img_9564ຄະນະບໍລິຫານງານຊາວໜຸ່ມແຂວງ ເຂົ້າຮ່ວມສ້າງຂະບວນການຈັດກິດຈະກຳ

ຮ່ວມກັບ ໂຮງຮຽນປະຖົມສົມບູນກຸ່ມລາດບວກ

ເນື່ອງໃນໂອກາດສະເຫຼີມສະຫຼອງ ວັນຄູແຫ່ງຊາດຄົບຮອບ 22 ປີ, ເພື່ອສ້າງຄວາມສາມັກຄີ ແລະ ພົບປະແລກ ປ່ຽນບົດຮຽນ ລະຫ່ວາງຄະນະບໍລິຫານງານຊາວໜຸ່ມແຂວງ ກັບ ໂຮງຮຽນປະຖົມສົມບຸນກຸ່ມລາດບວກ. ໃນວັນທີ 05 ຕຸລາ 2016 ຜ່ານມານີ້ ຄະນະບໍລິຫານງານຊາວໜຸ່ມແຂວງ ໄດ້ນຳເອົາເຄື່ອງກິລາຈຳນວນໜຶ່ງໄປມອບໃຫ້ ໂຮງຮຽນປະຖົມສົມບຸນກຸ່ມລາດບວກ ແລະ ຈັດກິດຈະກຳແຂ່ງຂັນກິລາສ້າງຂະບວນການແລກປ່ຽນບົດຮຽນ ຮ່ວມກັນ. ເຊິ່ງເຄື່ອງທີ່ນຳໄປມອບໃນຄັ້ງນີ້ມີ:

  • ເຄື່ອງກິລາຈຳນວນ 10 ຊຸດ
  • ຊຸດບານຕີ 1 ຊຸດ
  • ບານເຕະ 1 ໜ່ວຍ

ລວມມູນຄ່າທັງໝົດ 1.200.000 ກີບ ກ່າວມອບໂດຍທ່ານ ບົວເງິນ ຫຸມໄຊຍະພົມ ກຳມະການພັກແຂວງ, ເລຂາ ຄະນະບໍລິຫານງານຊາວໜຸ່ມແຂວງ ເປັນກຽດຂຶ້ນຮັບໂດຍທ່ານ ບຸນສີ ດິດດວງຕີ ຮອງເລຂາໜ່ວຍພັກ, ຜູ້ອຳ ນວຍການໂຮງຮຽນປະຖົມສົມບຸນກຸ່ມລາດບວກ. ໃນໂອກາດດັ່ງກ່າວ ທ່ານໄດ້ກ່າວຄຳຂອບໃຈ ແລະ ສະແດງ ຄວາມຮູ້ບຸນຄຸນ ມາຍັງຄະນະບໍລິຫານງານຊາວໜຸ່ມແຂວງ ທີ່ເຫັນໄດ້ຄວາມສຳຄັນຂອງຊາວໜຸ່ມ-ເຍົາວະຊົນ ທີ່ຢູ່ໃນ ໂຮງຮຽນ ໃນຂົງເຂດຊົນນະບົດ, ລົງມາໃກ້ສິດຕິດແທດ ແລະ ໄດ້ນຳເອົາເຄື່ອງກິລາ ລົງມາຊ່ວຍເຫຼືອໃຫ້ ແກ່ໂຮງຮຽນຂອງພວກເຮົາ, ແລະ ພ້ອມກັນ ສ້າງຂະບວນການແຂ່ງຂັນກິລາມິດຕະພາບ ເພື່ອສະເຫຼີມສະຫຼອງ ວັນຄູແຫ່ງຊາດ ຄົບຮອບ 22 ປີ ໃນປີນີ້ ໃຫ້ມີບັນຍາກາດມ່ວນຊື່ນ ແລະ ຄຶກຄື້ນ.