img_0192img_0193img_0208

ຊາວໜຸ່ມລັດວິສາຫະກິດ ນ້ຳປະປາ ນະຄອນຫຼວງວຽງຈັນ ໄດ້ຮັບນາມມະຍົດ

4 ບຸກ 3 ປີລຽນຕິດ.

         ໃນວັນທີ 10 ມິຖຸນາ 2016 ທີ່ຜ່ານມາ ໜ່ວຍຮາກຖານຊາວໜຸ່ມ ປປລ  ລັດວິສາຫະກິດ ນ້ຳປະປາ ນະຄອນຫຼວງວຽງຈັນ ໄດ້ຈັດພິທີປະກາດເປັນໜ່ວຍຊາວໜຸ່ມ 4 ບຸກ ເປັນຄັ້ງທີ III ຂື້ນຢ່າງເປັນທາງການ ຢູ່ທີ່ສູນຝຶກອົບຮົມ ລັດວິສາຫະກິດນ້ຳປະປາ ນະຄອນຫຼວງວຽງຈັນ, ພາຍໄຕ້ການເປັນປະທານ ຂອງສະຫາຍ ພອນວິໄລ ທາວົງ ເລຂາຄະນະບໍລິຫານງານຊາວໜຸ່ມ ປປລ ລັດວິສາຫະກິດນ້ຳປະປາ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງສະຫາຍ ວຽງທວາຍ ວັນນະລາດ, ຄະນະພັກຮາກຖານ ຮອງຫົວໜ້າລັດວິສາຫະ ກິດນ້ຳປະປາ ນະຄອນຫຼວງວຽງຈັນ, ສະຫາຍ ຫຸມແພງ ສີສົມບັດ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ, ມີສະມາຊິກຊາວໜຸ່ມ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

     ໃນພິທີດັ່ງກ່າວສະຫາຍ ພອນວິໄລ ທາວົງ ເລຂາຄະນະບໍລິຫານງານຊາວໜຸ່ມ ປປລ ລັດວິສາຫະກິດນ້ຳປະປາ ນະຄອນຫຼວງວຽງຈັນ ກໍ່ໄດ້ຮັບກຽດຂື້ນຜ່ານບົດສະຫຼຸບ ເພື່ອສັງເກດຕີລາຄາຄືນການຈັດຕັ້ງປະຕິບັດ ຕາມແຜນການສ້າງໜ່ວຍຊາວໜຸ່ມ 4 ບຸກ ໃນໄລຍະ 1 ປີ ຜ່ານມາ ຜ່ານການປະເມີນຜົນຕົວຈິງສົມທຽບກັບ ມາດຖານໃນແຕ່ລະດ້ານສາມາດປະຕິບັດໄດ້ຄື: ດ້ານແນວຄິດ ບຸກໄດ້ 95%, ດ້ານການຝຶກຝົນຫຼໍ່ຫຼອມຕົນ ເອງໄດ້ 95%, ດ້ານການຈັດຕັ້ງໄດ້ 95%, ດ້ານການສ້າງວິຊາຊິບ ແລະ ສ້າງວຽກເຮັດງານທຳໄດ້ 95%. ຕໍ່ຜົນຂອງການປະເມີນ ໃນແຕ່ລະດ້ານນັ້ນເຫັນວ່າ ໜ່ວຍປະຕິບັດໄດ້ລື່ນຄາດໜາຍ ທີ່ແຜນການໄດ້ວາງໄວ້   ຈິ່ງໄດ້ປະກາດມອບນາມມະຍົດ ເປັນໜ່ວຍຊາວໜຸ່ມຕົວແບບຕາມເນື້ອໃນຂໍ້ແຂ່ງຂັນ 4 ບຸກ, ຕາມຂໍ້ຕົກລົງ ສະບັບເລກທີ 605/ຄຊປປລ.ນວ ລົງວັນທີ 21/04/2016.

       ນອກນັ້ນ, ຄະນະໜ່ວຍຍັງໄດ້ເອົາໃຈໃສ່ ໃນການປັບປຸງກົງຈັກການຈັດຕັ້ງ ເຊິ່ງປະຈຸບັນມີສະມາຊິກຊາວ ໜຸ່ມ ປປ ລ ຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2015 ມີຈຳນວນ 349 ສະຫາຍ, ຍິງ 107 ສະຫາຍ, ພ້ອມນັ້ນ, ວຽກງານຂະບວນການຄະນະໜ່ວຍຍັງ ໄດ້ເອົາໃຈໃສ່ຊີ້ນຳ – ນຳພາ ສະມາຊິກເຂົ້າຮ່ວມທຸກຂະບວນການເຄື່ອນໄຫວຕ່າງໆຂອງຊາວໜຸ່ມຢ່າງຟົດຟື້ນໂດຍຕິດພັນກັບຂະບວນການແຂ່ງຂັນ ຮັກຊາດ ແລະ ພັດທະນາ ຢ່າງເປັນຂະບວນ.

                                                                            ຂຽນໂດຍ: ວຽງໄຊ ນວນທະວົງ

 ບັນນາທິການໂດຍ: ອານຸສອນ ວົງຄຳສອນ