img_0045img_0020-copy

img_0019img_0039

ພິທີປະກາດ ຄະນະຊາວໜຸ່ມ ປປລ ເມືອງຈັນທະບູລີເປັນເມືອງ 4 ບຸກ.

            ຄະນະບໍລິຫານງານຊາວໜຸ່ມ ປປລ ເມືອງຈັນທະບູລີ, ນະຄອນຫຼວງວຽງຈັນ ໄດຈັດພິທີປະກາດຄຊປປລ ເມືອງຈັນທະບູລີ ເປັນເມືອງ 4 ບຸກ ເຊິ່ງເປັນເມືອງທຳອິດໃນນະຄອນຫຼວງວຽງຈັນ ຂຶ້ນຢ່າງເປັນທາງການໃນວັນທີ 6 ສິງຫາ 2015 ທີ່ຜ່ານມາ ຢູ່ທີ່ຫ້ອງວ່າການປົກຄອງເມືອງຈັນທະບູລີ, ໂດຍເປັນປະທານ ຂອງສະຫາຍ ດຣ ຄຳຜາ ພິມມະສອນ ຮອງເລຂາຄະນະບໍລິຫານງານສູນກາງຊາວໜຸ່ມ ປປລ,  ສະຫາຍ ບຸນຕາ ເທບພະວົງ ເລຂາຄະນະ ບໍລິຫານງານຊາວໜຸ່ມ ປະຊາຊົນປະຕິວັດລາວ ນະຄອນຫຼວງວຽງຈັນ, ສະຫາຍ ນ. ບົວລອນ ວົງດາລາແສນ ເລຂາພັກເມືອງ ເຈົ້າເມືອງຈັນທະບູລີ, ມີບັນຄະນະບໍລິຫານງານຊາວໜຸ່ມເມືອງ  ແລະ ແຂກຖືກເຊີນເຂົ້າ ຮ່ວມຢ່າງພ້ອມພຽງ.

        ກອງປະຊຸມໄດ້ຮັບຟັງບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ  ຈາກສະຫາຍ ທອງຄູນ ສີອຸດົມ ເລຂາຄະນະບໍລິຫານງານຊາວໜຸ່ມ ປປລ ເມືອງຈັນທະບູລີ, ນະຄອນຫຼວງວຽງຈັນ ໄດ້ລາຍງານໃຫ້ເຫັນໃນ ການເຄື່ອນໄຫວຜົນງານຂອງຄະນະຊາວໜຸ່ມເມືອງໃນໄລຍະຜ່ານມາ ມີບັນດາຈຸດດີ, ຈຸດອ່ອນ ແລະ ຂໍ້ຄົງຄ້າງ,  ໃນໄລຍະທີ່ຜ່ານມາຄະນະຊາວໜຸ່ມ ປປລ ເມືອງຈັນທະບູລີ, ນະຄອນຫຼວງວຽງຈັນ ຍາມໃດກໍ່ໄດ້ເອົາໃຈໃສ່ສຶກສາອົບຮົມການເມືອງ – ແນວຄິດໃຫ້ຊາວໜຸ່ມໄວໜຸ່ມ ພາຍໃນເມືອງ ໃຫ້ເຂົ້າໃຈສະພາບການ ປ່ຽນແປງ ໃໝ່ຂອງໂລກເວົ້າລວມ, ເວົ້າສະເພາະກົດໝາຍຂອງລັດ ມູນເຊື້ອຂອງຊາດພ້ອມ ຕິດພັນກັບຂະ ບວນການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມ ເພື່ອສ້າງເງື່ອນໄຂໃຫ້ສະມາຊິກຊາວໜຸ່ມທຸກ ສະຫາຍ ໃຫ້ໄດ້ຮັບການສຶກສາອົບຮົມບົ່ມສອນທາງດ້ານການເມືອງ – ແນວຄິດຢ່າງເປັນປະຈຳເຮັດໃຫ້ບັນ ດາສະມາ ຊິກມີທັດສະນະຫຼັກໝັ້ນການເມືອງໜັກແໜ້ນດີມີຄວາມຈົ່ງຮັກພັກດີ ແລະ ເຊື່ອໝັ້ນຕໍ່ແນວທາງ ນະໂຍບາຍ ຂອງພັກຍາມໃດກໍ່ມີສະຕິຕໍ່ການຈັກຕັ້ງລະບຽບວິໃນຢ່າງເຂັ້ມງວດ ມີແນວຄິດອຸ່ນອ່ຽງທຸ່ນທ່ຽງຕໍ່ ການນຳພາ ຂອງລັດ,  ໃນທົ່ວເມືອງຈັນທະບູລີ ມີຜູ້ເກນອາຍຸແຕ່ 15 – 35 ປີ ມີທັງໝົດ 24,178 ສະຫາຍ, ຍິງ 12, 538 ສະຫາຍ ກວມເອົາ 19, 63% ຂອງພົນລະເມືອງທັງໝົດ, ເປັນສະມາຊິກຊາວໜຸ່ມ ປປລ 3,926 ສະຫາຍ, ຍິງ 1,955 ສະຫາຍ ກວມເອົາ 16,24% ຂອງເກນອາຍຸໄວໜຸ່ມທົ່ວເມືອງຈັນທະບູລີ, ຜ່ານການກວດກາໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມໃນໄລຍະຜ່ານມາ­ສາມາດຕີລາຄາໄດ້ດ້າ­ນແ­ນວຄິດ ການເມືອງ 82,72%, ດ້າ­ນການ­ຝຶກຝົ­ນຫຼໍ່ຫຼອມຕົ­ນເອງ 82,57%, ດ້ານ­ການ­ຈັດຕັ້ງ 82,43%, ດ້າ­ນກາ­ນ ສ້າງວິຊາຊີບ ແລະ ວຽກເຮັດງາ­ນທຳໄດ້ 83,03% ສາມາດຈັດປະເພດໄດ້ປະເພດແຂງ.  ໃນ­ພິທີດັ່ງກ່າວ ຈື່ງໄດ້ມີການ­ມອບໃບຢັ້ງຢືນ­ເມືອງຊາວໜຸ່ມ 4 ບຸກ ໃຫ້ແກ່ເມືອງດັ່ງກ່າວຕາມຂໍ້ຕົກລົງຂອງຄະນະບໍລິຫານງານ ສູນກາງຊາວໜຸ່ມ ປປລ ເລກທີ 587/ລຂ,ລົງວັນທີ 15/7/2015 ໃຫ້ກຽດມອບໂດຍ    ສະຫາຍ  ດຣ ຄຳຜາ ພິມມະສອນ ຮອງເລຂາຄະນະບໍລິຫານງານສູນກາງຊາວໜຸ່ມ ປປລ.

