ຄະນະຊາວໜຸ່ມແຂວງບໍລິຄຳໄຊ ມອບເຄື່ອງໃຫ້ຊາວໜຸ່ມ ປກຊ ເມືອງຄຳເກີດ

IMG_4162IMG_4201

ເພື່ອສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 68 ປີ ໃຫ້ມີຂະບວນການ ຟົດຟື້ນ ແລະ ເຕັມໄປດ້ວຍຄວາມໝາຍ, ຄວາມສຳຄັນ.

ໃນຕອນບ່າຍຂອງວັນທີ 18 ມັງກອນ 2017 ນີ້ ຢູ່ທີ່ຫ້ອງປະຊຸມກອງບັນຊາການທະຫານ ເມືອງຄຳເກີດ ສະຫາຍ ກວນເພັດ ພວງມາລາ ກຳມະການສູນກາງຊາວໜຸ່ມປະຊາຊົນປະຕິວັດລາວ,ເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍທິມງານ ມີຄະນະບໍລິຫານງານຊາວໜຸ່ມແຂວງ, ເລຂາຄະນະບໍລິຫານງານຊາວໜຸ່ມເມືອງຄຳ ເກີດ, ພ້ອມພະນັກງານຫ້ອງການຊາວໜຸ່ມແຂວງ ໄດ້ນຳເອົາເຄື່ອງອຸປະກອນການກິລາຈຳນວນໜຶ່ງໄປມອບໃຫ້ ຊາວໜຸ່ມກອງບັນຊາການທະຫານ ເມືອງຄຳເກີດ ເພື່ອນຳໃຊ້ເຂົ້າໃນການກິລາ ລວມມູນຄ່າ 1.325.000 ກີບ, ຊຶ່ງປະກອບມີ: ຊຸດກິລາ 15 ຊຸດ, ກະຕໍ້ 8 ໜ່ວຍ, ບານສົ່ງ 1 ໜ່ວຍ, ນ່າງກະຕໍ້ 2 ນ່າງ, ກ່າວມອບໂດຍ ສະຫາຍ ກວນເພັດ ພວງມາລາ ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມ ແຂວງບໍລິຄຳໄຊ, ກ່າວຮັບໂດຍ ຮອ ແສງສຸລິນ ຈັນທະວົງ ເລຂາຊາວໜຸ່ມກອງບັນຊາການທະຫານເມືອງຄຳເກີດ ໂດຍຊ້ອງຄະນະຊາວໜຸ່ມສອງພາກສ່ວນເຂົ້າຮ່ວມ 30 ສະຫາຍ, ຍິງ 02 ສະຫາຍ. ພາຍຫຼັງສຳເລັດພິທີມອບ ເຄື່ອງ ເລຂາຄະນະບໍລິຫານງານຊາວໜຸ່ມເມືອງຄຳເກີດ ກໍ່ໄດ້ນຳພາທິມງານຄະນະບໍລິຫານງານຊາວໜຸ່ມແຂວງ ບໍລິຄຳໄຊ ໄປທັດສະນະບໍ່ຄຳບ້ານແສນອຸດົມ, ເມືອງຄຳເກີດ ແລະ ໄດ້ສ້າງຂະບວນການແຂ່ງຂັນກິລາບານເຕະ ມິດພະພາບ ລະຫວ່າງ ຄະນະຊາວໜຸ່ມແຂວງ ກັບຄະນະຊາວໜຸ່ມບໍ່ຄຳບ້ານແສນອຸດົມຂຶ້ນ ເພື່ອຮັດແໜ້ນ ຄວາມສາມັກຄີ ຊາວໜຸ່ມທັງສອງພາກສ່ວນໃຫ້ມີຄວາມໜັກແໜ້ນເຂັ້ມແຂງຂຶ້ນໄປເລື້ອຍໆ.

                                                ຂ່າວ: ວິໄລພອນ ນັກຂ່າວຊາວໜຸ່ມແຂວງບໍລິຄຳໄຊ

                                                                                                020 55653639