img_0311 img_0350

img_0357img_0348

ເມືອງ ສີໂຄດຕະບອງ ໄດ້ຮັບນາມມະຍົດເປັນຄະນະຊາວໜຸ່ມ ປປລ ເມືອງ 4 ບຸກ.

      ເພື່ອປະຕິບັດຕາມມະຕິກອງປະຊຸມໃຫຍ່ ຄັ້ງທີ VII ຂອງຜູ້ແທນຊາວໜຸ່ມທົ່ວປະເທດ ກໍ່ຄືມະຕິກອງ ປະຊຸມ ໃຫຍ່ ຄັ້ງທີ VII ຂອງຜູ້ແທນຊາວໜຸ່ມທົ່ວນະຄອນຫຼວງວຽງຈັນ ວ່າດ້ວຍການຈັດຕັ້ງປະຕິບັດເນື້ອ ໃນຂໍ້ແຂ່ງຂັນ 4 ບຸກ ໃຫ້ປະກົດຜົນເປັນຈິງ  ໃນຕອນເຊົ້າຂອງວັນທີ 23 ຕຸລາ 2015 ທີ່ຜ່ານມາ ຄະນະຊາວໜຸ່ມ ປປລ ເມືອງ ສີໂຄດຕະບອງ, ນະຄອນຫຼວງວຽງຈັນ ໄດ້ປະກາດເປັນເມືອງຊາວໜຸ່ມ 4 ບຸກ,  ເຊິ່ງພິທີປະກາດນາມມະຍົດດັ່ງ ກ່າວ ແມ່ນໄດ້ຈັດຂຶ້ນຢູ່ທີ່ສະໂມສອນ ເມືອງສີໂຄດຕະບອງ, ໃຫ້ກຽດເຂົ້າ ຮ່ວມຂອງສະຫາຍ ນ. ພູວຽງ ແກ້ວວົງ ວິຈິດ ກຳມະການພັກນະຄອນຫຼວງວຽງຈັນ – ເຈົ້າເມືອງ ສີໂຄດຕະບອງ,  ສະຫາຍ ບຸນທັນ ພົມສັກສິດຄະນະບໍລິ ຫານງານສູນກາງຊາວໜຸ່ມ ປະຊາຊົນປະຕິວັດລາວ ຫົວໜ້າກົມກວດກາ ສູນກາງຊາວໜຸ່ມປະຊາຊົນ ປະຕິວັດ ລາວ, ສະຫາຍ ນ. ສຸມາລີ ທຳມະວົງ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ, ພ້ອມ ດ້ວຍຄະນະບໍລິຫານງານຊາວໜຸ່ມເມືອງ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

