img_2075 img_2081

ຄະນະຊາວໜຸ່ມ ປປລ ເມືອງສັງທອງໄດ້ຮັບນາມມະຍົດເປັນເມືອງ 4 ບຸກ

       ຄະນະບໍລິຫານງານຊາວໜຸ່ມ ປປລ ເມືອງສັງທອງ, ນະຄອນຫຼວງວຽງຈັນ ໄດ້ຈັດພິທີປະກາດ ຄຊປປລ ເມືອງສັງທອງ ເປັນເມືອງ 4 ບຸກ ເຊິ່ງເປັນເມືອງທີ V ຂອງນະຄອນຫຼວງວຽງຈັນ, ໃນວັນທີ 18 ສິງຫາ 2016 ທີ່ ຜ່ານມາ ຢູ່ທີ່ຫ້ອງວ່າການປົກຄອງເມືອງສັງທອງ, ໂດຍເປັນປະທານຂອງສະຫາຍ ໄອສູນ ສະພັງທອງ ເລຂາ ຄະນະບໍລິຫານງານຊາວໜຸ່ມ ປປລ ເມືອງສັງທອງ, ສະຫາຍ ພົງສະຫວັນ ສີລິພັນ ຮອງເຈົ້າເມືອງສັງທອງ, ສະຫາຍ ນ. ສຸມາລີ ທຳມະວົງ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ, ມີບັນດາຄະ ນະບໍລິຫານງານຊາວໜຸ່ມເມືອງສະມາຊິກຊາວໜຸ່ມ ແລະ ແຂກຖຶກເຊີນເຂົ້າຮ່ວມຢ່າງພ້ອມພຽງ.

       ໃນກອງປະຊຸມຍັງໄດ້ຮັບຟັງບົດສະຫຼຸບການກວດກາການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈຳປີ 2015 ແລະ ທິດທາງແຜນການປີ 2016 ຈາກສະຫາຍ ໄອສູນ ສະພັງທອງ ເລຂາຄະນະບໍລິຫານງານຊາວໜຸ່ມ ປປລ ເມືອງສັງທອງ, ນະຄອນຫຼວງວຽງຈັນ ໄດ້ລາຍງານໃຫ້ເຫັນໃນການເຄື່ອນໄຫວຜົນງານຂອງຄະນະຊາວໜຸ່ມເມືອງ ໃນໄລຍະຜ່ານມາ ມີບັນດາຈຸດດີ, ຈຸດອ່ອນ ແລະ ຂໍ້ຄົງຄ້າງ  ໃນໄລຍະທີ່ຜ່ານມາຄະນະຊາວໜຸ່ມ ປປລ ເມືອງສັງ ທອງ, ນະຄອນຫຼວງວຽງຈັນ ຍາມໃດກໍ່ໄດ້ເອົາໃຈໃສ່ສຶກສາອົບຮົມບົ່ມສອນການເມືອ, ແນວຄິດ

