ພິທີຮັບສະມາຊິກເຍົາວະຊົນ ແລະ ອະນຸຊົນ ເຂດເທດສະບານເມືອງປາກຊັນ

15240096_581779158686655_2102081566_n15239212_581778598686711_255180390_nimg_3388ພິທີຮັບສະມາຊິກເຍົາວະຊົນ ແລະ ອະນຸຊົນ

ເຂດເທດສະບານເມືອງປາກຊັນ

**********

      ເພື່ອເປັນການສ້າງຂະບວນການຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 41 ປີ ແລະ ວັນສ້າງຕັ້ງ ເຍົາວະຊົນທັນວາ ຄົບຮອບ 61 ປີ ທີ່ຈະມາເຖິງໃນມໍ່ໆນີ້.

      ໃນຕອນເຊົ້າຂອງວັນທີ 1 ທັນວາ 2016 ຢູ່ທີ່ເດີ່ນສຳນັກງານປົກຄອງເມືອງປາກຊັນ ຄະນະບໍລິຫານງານ ຊາວໜຸ່ມເມືອງປາກຊັນ, ໄດ້ຈັດພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກເຍົາວະຊົນ ແລະ ອະນຸຊົນ ທັນວາຂຶ້ນ ເປັນກຽດເຂົ້າຮ່ວມພິທີໃນຄັ້ງນີ້ມີທ່ານ ປອ ກອງແກ້ວ ໄຊສົງຄາມ ເລຂາພັກແຂວງ, ເຈົ້າແຂວງ -ແຂວງບໍລິຄຳໄຊ, ທ່ານ ບຸນຍູ້ ພົມມະວົງສາ ກຳມະການພັກແຂວງ, ເລຂາພັກເມືອງ, ເຈົ້າເມືອງ-ເມືອງ ປາກ ຊັນ, ທ່ານ ກວນເພັດ ພວງມາລາ ກຳມະການສູນກາງສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະ ບໍລິຫານງານຊາວໜຸ່ມປະຊາຊົນປະຕິວັດລາວແຂວງບໍລິຄຳໄຊ, ຄະນະບໍລິຫານງານຊາວໜຸ່ມແຂວງ, ຄະນະ ບໍລິຫານງານຊາວໜຸ່ມເມືອງ, ສຶກສາ-ກິລາເມືອງ, ອົງການຈັດຕັ້ງມະຫາຊົນຂັ້ນເມືອງ ພ້ອມດ້ວຍຄູອາຈານ, ຜູ້ປົກຄອງ ແລະ ນ້ອງນັກຮຽນ 12 ໂຮງຮຽນເຂົ້າຮ່ວມຢ່າງພ້ອມພຽງ. ພາຍຫຼັງທີ່ຕາງໜ້າມະຫາຊົນຜູ້ກ້າວ ໜ້າໄດ້ຂຶ້ນຜ່ານໃບຄຳຮ້ອງຂໍເຂົ້າເປັນສະມາຊິກເຍົາວະຊົນ-ອະນຸຊົນ, ຄະນະຊາວໜຸ່ມເມືອງປາກຊັນ ກໍໄດ້ ຜ່ານໃບອະນຸມັດຮັບເຍົາວະຊົນ-ອະນຸຊົນທັນວາ ໃນເວລາດຽວກັນຄະນະປະທານ, ຄະນະນຳຊາວໜຸ່ມ, ແຂກ ຖືກເຊີນ, ຄູອາຈານ, ຜູ້ປົກຄອງທີ່ເຂົ້າຮ່ວມກໍໄດ້ພ້ອມກັນມັດແພໃຫ້ນ້ອງນ້ອຍເຍົາວະຊົນ-ອະນຸຊົນໃໝ່, ການຮັບສະມາຊິກເຍົາວະຊົນ-ອະນຸຊົນໃໝ່ ໃນຄັ້ງນີ້ມີທັງໝົດຈຳນວນ 703 ນ້ອງ, ຍິງ 355 ນ້ອງ, ຈາກ 12 ໂຮງຮຽນຄື: ໂຮງຮຽນປະຖົມໂພນໄຊເໜືອ, ໂຮງຮຽນປະຖົມສີວິໄລ, ໂຮງຮຽນປະຖົມໄຊສົມບູນ, ໂຮງຮຽນປະ ຖົມປາກຊັນ, ໂຮງຮຽນປະຖົມສີສະອາດ, ໂຮງຮຽນປະຖົມຊະນະໄຊ, ໂຮງຮຽນປະຖົມແສນອຸດົມ, ໂຮງຮຽນ ປະຖົມໄຊມຸງຄຸນ, ໂຮງຮຽນປະຖົມແຕ່ງທອງ, ໂຮງຮຽນປະຖົມຮຸ່ງອາລຸນ,ໂຮງຮຽນປະຖົມປາກຊັນໃໝ່ ແລະ ໂຮງຮຽນປະຖົມຮາມມິ່ງເບີດ. ໃນນັ້ນຮັບເຂົ້າເປັນສະມາຊິກເຍົາວະຊົນ 375 ນ້ອງ, ຍິງ 192 ນ້ອງ, ຮັບເຂົ້າ ເປັນສະມາຊິກອະນຸຊົນ 328 ຫຼານ, ຍິງ 163 ຫຼານ.

ຕອນທ້າຍພິທີ ທ່ານ ບຸນຍູ້ ພົມມະວົງສາ ກຳມະການພັກແຂວງ, ເລຂາພັກເມືອງ, ເຈົ້າເມືອງ-ເມືອງປາກຊັນ ກໍໄດ້ມີຄຳເຫັນໂອ້ລົມ ຕໍ່ນ້ອງນ້ອຍເຍົາວະຊົນ, ອະນຸຊົນ ຊຶ່ງກ່ອນອື່ນ ທ່ານໄດ້ຍ້ອງຍໍຊົມເຊີຍຕໍ່ບັນດານ້ອງ ນ້ອຍ,ຫຼານ ທີ່ໄດ້ຕັ້ງໜ້າຝຶກຝົນຫຼໍ່ຫຼອມຕົນເອງ, ເປັນຜູ້ທີ່ດີເດັ່ນ, ຫ້າວຫັນ, ທ່ານໄດ້ເນັ້ນໜັກໃຫ້ສະມາຊິກ ເຍົາວະຊົນ, ອະນຸຊົນ ຈົ່ງເປັນຜູ້ທີ່ມີຄຸນສົມບັດສິນທຳປະຕິວັດ, ຮຽນເກັ່ງ ເສັງໄດ້ ເປັນນັກຮຽນດີຂອງໂຮງ ຮຽນ, ເປັນລູກທີ່ດີຂອງພໍ່ແມ່, ຈື່ຈຳຄຳສອນຂອງທ່ານຜູ້ນຳ 6 ຮັກ, 3 ຊັງ, ຂໍ້ແຂ່ງຂັນ 3 ດີ, 4 ຮູ້, ເປັນຜູ້ສືບ ທອດທີ່ດີຂອງປະເທດຊາດໃນອະນາຄົດ.

                                                                       ຂ່າວພາບ: ໄພວັນ; 020 9660 2345