ກອງປະຊຸມປະຈຳປີ 2015-2016 ໂຄງການປູກຢາງພາລາ ຊາວໜຸ່ມບໍລິຄໍາໄຊ – ຮາຕິງຈຳກັດ

15281112_581261192071785_1090619816_nກອງປະຊຸມປະຈຳປີ 20152016

ໂຄງການປູກຢາງພາລາ ຊາວໜຸ່ມບໍລິຄໍາໄຊຮາຕິງຈຳກັດ

ໃນວັນທີ 30 ພະຈິກ 2016 ຢູ່ທີ່ຫ້ອງປະຊຸມ ບ້ານມິດຕະພາບລາວ-ຫວຽດນາມ ຄະນະບໍລິ ຫານງານຊາວໜຸ່ມແຂວງບໍລິຄຳໄຊ ຮ່ວມກັບບໍລິສັດຢາງພາລາຮາຕິງຈຳກັດ ໄດ້ເປີດກອງປະຊຸມສະ ຫຼຸບປະຈຳປີ 2015-2016 ຂຶ້ນຢ່າງເປັນທາງການ  ພາຍໃຕ້ການເປັນປະທານຂອງທ່ານ ລຳສະໄໝ ວໍລະສານ ຄະນະປະຈຳພັກແຂວງ, ປະທານແນວລາວສ້າງຊາດ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ປະທານຄະນະກຳມະການໂຄງການຮ່ວມມືປູກຢາງພາລາ ຊາວໜຸ່ມບໍລິຄຳໄຊ – ຮ່າຕິງ ທີ່ເຂດໜອງກອກເມືອງຄຳເກີດ, ມີບັນດາຄະນະກຳມະການ ທີ່ມາຈາກ ພະແນກການກ່ຽວຂ້ອງຂັ້ນແຂວງ,  ເມືອງຄຳເກີດ ແລະ  ອຳນວຍການບໍລິສັດບໍລິສັດຢາງພາລາ ຊາວໜຸ່ມບໍລິຄຳໄຊ – ຮາຕິງຈຳກັດ ເຂົ້າຮ່ວມ 31 ຄົນ, ຍິງ 2 ຄົນ. ກອງປະຊຸມທ່ານ ກວນເພັດ ພວງມາລາ ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ ບໍລິຄຳໄຊ ໄດ້ຂຶ້ນຜ່ານບົດສະຫຼຸບ ການຈັດຕັ້ງປະຕິບັດໂຄງການ ສົກປີ 2015 – 2016 ແລະ ທິດທາງແຜນການ 2016 – 2017 ເຊິ່ງໄດ້ຍົກໃຫ້ເຫັນ ດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ ເຊັ່ນ: ເລີ່ມແຕ່ປີ 2010  ເປັນຕົ້ນມາຮອດປັດຈຸບັນ ໄດ້ບຸກເບີກເນື້ອທີ່ປູກຢາງພາລາໄດ້ທັງໝົດ 411,46 ເຮັກຕ່າ, ສັງລວມການລົງທຶນຮອດວັນທີ 31 ທັນວາ 2015 ແມ່ນ: 132.816.056 ລ້ານດົງ, ພ້ອມນັ້ນກໍໄດ້ມີການກໍ່ສ້າງພື້ນຖານໂຄງລ່າງຈຳນວນໜຶ່ງເປັນຕົ້ນ: ການສ້າງເສັ້ນທາງເຊື່ອມຕໍ່ໄປຫາແຕ່ລະກຸ່ມຜະລິດ, ການກໍ່ສ້າງອາຄານ 10 ຫຼັງ, ນ້ຳປະປາສຳເລັດຕາມແຜນ.

ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງທ່ານ ລຳສະໄໝ ວໍລະສານ ກ່ອນອື່ນທ່ານໄດ້ສະແດງ ຄວາມຍ້ອງຍໍຕໍ່ຜົນສຳເລັດ ທີ່ຄະນະບໍລິຫານງານຊາວໜຸ່ມແຂວງບໍລິຄຳໄຊ ແລະ ບໍລິສັດຢາງພາລາຮາຕິງ ຈຳກັດ ໄດ້ກໍ່ຕັ້ງໂຄງການດັ່ງກ່າວຂຶ້ນມາ ແລະ ທ່ານໄດ້ເນັ້ນໜັກໃຫ້ທັງສອງຝ່າຍຈົ່ງເອົາໃຈໃສ່ໃນການຈັດຕັ້ງປະຕິບັດເນື້ອໃນຈິດໃຈບົດບັນທຶກ ກໍ່ຄືສັນຍາການຮ່ວມມືໃຫ້ເຂັ້ມງວດ, ເພື່ອເປັນການສົ່ງເສີມການຜະລິດໃຫ້ເຕີບໃຫຍ່ນັ້ນ ຕ້ອງສົ່ງເສີມການມີສ່ວນຮ່ວມຂອງປະຊາຊົນເຂດດັ່ງ ກ່າວເຂົ້າຮ່ວມການຜະລິດ, ເພີ່ມທະວີການປະສານງານລະຫວ່າງບໍລິສັດ ກັບ ຄະນະຊາວໜຸ່ມແຂວງໃຫ້ດີ ເພື່ອເຮັດໃຫ້ວຽກງານເດີນແລ່ນສະດວກ ແລະ ຖືກຕາມລະບຽບຫລັກການ, ຄວນມີການກຳນົດແຜນການ, ການບໍລິຫານໂຄງການໄລຍະສັ້ນ, ໄລຍະຍາວໃຫ້ລະອຽດ ຈະໄດ້ມີຄວາມສະດວກໃນການກວດກາຕິດຕາມ.

                                                                                              ຂ່າວ: ວິໄລພອນ 020 55653639