ໃຫ້ຊາວໜຸ່ມໄວໜຸ່ມພາຍໃນເມືອງ ໃຫ້ເຂົ້າໃຈສະພາບປ່ຽນແປງໃໝ່ຂອງໂລກເວົ້າລວມ, ເວົ້າສະເພາະແມ່ນກົດ ໝາຍຂອງລັດ ມູນເຊື້ອຂອງຊາດ ພ້ອມຕິດພັນກັບຂະບວນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວ ໜຸ່ມ ເພື່ອສ້າງເງື່ອນໄຂໃຫ້ສະມາຊິກຊາວໜຸ່ມທຸກສະຫາຍ ໃຫ້ໄດ້ຮັບການສຶກສາອົບຮົມບົ່ມສອນທາງດ້ານການ ເມືອງ, ແນວຄິດຢ່າງເປັນປົກກະຕິ ເຮັດໃຫ້ບັນດາສະມາຊິກມີທັດສະນະຫຼັກໝັ້ນການເມືອງໜັກແໜ້ນດີ, ມີ ຄວາມຈົ່ງຮັກພັກດີ ແລະ ເຊື່ອໝັ້ນຕໍ່ແນວທາງນະໂຍບາຍຂອງພັກ ຍາມໃດກໍ່ມີສະຕິຕໍ່ການຈັດຕັ້ງລະບຽບວິໃນ ຢ່າງເຂັ້ມງວດ  ມີແນວຄິດອຸ່ນອ່ຽງທຸ່ນທ່ຽງຕໍ່ການນຳພາຂອງລັດ, ໃນທົ່ວເມືອງສັງທອງມີຜູ້ເກນໄວໜຸ່ມອາຍຸ ແຕ່ 15 ຫາ 35 ປີ ມີທັງໝົດ 3.614 ສະຫາຍ, ຍິງ 1.592 ສະຫາຍ ກວມເອົາ 11 % ໃນນັ້ນມີສະມາຊິກຊາວໜຸ່ມ ປປລ 1.432 ສະຫາຍ, ຍິງ 588 ສະຫາຍ ກວມເອົາ 39% ຂອງຂອງເກນອາຍຸໄວໜຸ່ມທົ່ວເມືອງ, ມີສະມາຊິກ ຊາວໜຸ່ມທີ່ເປັນຄອບຄົວຕົວແບບ ປະກອບອາຊີບທີ່ຖືກຕ້ອງຕາມລະບຽບກົດໝາຍ ເຊິ່ງເຮັັດໃຫ້ຊິວິດການ ເປັນຢູ່ຂອງຊາວໜຸ່ມດີຂຶ້ນເປັນກ້າວໆ ໃນນັ້ນ, ເດັ່ນກວ່າໜູ່ມແມ່ນມີ 6 ຄອບຄົວຄື: ຄອບຄົວສະຫາຍ ແສງແກ້ວ ຈັນທະວົງ ສະມາຊິກຊາວໜຸ່ມຫ້ອງການ-ການເງິນເມືອງ, ເຮັດທຸລະກິດ ຫວຍພັດທະນາ ລາຍຮັບ ສະເລ່ຍ 90.000.000 ກີບ/ປີ, ຄອບຄົວ ສະຫາຍ ເພັດສະໜອນ ສຸທຳມະວົງ ສະມາຊິກຊາວຸໜຸ່ມບ້ານ ໃຫຍ່ນາ ຈະເລີນ ເຮັດທຸລະກິດບໍລິການຂາຍນ້ຳກ້ອນ, ຂາຍເຄື່ອງຍ່ອຍ ລາຍໄດ້ສະເລ່ຍ 70. 000.000 ກີບ/ປີ,

ຄອບຄົວສະຫາຍ ສີທອງ ສະມາຊິກຊາວໜຸ່ມບ້ານ ນາຕານປູກເຂົ້າ ລາຍໄດ້ສະເລ່ຍ 60. 000. 000 ກີບ/ປີ, ຄອບ ຄົວສະຫາຍ ນ້ອມ ສະມາຊິກຊາວໜຸ່ມບ້ານ ສະນອດ ປູກຢາງພາລາ ລາຍໄດ້ສະເລ່ຍ 45. 000, 000 ກີບ/ປີ ແລະ ຄອບຄົວ ນ. ອອນ ຊາພິລາດ ສະມາຊິກຊາວໜຸ່ມ ຫ້ອງການຄະນະຈັດຕັ້ງເມືອງ ເຮັດກິດຈະກຳຕ່ຳຫູກລາຍໄດ້ ສະເລ່ຍ 25. 000ກ 000 ກີບ/ປີ, ຜ່ານການ ກວດກາໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມ ໃນໄລຍະຜ່ານມາ ສາມາດຕີລາຄາໄດ້ດ້ານແນວຄິດ 85,80%, ດ້ານການຝຶກຝົນຫຼໍ່ຫຼອມຮ່ຳຮຽນ 89,88%, ດ້ານ ການຈັດຕັ້ງ 86,28%, ດ້ານການສ້າງວິຊາຊີບ ແລະ ສ້າງວຽກເຮັດງານທຳ 88,65% ໃນພິທີດັ່ງກ່າວຈິ່ງໄດ້ມີ ການມອບໃບຢັ້ງຢືນຄະນະຊາວໜຸ່ມ ປະຊາຊົນປະຕິວັດລາວເມືອງ 4 ບຸກ ໃຫ້ແກ່ເມືອງດັ່ງກ່າວຕາມຂໍ້ຕົກລົງ ຂອງຄະນະບໍລິຫານງານ ສູນກາງຊາວໜຸ່ມ ປປລ ເລກທີ 316/ລຂ, ລົງວັນທີ 17/6/2016 ໃຫ້ກຽດມອບໂດຍ ສະຫາຍ ນ. ສຸມາລີ ທຳມະວົງ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ.

