img_8117img_8111

ໜ່ວຍຊາວໜຸ່ມ, ໜ່ວຍແມ່ຍິງ ຫ້ອງການຄະນະບໍລິຫານງານຊາວໜຸ່ມແຂວງ

ເປີດກອງປະຊຸມໃຫ່ຄັ້ງທີ l

ໃນວັນທີ 16 ກັນຍາ 2016 ຜ່ານມານີ້ ກອງປະຊຸມໃຫ່ສອງອົງການຈັດຕັ້ງມະຫາຊົນ, ຫ້ອງການຄະນະບໍລິ ຫານງານຊາວໜຸ່ມແຂວງຄັ້ງທີ l ໄດ້ໄຂຂຶ້ນຢ່າງເປັນທາງການ, ຢູ່ທີ່ສູນພັດທະນາຊາວໜຸ່ມເຍົາວະຊົນແຂວງ ໂດຍເປັນປະທານຂອງທ່ານ ນາງ ກອງມະນີ ນັນເທພາ ປະທານໜ່ວຍແມ່ຍິງຫ້ອງການຄະນະບໍລິຫານງານ ຊາວ ໜຸ່ມແຂວງ, ເປັນກຽດເຂົ້າຮ່ວມກອງປະຊຸມດັ່ງກ່າວມີທ່ານ ນາງສົດທິດາ ທິບມູນຕາລີ ຮອງເລຂາຄະນະບໍລິ ຫານງານຊາວໜຸ່ມແຂວງ, ທ່ານ ນາງຄຳໃສ ທິບດາລາ ຮອງປະທານສະຫະພັນແມ່ຍິງແຂວງ, ມີບັນດາແຂກ ຖືກເຊີນມາຈາກພະແນກການ, ກົມກອງອ້ອມຂ້າງແຂວງພ້ອມດ້ວຍສະມາຊິກຊາວໜຸ່ມແມ່ຍິງ ຫ້ອງການ ຊາວໜຸ່ມແຂວງເຂົ້າຮ່ວມທັງໝົດ 32 ທ່ານ.

ກອງປະຊຸມໄດ້ຮັບຟັງບົດລາຍງານການເມືອງ ທັງສອງພາກ ຈາກທ່ານ ນາງ ກອງມະນີ ນັນເທພາ ປະທານ ໜ່ວຍແມ່ຍິງຫ້ອງການຄະນະບໍລິຫານງານຊາວໜຸ່ມແຂວງ ໃນໄລຍະ 3 ປີຜ່ານມາ ເຊິ່ງໄດ້ຕີລາການເຄື່ອນ ໄຫວຂອງຄະນະໜ່ວຍຂອງຕົນ, ຖືເອົາການສຶກສາອົບຮົມການເມືອງແນວຄິດ, ການປັບປຸງອົງການຈັດຕັ້ງ ໃຫ້ເຂັ້ມແຂງ, ແນໃສ່ປັບປຸງອົງການຈັດຕັ້ງມະຫາຊົນໃນໄລຍະໃໝ່ໃຫ້ມີຄຸນນະພາບ ໂດຍຖືເອົາເນື້ອໃນຂໍ້ແຂ່ງ ຂັນ 4 ບຸກ ຂອງຊາວໜຸ່ມ ແລະ ຂໍ້ແຂ່ງຂັນ 3 ດີ ຂອງແມ່ຍິງ ມາເປັນບ່ອນອີງໃນການປະຕິບັດວຽກງານ.

ປະຈຸບັນ ໜ່ວຍຊາວໜຸ່ມ, ໜ່ວຍແມ່ຍິງ ຫ້ອງການຄະນະບໍລິຫານງານຊາວໜຸ່ມແຂວງ ເປັນໜ່ວຍເອກະລາດ ເຄື່ອນໄຫວພາຍໃຕ້ການຊີ້ນຳໆພາ ຈາກຄະນະບໍລິຫານງານຊາວໜຸ່ມແຂວງ  ແລະ ສະຫະພັນແມ່ຍິງແຂວງ, ມີສະມາຊິກຊາວໜຸ່ມທັງໝົດ 12 ສະຫາຍ, ຍິງ 7 ສະຫາຍ. ສະມາຊິກຊາວໜຸ່ມແມ່ຍິງທຸກທ່ານໄດ້ສຸມໃສ່ ອອກແຮງແຂ່ງຂັນສ້າງຜົນງານ ເຂົ້າໃນວຽກງານວິຊາສະເພາະຂອງຕົນ ຄຽງຄູ່ກັບວຽກງານຂະບວນການຂອງ ຊາວໜຸ່ມ, ເປັນເສນາທິການໃຫ້ແກ່ຄະນະພັກ, ສຸມໃສ່ວຽກງານໃນແຕ່ລະດ້ານຂອງຊາວໜຸ່ມໃຫ້ສຳເລັດ, ເປັນ ແບບຢ່າງໃຫ້ແກ່ຊາວໜຸ່ມເຍົາວະຊົນໃນທົ່ວແຂວງ. ປະກອບສ່ວນສ້າງລາຍຮັບເຂົ້າຄັງຂອງໜ່ວຍ ເຊິ່ງໃນປະ ຈຸບັນໜ່ວຍຊາວໜຸ່ມ, ໜ່ວຍແມ່ຍິງຫ້ອງການຊາວໜຸ່ມແຂວງ ມີເງິນກອງທຶນຂອງໜ່ວຍທັງໝົດ 14.000.000 ີບ, ສາມາດຮັບຮອງເປັນໜ່ວຍຊາວໜຸ່ມ 4 ບຸກ ແລະ ໜ່ວຍແມ່ຍິງ 3 ດີໄດ້ ໃນສົກປີ 2016 ນີ້.