ຄະນະຊາວໜຸ່ມແຂວງບໍລິຄຳໄຊ ຕ້ອນຮັບການຢ້ຽມຢາມຄະນະຊາວໜຸ່ມ ແລະ ເຍົາວະຊົນ ສສ ຫວຽດນາມ

img_3484img_3501img_3500ຄະນະຊາວໜຸ່ມແຂວງບໍລິຄຳໄຊ ຕ້ອນຮັບການຢ້ຽມຢາມຄະນະຊາວໜຸ່ມ

ແລະ ເຍົາວະຊົນ ສສ ຫວຽດນາມ

********************

      ໃນຕອນເຊົ້າຂອງວັນທີ 5  ທັນວາ 2016 ຢູ່ທີ່ ອະນຸສາວະລີ ທ່ານ ສີສົມພອນ ລໍວັນໄຊ ສະຫາຍ ກວນ ເພັດ ພວງມາລາ ກໍາມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມ ແຂວງບໍລິຄຳໄຊ ພ້ອມຄະນະ,  ມີພະນັກງານຊາວໜຸ່ມແຂວງ, ຄູອາຈານ ແລະ ນ້ອງນ້ອຍເຍົາວະຊົນ 100 ກ່ວານ້ອງ ຕ້ອນຮັບການຢ້ຽມຢາມຂອງສະຫາຍ ຫງຽນທາຍອັນ ຮອງຫົວໜ້າກົມເຍົາວະຊົນສູນກາງຊາວ ໜຸ່ມຄອມມູນິດໂຮຈິມິງ ພ້ອມທິມງານ ແລະ ນ້ອງນ້ອຍເຍົາວະຊົນ ສສ ຫວຽດນາມ  24 ຄົນ. ໃນໂອກາດ ທີ່ການນຳຊາວໜຸ່ມໄດ້ນຳພາເຍົາວະຊົນ ສສ ຫວຽດນາມມາຢ້ຽມ ຢາມແຂວງບໍລິຄຳໄຊ ສະຫາຍ ກວນເພັດ ພວງມາລາ ໄດ້ນຳພາຄະນະ ແລະ ເຍົາວະຊົນທັງໝົດ 160 ກ່ວາຄົນ ວາງກະຕ່າດອກໄມ້ ທີ່ອະນຸສາວະລີທ່ານ ສີສົມພອນ ລໍວັນໄຊ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດກໍ່ຄືຊາວແຂວງບໍລິຄຳໄຊ ແລະ ທ່ຽວ ຊົມຮູບພາບປະຫວັດການເຄື່ອນໄຫວຂອງທ່ານ ສີສົມພອນ ລໍວັນໄຊ ກ່ອນທີ່ຄະນະນຳພ້ອມດ້ວຍເຍົາວະຊົນ ສສ ຫວຽດນາມຈະເດີນທາງໄປນະຄອນຫຼວງວຽງຈັນ.

 ຈຸດປະສົງຂອງການຢ້ຽມຢາມໃນຄັ້ງນີ້ ກໍ່ເພື່ອເສີມສ້າງສາຍພົວພັນມິດຕະພາບ, ຄວາມສາມັກຄີແບບພິ ເສດ ແລະ ເພື່ອພົບປະແລກປ່ຽນຖອດຖອນບົດຮຽນກ່ຽວກັບວຽກງານເຍົາວະຊົນສອງຊາດລາວ-ຫວຽດນາມ ໃຫ້ນັບມື້ເຂັ້ມແຂງຂຶ້ນເລື້ອຍໆ,

 ຂ່າວ: ວິໄລພອນ; 020 55653639