 ໂອກາດດຽວກັນສະຫາຍ ພົງສະຫວັນ ສີລິພັນ ຮອງເຈົ້າເມືອງສັງທອງ ໄດ້ເນັ້ນວ່າ: ການປະກາດຄະນະຊາວໜຸ່ມ ເມືອງສັງທອງ ເປັນເມືອງຊາວໜຸ່ມ 4 ບຸກ  ມັນແມ່ນຜົນສຳເລັດອັນໃຫຍ່ຫຼວງ, ມັນແມ່ນຄວາມຮັບ ຜິດຊອບ ໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນໜ້າທີ່ອັນໜັກໜ່ວງອັນໜຶ່ງ ເຊີ່ງມາຈາກບັນຫາທີ່ເຮົາປະສົບຢູ່ໃນ ຖັນແຖວຊາວໜຸ່ມ. ເພາະສະນັ້ນ,  ເພື່ອເປັນການສືບຕໍ່ຮັກສາມູນເຊື້ອນາມມະຍົດດັ່ງກ່າວຮຽກຮ້ອງມາຍັງອົງ ການຈັດຕັ້ງຊາວໜຸ່ມທຸກໆຂັ້ນໃຫ້ສືບຕໍ່ ແລະ ຕື່ນຕົວສ້າງໃຫ້ມີຄວາມກະຕຶລືລົ້ນຂຶ້ນຕື່ມເປັນຕົ້ນແມ່ນສະມາ ຊິກຊາວໜຸ່ມໃນແຕ່ລະຂັ້ນ ຕ້ອງໄດ້ອອກແຮງພັດທະນາຕົນເອງຢ່າງຮອບດ້ານ, ເພື່ອໃຫ້ຕອບສະໜອງໄດ້ໃນ ການພັດທະນາເມືອງສັງທອງ, ຕັ້ງໜ້າກໍ່ສ້າງອົງການຈັດຕັ້ງໃຫ້ມີຄວາມເຂັ້ມແຂງ, ເອົາໃຈໃສ່ສ້າງສະມາຊິກ ຊາວໜຸ່ມ-ໄວໜຸ່ມຢູ່ຂັ້ນຮາກຖານໃຫ້ມີຄຸນນະພາບ, ເປັນຕົວແບບທີ່ດີແກ່ຊາວໜຸ່ມທີ່ໃໝ່, ຂຶ້ນແຜນໃຫ້ຊາວ ໜຸ່ມມີກິດຈະກຳເຄື່ອນໃຫວໃຫ້ເປັນຂະບວນການ ເພື່ອໃຫ້ປະກົດການຫຍໍ້ທໍ້ຕ່າງໆທີ່ເກິດຂຶ້ນໃນສັງຄົມໃຫ້ຫຼຸດ ໜ້ອຍເທື່ອລະກ້າວ.

                                                                               ຂຽນໂດຍ: ວຽງໄຊນ ນວນທະວົງ

ບັນນາທິການ: ນ. ສຸມາລີທຳມະວົງ