    ໃນພິທີສະຫາຍ ທົງ ຫົດທິລາດ ກໍາມະການພັກເມືອງ, ເລຂາຄະນະບໍລິຫານງານຊາວໜຸ່ມ ປປລ ເມືອງ ສີໂຄດຕະບອງ ກໍ່ໄດ້ຂື້ນຜ່ານລາຍງານການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ແລະ ວາງແຜນ ການທິດ ທາງໃນຕໍ່ໜ້າເຊິ່ງສະຫາຍກໍ່ໄດ້ລາຍງານໃຫ້ເຫັນການເຄື່ອນໄຫວຂອງຄະນະຊາວໜຸ່ມເມືອງໃນໄລຍະທີ່ຜ່ານມາ ມີບັນດາຈຸດດີ, ຈຸດອ່ອນ ແລະ ຂໍ້ຄົງຄ້າງ, ໃນໄລຍະຜ່ານມາຄະນະຊາວໜຸ່ມ ປປລ ເມືອງສີໂຄດຕະບອງ, ນະຄອນຫຼວງວຽງຈັນ ຍາມໃດກໍ່ໄດ້ເອົາໃຈໃສ່ສຶກສາອົບຮົມການເມືອງ – ແນວຄິດໃຫ້ຊາວໜຸ່ມ – ໄວໜຸ່ມພາຍ ໃນເມືອງໃຫ້ເຂົ້າໃຈສະພາບການປ່ຽນແປງຂອງໂລກເວົ້າລວມ, ເວົ້າສະເພາະ ກົດໝາຍຂອງລັດ ມູນເຊື້ອ ຂອງຊາດ ຕິດພັນກັບຂະບວກການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມ ເພື່ອສ້າງເງື່ອນໄຂໃຫ້ສະມາ ຊິກຊາວໜຸ່ມທຸກສະຫາຍ ໃຫ້ໄດ້ຮັບການສຶກສາອົບຮົບບົ່ມສອນທາງດ້ານການເມືອງ – ແນວຄິດຢ່າງເປັນປະຈຳ ເຮັດໃຫ້ບັນດາສະມາຊິກຊາວໜຸ່ມ ມີທັດສະນະຫຼັກໝັ້ນການເມືອງໝັກແໜ້ນ, ມີຄວາມຈົ່ງຮັກພັກດີ ແລະ ເຊື່ອໝັ້ນຕໍ່ແນວທາງນະໂຍບາຍຂອງພັກ ຍາມໃດກໍ່ມີສະຕິຕໍ່ການຈັດຕັ້ງລະບຽບວິໃນຢ່າງເຂັ້ມງວດ ມີແນວຄິດ ອຸ່ນອຽງທຸ່ນທ່ຽງຕໍ່ການນຳພາຂອງລັດ, ເຊິ່ງໃນໄລຍະຜ່ານມາທົ່ວເມືອງສີໂຄດຕະບອງ ສາມາດຮັບມະຫາ ຊົນກ້າວໜ້າ ແລະ ເລື່ອນສະມາຊິກເຍົາວະຊົນເຂົ້າໃນການຈັດຕັ້ງຊາວໜຸ່ມ ປປລ ໄດ້ທັງໝົດ 2,865  ສະຫາຍ, ຍິງ 1,735 ສະຫາຍ ເທົ່າກັບ 43, 05%,  ພ້ອມນັ້ນກໍ່ໄດ້ຄັດເລືອກເອົາສະມາຊິກຊາວໜຸ່ມຜູ້ທີ່ມີຜົນງານດີເດັ່ນ ແລະ ຫ້າວຫັນກ້າວໜ້າ ສະເໜີເຂົ້າໃນອົງການຈັດຕັ້ງພັກ ປປລ ຈຳນວນ 17 ສະຫາຍ, ຍິງ 05 ສະຫາຍ, ຜ່ານການກວດກາໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມໃນໄລຍະຜ່ານມາສາມາດຕີລາຄາໄດ້ ດ້ານແນວຄິດການເມືອງໄດ້ 86,50% ດ້ານການຝຶກຝົນຫຼໍ່ຫຼອມຕົນເອງໄດ້ 87, 10%  ດ້ານການຈັດຕັ້ງ 83, 50% ດ້ານການສ້າງວິຊາຊີບ ແລະ ສ້າງວຽກເຮັດງານທຳ 86, 50% ສາມາດຈັດໄດ້ປະເພດແຂງ.

       ໃນໂອກາດດັ່ງກ່າວສະຫາຍ ບຸນທັນ ພົມສັກສິດ ຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດ ລາວ ຫົວໜ້າກົມກວດກາ ສູນກາງຊາວໜຸ່ມປະຊາຊົນປະຕິວັດລາວ ກໍ່ໄດ້ມີຄຳເຫັນເພື່ອເປັນການຊີ້ທິດ ເຍືອງທາງໃຫ້ແກ່ຄະນະຊາວໜຸ່ມເມືອງສີໂຄດຕະບອງ, ໂດຍເນັ້ນໜັກໃຫ້ຄະນະຊາວໜຸ່ມແຕ່ລະຂັ້ນຈົ່ງສືບຕໍ່ ເຄື່ອນໄຫວຈັດຕັ້ງເຜີຍແຜ່ແນວທາງນະໂຍບາຍຂອງພັກ, ມູນເຊື້ອປະຫວັດສາດຂອງຊາດ, ມູນເຊື້ອຂອງຄະນະ ຊາວໜຸ່ມ ປປລ, ປັບປຸງການຈັດຕັ້ງ ຄຊປປລ ໃຫ້ໜັກແໜ້ນເຂັ້ມແຂງ, ເຮັດວຽກຕາມຫຼັກການລວມສູນປະ ຊາທິປະໄຕ, ຊຸກຍູ້ການຈັດຕັ້ງປະຕິບັດຂໍ້ແຂ່ງ ຂັນ 4 ບຸກ , ພ້ອມນັ້ນ ສະຫາຍກໍ່ຍັງຮຽກຮ້ອງມາຍັງຄະນະພັກ, ອຳ ນາດການປົກຄອງ ແລະ ການຈັດຕັ້ງສັງຄົມໃນທົ່ວເມືອງສີໂຄດຕະບອງ ຈົ່ງສືບຕໍ່ສະໜັບສະໜູນແກ່ຄະນະຊາວ ໜຸ່ມໃນແຕ່ລະຂົງເຂດໃຫ້ສາມາດປະຕິບັດຕາມພະລະບົດບາດຂອງຕົນໃຫ້ມີຄວາມເຂັ້ມແຂງໃນແຕ່ລະ ດ້ານ.

                                                                                                        ຂຽນໂດຍ: ວຽງໄຊ ນວນທະວົງ

 ບັນນາທິການ: ນ. ສຸມາລີ ທຳມະວົງ