    ຕອນທ້າຍກອງປະຊຸມຍັງໄດ້ຮັບຟັງການໂອ້ລົມ ຈາກສະຫາຍ ສະຫາຍ  ດຣ ຄຳຜາ ພິມມະສອນ ຮອງເລຂາຄະນະບໍລິຫານງານສູນກາງຊາວໜຸ່ມ ປປລ ເຊິ່ງທ່າ­ນໄດ້ຍ້ອງຍໍຊົມເຊີຍຕໍ່ບັ­ນດາຄະນ­ະ ແລະ ສະມາ ຊິກຊາວໜຸ່ມໃນທົ່ວເມືອງ ທີ່ໄດ້ເອົາໃຈໃສ່ໃນການຈັດຕັ້ງປະຕິບັດຂໍ້ແຂ່ງຂັນຕ່າງໆໃຫ້ພົ້­ນເດັ່ນ­ ແລະ ມີຜົນ­ສຳເລັດ ໂດຍສະເພາະຂໍ້ແຂ່ງຂັນ 4 ບຸກຂອງຊາວໜຸ່ມ. ພ້ອມ­ນັ້ນ, ຍັງໄດ້ຊ້ີ­ນຳສະມາຊິກຊາວໜຸ່ມຈົ່ງສືບຕໍ່ສຶກສາອົບຮົມແນວຄິດ ໃຫ້ສາມະຊິກຊາວໜຸ່ມຈົ່ງເປັນກອງກຳລັງແກ່ນສານ, ເປັນກອງປະຈັນບານໃຫ້ກຳລັງຊາວໜຸ່ມໃນທົ່ວເມືອງ ໃນການປະຕິບັດໜ້າທີ່ວຽກງານວິຊາສະເພາະ ໃຫ້ສຳເລັດຕາມລະດັບຄາດໝາຍທີ່ວາງໄວ້ ເພື່ອເຮັດໃຫ້ນະຄອນ ຫຼວງວຽງຈັນ ເວົ້າລວມ, ເວົ້າສະເພາະເມືອງຈັນທະບູລີ ໃຫ້ປາສະຈາກປະກົດການຫຍໍ້ທໍ້ຕ່າງໆ ທີ່ເກິດຂຶ້ນໃນສັງ ຄົມໃຫ້ຫຼຸດໜ້ອຍເທື່ອລະກ້າວ.

                                                                                           ຂຽນໂດຍ: ວຽງໄຊ ນວນທະວົງ

                                                                                           ບັນນາທິການ: ນາງ ສຸມາລີ ທຳມະວົງ