວ ເລຂາ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງບໍລິຄຳໄຊ, ມີ ຄະນະພັກເມືອງ, ກຳມະການພັກເມືອງ, ຫົວໜ້າຫ້ອງການ-ຮອງຫ້ອງການ, ຄະນະບໍລິຫານງານຊາວໜຸ່ມແຂວງ, ຄະນະບໍລິຫານງານຊາວໜຸ່ມເມືອງ, ເລຂາພັກບ້ານ, ເລຂາຮາກຖານ-ໜ່ວຍຊາວໜຸ່ມອ້ອມຂ້າງເມືອງເຂົ້າຮ່ວມທັງໝົດ 78 ສະຫາຍ, ຍິງ 16 ສະຫາຍ. ກອງປະຊຸມ ທ່ານປະທານໄດ້ຍົກເອົາບັນຫາຕົ້ນຕໍຂຶ້ນມາໃຫ້ຜູ້ເຂົ້າຮ່ວມມີຄຳເຫັນໃນການແກ້ໄຂບັນຫາຫຼຸດຜ່ອນ ປະກົດການຫຍໍ້ທໍ້ຂອງຊາວໜຸ່ມ-ໄວໜຸ່ມ ທີ່ເຄື່ອນໄຫວຜິດກົດໝາຍ, ມົ້ວສຸມກັບຢາເສບຕິດ, ການຫຼິ້ນກິນຟຸມ ເຟືອຍ, ການປຸ້ນຈີ້ຂ້າຕະກຳເພື່ອຊີງຊັບ, ການສ້າງກຸ່ມແກ້ງຕີກັນ, ການແຂ່ງລົດຕາມຖະໜົນຫົນທາງ.  ກອງປະ ຊຸມໄດ້ຮັບຟັງການປະກອບຄຳຄິດຄຳເຫັນຂອງບັນດາສະຫາຍຢ່າງກົງໄປກົງມາ  ແລະ ມີຫຼາຍບັນຫາ, ຫຼາຍເນື້ອ ໃນທີ່ແຕກຕ່າງກັນ ເພື່ອເຮັດໃຫ້ມັນຊັດເຈນຂຶ້ນ.

ຕອນທ້າຍກອງປະຊຸມ ປະທານ ໄດ້ມີຄຳຕໍ່ບັນດາສະຫາຍທີ່ເຂົ້າຮ່ວມກອງປະຊຸມໃນຄັ້ງນີ້. ກ່ອນອື່ນໝົດທ່ານ ໄດ້ຍ້ອງຍໍຊົມເຊີຍ ແລະ ສະແດງຄວາມຂອບໃຈທີ່ທຸກສະຫາຍໄດ້ມີສ່ວນຮ່ວມ, ແນວຄິດແລກປ່ຽນ, ຄົ້ນຄວ້າ ແກ້ໄຂ ປະກອບໃສ່ດ້ວຍຄວາມຈິງໃຈຕໍ່ບັນຫາ ເພື່ອເຮັດໃຫ້ມັນສອດຄ່ອງກັບລະບຽບກົດໝາຍ.

ຂ່າວ: ໄພວັນ ໄຊຍະທຳ

                                                                020 9660 2345