ຄະນະຊາວໜຸ່ມແຂວງບໍລິຄຳໄຊ ຝຶກອົບຮົມວຽກງານເຍົາວະຊົນ-ອະນຸຊົນຢູ່ເມືອງວຽງທອງ

012020010

ຄະນະຊາວໜຸ່ມແຂວງບໍລິຄຳໄຊ

ຝຶກອົບຮົມວຽກງານເຍົາວະຊົນ-ອະນຸຊົນຢູ່ເມືອງວຽງທອງ

————–

      ເພື່ອສ້າງຂະບວນການຂໍ່ານັບຮັບຕ້ອນວັນຄູແຫ່ງຊາດ ຄົບຮອບ 22 ປີ ທີ່ຈະໝູນວຽນມາເຖິງໃນມໍ່ໆນີ້ ແລະ ເພື່ອປັບປຸງວຽກງານເຍົາວະຊົນ-ອະນຸຊົນ ຢູ່ຂັ້ນເມືອງໃຫ້ມີຄວາມເຂັ້ມແຂງຂື້ນໄປເລື້ອຍໆ.

ໃນວັນທີ 27-29 ກັນຍາ 2016 ຢູ່ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງວຽງທອງ ຄະນະຊາວ ໜຸ່ມແຂວງບໍລິຄຳໄຊ ໄດ້ຈັດຝຶກອົບວຽກງານເຍົາວະຊົນ-ອະນຸຊົນທັນວາໃຫ້ຄະນະຮັບຜິດຊອບ ເຍົາວະຊົນ-ອະນຸ ຊົນຂຶ້ນ ເປັນກຽດເຂົ້າຮ່ວມພິທີໃນຄັ້ງນີ້ມີ ທ່ານ ແກ້ວອຸດອນ ໄຊປະເສີດ ຮອງເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ທ່ານ ວັນຄຳ ເພັດໄຊຍະວົງ ຄະນະປະຈຳພັກເມືອງ, ປະທານກວດກາພັກ-ລັດເມືອງວຽງທອງ, ມີຄະນະຮັບຜິດຊອບເຍົາວະຊົນຂັ້ນແຂວງ, ຂັ້ນເມືອງເຂົ້າຮ່ວມ 25 ສະຫາຍ, ຍິງ 14 ສະຫາຍ.

ໃນການຈັດຝຶກອົບຮົມຜູ້ນຳພາວຽກງານເຍົາວະຊົນໃນຄັ້ງນີ້ແມ່ນໄດ້ນຳເອົາເອກະສານປະຫວັດຫຍໍ້ຂອງການຈັດຕັ້ງກອງເຍົາວະຊົນ, ຄວາມຮັບຜິດຊອບຂອງຄະນະຊາວໜຸ່ມປະຊາຊົນ ປະຕິວັດລາວຕໍ່ກັບວຽກງານເຍົາວະຊົນ -ອະນຸຊົນ, ການຕັ້ງຄ້າຍ, ການຮັບສະມາຊິກເຍົາວະຊົນ-ອະນຸຊົນທັນວາ ແລະ ກໍ່ເປັນການຊຸກຍູ້ໃຫ້ຄະນະຮັບຜິດ ຊອບວຽກງານເຍົາວະຊົນເມືອງວຽງທອງ ເຂົ້າໃຈແຈ້ງຕື່ມກ່ຽວກັບຄວາມໝາຍຄວາມສຳຄັນວຽກງານດັ່ງ ກ່າວ ແລະ ນຳໄປຜັນຂະຫຍາຍຢູ່ໂຮງຮຽນຂອງຕົນໃຫ້ເກີດດອກອອກຜົນ, ພາຍຫຼັງສຳເລັດບັ້ນຝຶກອົບຮົມກໍ່ໄດ້ມອບ ໃບຢັ້ງຢືນໃຫ້ແກ່ນັກສຳມະນາກອນທີ່ເຂົ້າຮ່ວມຝຶກອົບຮົມໃນຄັ້ງນີ້ ເປັນກຽດມອບໂດຍ ທ່ານ ແກ້ວອຸດອນ ໄຊ ປະເສີດ ຮອງເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ ພ້ອມກັນນັ້ນທ່ານກໍ່ໄດ້ເປັນກຽດໂອ້ລົມ ແລະ ໃຫ້ທິດຊີ້ນຳແກ່ນັກສຳມະນາກອນ ທ່ານໄດ້ຍົກໃຫ້ເຫັນເຖິງພາລະບົດບາດ ແລະ ຄວາມສຳຄັນຂອງວຽກງານເຍົາ ວະຊົນ ເດັກໃນວັນນີ້ ກໍ່ຄືຜູ້ໃຫ່ຍໃນວັນໜ້າ ແລະ ໄດ້ຮຽກຮ້ອງມາຍັງຄະນະຮັບຜິດຊອບຈົ່ງພ້ອມພາກັນນຳເອົາ ບົດຮຽນທີ່ຝຶກໃນຄັ້ງນີ້ໄປຈັດຕັ້ງປະຕິບັດຢູ່ຮາກຖານ, ໜ່ວຍ, ໂຮງຮຽນທີ່ຕົນຮັບຜິດຊອບໃຫ້ໄດ້ຮັບຜົນດີຍິ່ງໆ ຂຶ້ນ.

                                         ຂ່າວ: ວິໄລພອນ ສີວິໄຊ; ນັກຂ່າວຊາວໜຸ່ມບໍລິຄຳໄຊ

                                                                          020 55653639