ຄຊປປລ ແຂວງວຽງຈັນ ສ້າງຂະບວນການຕ້ອນຮັບວັນສ້າງຕັ້ງກອງທັບ ຄົບຮອບ 68 ປີ

IMG_3790IMG_3801

DSC04542DSC04539

ໃນຕອນບ່າຍຂອງວັນທີ 17 ມັງກອນ 2017 ທີ່ຜ່ານມານີ້ ຄະນະຊາວໜຸ່ມ ປປລແຂວງວຽງຈັນ ໄດ້ສ້າງຂະບວນ ການແຂ່ງຂັນກິລາບານເຕະ ( ຊາຍ ) ແລະ ບານສົ່ງ ( ຍິງ ) ຢູ່ທີ່ ເດີ່ນກິລາກອງບັນຊາການທະຫານແຂວງ ລະ ຫວ່າງທີມ ຄະນະຊາວໜຸ່ມພະແນກການອ້ອມຂ້າງແຂວງພົບກັບຄະນະຊາວໜຸ່ມກອງບັນຊາການທະຫານ ແຂວງວຽງຈັນ ເປັນກຽດ ເຂົ້າຮ່ວມມີ ທ່ານ ພທ ບຸນຜອງ ບຸດທະວົງ ຄະນະພັກກອງບັນຊາການ ຮອງຫ້ອງພະ ລາທິການກອງບັນຊາການທະຫານແຂວງວຽງຈັນ ທ່ານ ນາງ ຈັນທະຄອນ ສີອຳພອນ ກຳມະການພັກແຂວງ ກຳ ມະການສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງວຽງຈັນ ພ້ອມດ້ວຍ ຄະນະບໍລິຫານງານຊາວໜຸ່ມ, ເລຂາຊາວໜຸ່ມພະແນກ ການອ້ອມຂ້າງ, ສະມາຊິກຊາວໜຸ່ມເຂົ້າຮ່ວມ 175 ຄົນ, ຍິງ 82 ຄົນເຂົ້າຮ່ວມ.

ຈຸດປະສົງຂອງການສ້າງຂະບວນການຄັ້ງນີ້ກໍ່ເພື່ອເປັນການຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບ ຮອບ 68 ປີ ( ວັນທີ 20 ມັງກອນ ) ທັງເປັນການຮັດແໜ້ນຄວາມສາມັກຄີລະຫວ່າງຊາວໜຸ່ມພະແນກການ ແລະ ຄະ ນະຊາວໜຸ່ມກອງບັນຊາການທະຫານແຂວງວຽງຈັນ. ກິດຈະກຳໃນຄັ້ງນີ້ມີກິລາບານເຕະ (ຊາຍ) ແລະ ບານສົ່ງ (ຍິງ) ເຊິ່ງ ຜົນການແຂ່ງຂັນບານເຕະ ທີມຄະນະຊາວໜຸ່ມພະແນກການສາມາດເອົາຊະນະທີມຊາວໜຸ່ມ ກອງບັນ ຊາການທະ ຫານ 7 ປະຕູ ຕໍ່ 4. ສຳລັບບານສົ່ງແມ່ນທີມ ກອງບັນຊາການເອົາຊະນະ 3 ເຊັກລວດ.

–     ແຫຼ່ງຂ່າວຍັງໃຫ້ຮູ້ເພີ່ມເຕີມອີກວ່າ ໃນຕອນແລງຂອງວັນພຸດ ທີ 28 ທັນວາ 2016 ຄະນະຊາວໜຸ່ມເມືອງ ທຸລະຄົມ ໄດ້ເຕົ້າໂຮມເອົາຊາວໜຸ່ມກຸ່ມການເມືອງລົງເຄື່ອນໄຫວສ້າງຂະບວນການຮ່ວມກັບຊາວໜຸ່ມ ໂຮງຮຽນ ວິທະຍາໄລຄູບ້ານ ເກິນ ນຳພາທີມໂດຍ ສະຫາຍ ພົມ ສຸກສະຫວັນ ເລຂາຄະນະບໍລິຫານງານຊາວໜຸ່ມເມືອງທຸລະ ຄົມ ພ້ອມດ້ວຍຄະນະ, ໂດຍການໃຫ້ກຽດເຂົ້າຮ່ວມຂອງທ່ານ ບຸນໜາ ໄຊຍະວົງ ກຳມະການພັກເມືອງ ຫົວໜ້າ ກຸ່ມບ້ານເທດສະບານ. ມີ ສະຫາຍ ຄຳສິງ ຈັນວິໄລສັກ ເລຂາຊາວໜຸ່ມໂຮງຮຽນວິທະຍາໄລຄູບ້ານເກິນ ແລະ ຄະນະ ພັກໂຮງຮຽນ ພ້ອມດ້ວຍຄູອາຈານຈຳ ນວນໜຶ່ງ. ການສ້າງກິດຈະກຳໃນຄັ້ງນີ້ແມ່ນເປັນການຂ່ຳນັບຮັບຕ້ອນວັນ ຊາດທີ 02 ທັນວາ ຄົບ ຮອບ 41 ປີ, ວັນສ້າງຕັ້ງກອງທັບ ຄົບຮອບ 68 ປີ ແລະ ທັງເປັນການສ້າງຄວາມສາມັກ ຄີລະຫວ່າງຊາວໜຸ່ມ ວິທະຍາໄລຄູບ້ານເກິນ ແລະ ຄະນະ ຊາວໜຸ່ມເມືອງທຸລະຄົມ, ພິເສດ ແມ່ນເພື່ອສ້າງຂະ ບວນການຂ່ຳນັບຮັບຕ້ອນການສ້າງຄະນະ ຊປປລ ເມືອງທຸລະຄົມເປັນເມືອງຊາວໜຸ່ມ 4 ບຸກ ເຊິ່ງ ຄາດວ່າຈະ ຖືກຮັບຮອງໃນໄວໆນີ້.

ພາບ ແລະ ຂ່າວໂດຍ: ຈັນທະສອນ ອິນທະວົງ