ປະກາດການແຕ່ງຕັ້ງ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງວິທະຍາສາດ ແລະ ເຕັກໂນໂລຊີ

dsc_0023dsc_0030dsc_0019dsc_0015

dsc_0039dsc_0042

ປະກາດການແຕ່ງຕັ້ງ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງວິທະຍາສາດ ແລະ ເຕັກໂນໂລຊີ

ພາຍຫຼັງສຳເລັດກອງປະຊຸມໃຫຍ່ຄັ້ງທີ່ I ຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວກະຊວງວິທະ ຍາສາດ ແລະ ເຕັກໂນໂລຊີ (ຄຊປປລ.ກວຕ) ໃນເດືອນ ທັນວາ 2014 ທີ່ຜ່ານມາ ຄະນະບໍລິຫານ ງານຊາວ ໜຸ່ມປະຊາຊົນປະຕິວັດລາວ ຄຊປປລ ໄດ້ຕົກລົງແຕ່ງຕັ້ງ ຄຊປປລ.ກວຕ ໂດຍອິງຕາມໜັງສືສະເໜີເລກທີ 021/ກວຕ.ຊໜ ລົງວັນທີ 22 ທັນວາ 2014 ກ່ຽວກັບຂໍ້ຕົ້ກລົງແຕ່ງຕັ້ງ ຄຊປປລ.ກວຕ ຊຸດໃໝ່ ແລະ ອິງຕາມ ການຄົ້ນຄວ້ານຳສະເໜີຂອງກົມຈັດຕັ້ງ ແລະ ຫ້ອງການ ສູນກາງ ຊປປລາວ.

ໃນວັນທີ 12 ກຸມພາ 2014, ຄຊປປລ.ກວຕ ໄດ້ຈັດພິທີປະກາດຂໍ້ຕົກລົງວ່າດ້ວຍການແຕ່ງຕັ້ງ ຄຊປປລ.ກວຕ ຢ່າງເປັນທາງການ ແລະ ຍັງໄດ້ແບ່ງຄະນະປະຈຳ, ເລຂາ, ຮອງເລຂາ ແລະ ຄະນະກວດກາຂອງ ຄຊປປລ.ກວຕ ເພື່ອໃຫ້ສາມາດປະຕິບັດໜ້າທີ່ວຽກງານດັ່ງກ່າວ. ເຂົ້າຮ່ວມພິທີດັ່ງກ່າວ ມີ ສະຫາຍ ບັນດິດ ສຈ. ບໍ່ວຽງຄຳ ວົງດາລາ, ເລຂາຄະນະພັກ, ລັດຖະມົນຕີວ່າການ ກວຕ, ສະຫາຍ ດຣ. ສາຄອນ ຈະເລີນວົງ, ຮອງເລຂາຄະນະ ພັກ, ລັດຖະມົນຕີຊ່ວຍວ່າການ ກວຕ, ບັນດາຄະນະພັກ, ບັນດາເລຂາໜ່ວຍພັກຫ້ອງການ, ກົມ, ສະຖາບັນ, ຕາງໜ້າອົງການຈັດຕັ້ງມະຫາຊົນ ແລະ ສະມາຊິກຊາວໜຸ່ມພາຍໃນ ກວຕ ເຂົ້າຮ່ວມ.

ໃນພິທີດັ່ງກ່າວສະຫາຍເລຂາຄະນະພັກຍັງໃຫ້ກຽດໂອລົມ ແລະ ໃຫ້ທິດຊີ້ນຳຕໍ່ພິທີ ຊຶ່ງສະຫາຍໄດ້ສະແດງຄວາມ ຍ້ອງຍໍຊົມເຊີຍບັນດາສະຫາຍ ທີ່ໄດ້ຮັບການເລືອກຕັ້ງເປັນຄະນະບໍລິຫານງານຊາວໜຸ່ມຂອງກະຊວງ ແລະ ສະ ຫາຍໄດ້ກ່າວເນັ້ນໜັກຕໍ່ວຽກງານຊາວໜຸ່ມໂດຍສະເພາະແມ່ນ ການປັບປຸງວຽກງານການຈັດຕັ້ງໃຫ້ມີຄວາມ ເຂັ້ມແຂງ, ພັດທະນາຍົກລະດັບວິຊາສະເພາະ, ເອົາໃຈໃສ່ພັດທະນາໃນວຽກງານ ວິທະຍາສາດ-ເຕັກໂນໂລຊີ, ພາ ສາຕ່າງປະເທດ ແລະ ອຶ່ນໆ. ຍຶດໝັ້ນໃນການນຳພາຂອງພັກ, ເດັດດ່ຽວປົກປັກຮັກສາລອບປະຊາທິປະໄຕ, ກຳ ແໜ້ນແນວທາງນະໂບາຍ, ຫ້າວຫັນ, ກ້າຄິດ, ກ້າເຮັດ, ກ້າຮັບຜິດຊອບຕໍ່ໜ້າທີ່ໄດ້ຮັບມອບໝາຍ ໃຫ້ສົມດັ່ງ ຄຳຂວັນທີ່ວ່າ “ຊາວໜຸ່ມຈົງເປັນດັ່ງນົກອິນຊີທີ່ບໍຫວັ່ນກົວຕໍ່ພະຍຸລົມແດງ” ເອົາໃຈໃສ່ສ້າງຂະບວນການ ຕ່າງໆເປັນຕົ້ນແມ່ນຂະບວນການແຂ່ງຂັນຮັກຊາດ, ຂະບວນການແຂ່ງຂັນກິລາ, ສິນລະປະອື່ນໆ, ສືບຕໍ່ສ້າງ ຄວາມສາມັກຄີໃນວຽກງານ, ການເຄື່ອນໄຫວວຽກງານຂະບວນການໂດຍພາຍໃຕ້ການຈັດຕັ້ງ ແລະ ສະຫາຍຍັງ ໄດ້ຮຽກຮ້ອງມາຍັງສະມາຊິກຊາວໜຸ່ມທັງໝົດປະກອບສ່ວນສ້າງຜົນງານເຂົ້າໃນບັ້ນຊີວິດການເມືອງຂອງຄະນະພັກກະຊວງໃຫ້ມີຄວາມເຂັ້ມແຂງ.

ບົດຂ່າວ: ບຸນທັນ ນັນທະວົງ