img_4644img_4661

img_4752img_4672

img_4674img_4692

ຄະນະບໍລິຫານງານຊາວໜຸ່ມໜຸ່ມ ປປລ ນະຄອນຫຼວງວຽງຈັນ ເອົາໃຈໃສ່ຂະຫຍາຍສະມາຊິກຊາວໜຸ່ມ ປປລ ໃນທົ່ວນະຄອນຫຼວງວຽງຈັນ ປະຈຳປີ 2015.

    ໃນວັນທີ 12 ທັນວາ 2015 ຜ່ານມານີ້ ຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນໄດ້ຈັດພິທີຮັບມະຫາຊົນຜູ້ກ້າວໜ້າ ແລະ ເລື່ອນສະມາຊິກເຍົາວະຊົນທັນວາ ທີ່ພົ້ນກະສຽນເຂົ້າເປັນສະມາຊິກຊາວໜຸ່ມ ປະຊາຊົນປະຕິວັດລາວ ປະຈຳປີ 2015 ເຊິ່ງພິທີດັ່ງກ່າວໄດ້ມີຂື້ນຢູ່ທີ່ ຫໍພິພິທະພັນ ປະທານ ໄກສອນ ພົມວິຫານ  ໂດຍມີສະຫາຍ ບຸນຕາ ເທນພະວົງ ເລຂາຄະນະບໍລິຫານງານຊາວໜຸ່ມ ປປລ       ນະຄອນຫຼວງວຽງຈັນ ສະຫາຍ ດຣ ຄຳຜາ ພິມມະສອນ ຮອງເລຂາຄະນະບໍລິຫານງານສູນກາງຊາວໜຸ່ມ ປປລ  ພ້ອມດ້ວຍການນຳຊາວໜຸ່ມອ້ອມຂ້າງນະຄອນຫຼວງວຽງຈັນ ຄະນະຊາວໜຸ່ມຮາກຖານ ຕະຫຼອດຮອດຄູ ແລະ ນ້ອງນັກຮຽນຊາວໜຸ່ມ – ໄວໜຸ່ມເຂົ້າຮ່ວມຫຼາຍກວ່າ 6 ພັນກວ່ານ້ອງ ເຊິ່ງມາຈາກບັນດາເມືອງໃນທົ່ວນະຄອນຫຼວງວຽງຈັນ ເມືອງ ຈັນທະບູລີ, ເມືອງ ສີສັດຕະນາກ, ເມືອງ ໄຊທານີ, ເມືອງ ສີໂຄດຕະບອງ, ເມືອງ ໄຊເສດຖາ, ເມືອງ ຫາດຊາຍຟອງ ແລະ ເມືອງ ນາຊາຍທອງ ແລະ ສອງໂຮງຮຽນເອກະລາດລວມທັງໝົດມີ ຈຳນວນ 6060 ນ້ອງ.

     ສະຫາຍ ບຸນຕາ ເທບພະວົງ ເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ໄດ້ກ່າວວ່າ: ພິທີເລື່ອນເຍົາວະຊົນ ແລະ ຮັບມະຫາຊົນກ້າວໜ້າຂື້ນເປັນສະມາຊິກຊາວໜຸ່ມ ປປລ ໃໝ່ໃນຄັ້ງນີ້ ແມ່ນໄດ້ຈັດຂື້ນຢູ່ສະຖານທີ່ ທີ່ມີຄວາມໝາຍຄວາມສຳຄັນ ທີ່ໄດ້ຈັດຂື້ນຢູ່ຕໍ່ໜ້າຮູບຫຼໍ່ປະທານ ໄກສອນ ພົມວິຫານ ເພື່ອເປັນການສ້າງຂະບວນການຮອບດ້ານຕ້ອນຮັບສອງວັນສຳຄັນຂອງພັກ – ລັດ ຄືວັນຊາດທີ 2 ທັນວາຄົບຮອບ 40 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານຄົບຮອບ 95 ປີ ພິເສດແມ່ນການສ້າງຂະບວນການຕ້ອນຮັບກອງປະຊຸມໃຫຍ່ຄັ້ງທີ VII ຜູ້ແທນຊາວໜຸ່ມທົ່ວປະເທດ, ເພື່ອໃຫ້ສະມາຊິກຊາວໜຸ່ມໃໝ່່ໄດ້ຍົກສູງສະຕິນ້ຳໃຈຮັກຊາດ, ຮັກທ່ານຜູ້ນຳ, ຮັກບ້ານເກີດເມືອງນອນເປັນຜູ້ສືບທອດທີ່ຈົ່ງຮັກພັກດີ ເປັນກະດູກສັນຫຼັງຂອງຊາດຢ່າງແທ້ຈິງ ທັງເປັນການຂະຫຍາຍ ແລະ ປັບປຸງການ ຈັດຕັ້ງຊາວໜຸ່ມໃຫ້ໜັກແໜ້ນເຂັ້ມແຂງທາງດ້ານປະລິມານ ແລະ ຄຸນນະພາບໃຫ້ດີຂຶ້ນເປັນກ້າວໆ..

                                                                                           ຂຽນໂດຍ: ວຽງໄຊ ນວນທະວົງ

                                                                                           ບັນນາທິການ: ນາງ ສຸມາລີ ທຳມະວົງ