ຄຊປປລ ເມືອງວຽງຄຳ ແຂວງ ວຽງຈັນ ປະກາດຮັບຮອງເປັນເມືອງຊາວໜຸ່ມ 4 ບຸກຮອບ II

16128978_1661975484095130_32134070_n16144363_1661975487428463_1966657187_n

16176566_1661975467428465_1415470740_n16144309_1661975540761791_2036220719_n

ໃນຕອນເຊົ້າຂອງວັນທີ 12 ມັງກອນ 2017 ທີ່ຜ່ານມານີ້ ຄະນະຊາວໜຸ່ມ ປປລ ເມືອງວຽງຄຳ ໄດ້ຈັດຕັ້ງພິທີ ປະກາດຮັບຮອງເມືອງວຽງຄຳເປັນເມືອງຊາວໜຸ່ມ 4 ບຸກຮອບ II ປະຈຳປີ 2016 ຂຶ້ນຢູ່ທີ່ຫ້ອງປະຊຸມຊັ້ນ 4 ຂອງ ຫ້ອງວ່າການປົກຄອງເມືອງວຽງຄຳ ພາຍໃຕ້ການເປັນປະທານຂອງ ສະຫາຍ ນາງ ບົວໄຫຼ ຈັນທະວົງ ຄະນະປະຈຳ ຄະນະບໍລິຫານງານຊາວໜຸ່ມແຂວງວຽງຈັນ ເລຂາຄະນະບໍລິຫານງານຊາວໜຸ່ມເມືອງວຽງຄຳ ໃຫ້ກຽດ ເຂົ້າຮ່ວມ ມີທ່ານ ດາວສະຫວັນ ລາຊະວົງສ ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ, ທ່ານ ເຂັມພອນ ແກ້ວເຂັມເພັດ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຜູ້ຊີ້ນໍາອົງການຈັດຕັ້ງມະຫາຊົນ ມີບັນ ດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຄະນະໜ່ວຍຊາວໜຸ່ມສຳນັກງານອົງການ, ໂຮງຮຽນ, ໂຮງໝໍ, ລັດວິສາຫະກິດ ແລະ ບ້ານໃນທົ່ວເມືອງທັງໝົດ 64 ສະຫາຍ, ຍິງ 28 ສະຫາຍ.

ໃນພິທີ ສະຫາຍນາງ ບົວໄຫຼ ຈັນທະວົງ ໄດ້ຂຶ້ນກ່າວເປີດພິທີຢ່າງເປັນທາງການ ແລະ ຜ່ານບົດສະຫຼຸບການຈັດຕັ້ງ ປະຕິບັດຂໍ້ແຂ່ງຂັນ 4 ບຸກສົກປີ 2015-2016 ພ້ອມທັງຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ ຖອດຖອນໄດ້ຜ່ານການປະເມີນຜົນບົນພື້ນຖານມາດຖານໃນແຕ່ລະດ້ານສາມາດປະຕິບັດໄດ້ຄື: ດ້ານແນວຄິດ ປະຕິບັດໄດ້ 95%%, ດ້ານການຝຶກຝົນຫຼໍ່ຫຼອມຮ່ຳຮຽນປະຕິບັດໄດ້ 90%%, ດ້ານການປັບປຸງການຈັດຕັ້ງປະ ຕິບັດໄດ້ 98%% ແລະ ດ້ານການສ້າງ ວິຊາຊີບວຽກເຮັດງານທຳປະຕິບັດໄດ້ 98%%. ຕໍ່ຜົນຂອງການປະເມີນ ໃນແຕ່ລະດ້ານເຫັນໄດ້ວ່າຄະນະຊາວໜຸ່ມ ປປລ ເມືອງວຽງຄຳ ແມ່ນຖືກຕ້ອງຕາມເງື່ອນ ໄຂຂອງການສ້າງ ເມືອງຊາວໜຸ່ມ 4 ບຸກ ແລະ ສາມາດຮັກສານາມມະຍົດຊາວໜຸ່ມ ເມືອງ 4 ບຸກໄດ້ເປັນຮອບທີ II. ຈາກນັ້ນ ທ່ານ ດາວສະຫວັນ ລາຊະວົງສ ຮອງຄະນະບໍລິຫານງານ ຊປປລ ກໍ່ໄດ້ໃຫ້ກຽດຂຶ້ນມອບໃບຢັ້ງຢືນ 4 ບຸກໃຫ້ແກ່ຄະນະ ຊາວໜຸ່ມເມືອງວຽງຄຳ.     ໃນພິທີດັ່ງກ່າວຍັງໄດ້ມີການມອບໃບຍ້ອງຍໍຄະນະບໍລິຫານງານຊາວໜຸ່ມທີ່ມີຜົນງານດີເດັ່ນໃນຂະບວນການ 4 ບຸກ ໃຫ້ກຽດຂຶ້ນມອບໂດຍ ທ່ານ ເຂັມພອນ ແກ້ວເຂັມເພັດ. ໃນຕອນທ້າຍຂອງພິທີທີ່ມີຄວາມໝາຍຄວາມສຳ ຄັນນີ້ ທ່ານ ດາວສະຫວັນ ລາຊະວົງສ ແລະ ທ່ານ ເຂັມພອນ ແກ້ວເຂັມເພັດ ກໍ່ໄດ້ມີຄຳ ເຫັນ ແລະ ໂອ້ລົມຕໍ່ພິທີ ເພື່ອເປັນເຂັມທິດຊີ້ນຳແກ່ຄະນະຊາວໜຸ່ມ ກໍ່ຄືສະມາຊິກຊາວໜຸ່ມໃນການຈັດຕັ້ງນຳພາໃນຕໍ່ໜ້າ.

ພາບ ແລະ ຂ່າວໂດຍ: ຈັນທະສອນ ອິນທະວົງ