img_7287img_7306img_7316

img_7362img_7364

ກິດຈະກຳຕັ້ງຄາຍເຍົາວະຊົນທັນວາ ທົ່ວເມືອງຫາດຊາຍຟອງ ປະຈຳ ປີ 2016.

    ເພື່ອເປັນການປູກຈິດສຳນຶກໃຫ້ແກ່ນ້ອງນ້ອຍເຍົາວະຊົນ ໃຫ້ຮູ້ເຖິງການດຳລົງຊີວິດຂອງອ້າຍນ້ອງທະຫານ ໂດຍຜ່ານການຕັ້ງຄ້າຍເປັນການເຕົ້າໂຮມຄວາມສາມັກຄີ ແລະ ໃຊ້ເວລາຫວ່າງໃຫ້ເກີດປະໂຫຍດ ສ້າງຄວາມ

ເຂັ້ມແຂງທາງດ້ານຈິດໃຈ ໃຫ້ຫ່າງໄກສິ່ງເສບຕິດ ຕິດພັນກັບການຮັກສາສິ່ງແວດລ້ອມ ປະຕິບັດຕາມ 3 ຂໍ້ແຂ່ງ ຂັນຂອງກະຊາວສຶກສາທິການ ແລະ ກິລາ 5 ຫຼັກມູນຂອງການສຶກສາ ຂໍ້ແຂ່ງຂັນເຍົາວະຊົນທັນວາ 3 ດີ 4 ຮູ້ 6 ຮັກ 3 ຊັງ ແລະ 6 ສ ຂອງນະຄອນຫຼວງວຽງຈັນ ເສີມສ້າງບັນຍາກາດໃນການຮຽນ – ການສອນ ໃຫ້ມີບັນຍາກາດ ຟົກຟື້ນມ່ວນຊື່ນ.

    ກິດຈະກໍາຕັ້ງຄ້າຍທີ່ສວນວັດທະນະທໍາຊຽງຄວນ, ເມືອງຫາດຊາຍຟອງ, ນະຄອນຫຼວງວຽງຈັນ ຈັດຂືຶ້ນໃນວັນທີ 25 ມີນາ 2016 ທີ່ຜ່ານມາ ໂດຍມີສະຫາຍ ແກ່ນ ວໍລະສານ ຮອງເລຂາພັກເມືອງ  ຮອງເຈົ້າ ເມືອງຫາດຊາຍຟອງ ສະຫາຍ ໄຊຍະບັດ ຊຸ່ມມະນີວົງ ຮອງເລຂາຄະ ນະບໍລິຫານງານຊາວໜຸ່ມ ປປ ລ ນະຄອນຫຼວງວຽງຈັນ ສະຫາຍ ສອນປະສິດ ສຸວັນນະເມືອງ ເລຂາຄະນະບໍລິຫານງານຊາວໜຸ່ມ ປປລ ເມືອງຫາດຊາຍຟອງ ພ້ອມດ້ອຍຄູ  ອາຈານ ແລະ ນ້ອງນັກຮຽນເຂົ້າຮ່ວມ.

   ກິດຈະກໍາພາຍໃນງານຄັ້ງນີ້ປະກອບມີ 10 ກິດຈະກຳ ການຕັ້ງຄ້າຍຂອງເຍົາວະຊົນ ການຖາມຕອບ ວິທະຍາ ສາດ, ການສະແດງສິນລະປະກິລາ ແລະ ຂະບວນການປູກຈິດສຳນຶກ ໃນການຮັກສາສິ່ງແວດ ລ້ອມພາຍໃນໂຮງ ຮຽນ ເຊິ່ງມີບັນດາໂຮງຮຽນປະຖົມ  ມັດທະຍົມພາກລັດ ແລະ ເອກະຊົນເຂົ້າຮ່ວມຈຳ ນວນ 50 ໂຮງຮຽນ ມີສະມາ ຊິກເຍົາວະຊົນຊາວໜຸ່ມເຂົ້າຮ່ວມທັງໝົດ 2.154 ນ້ອງ ເຊິ່ງແຕ່ລະກິດຈະ ກໍາໄດ້ສ້າງຄວາມເຂົ້າໃຈປະກອບ ສ່ວນເຂົ້າໃນກິດຈະກຳຕັ້ງຄ້າຍໃນຄັ້ງນີ້ໃຫ້ມີບັນຍາກາດຟົກຟື້ນ ແລະ ມີເນື້ອໃນຢ່າງເລິກເຊິ່ງ.

 

                                                                        ຂຽນໂດນ: ວຽງໄຊ ນວນທະວົງ

                                               ບັນນາທິການໂດຍ: ນ ສຸມາລີ ທຳມະວົງ