ພິທີເປີດບັ້ນແຂ່ງຂັນ 4 ບຸກ

img_7955

ຜົນສຳເລັດພິທີເປີດບັ້ນແຂ່ງຂັນ 4 ບຸກ ໄລຍະ 2 ຂອງໜ່ວຍຊາວໜຸ່ມ

ລັດວິສາຫະກິດລາວໂທລະຄົມ ສາຂາ ຊຽງຂວາງ

      ເພື່ອບັນລຸກແຜນການຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 4 ບຸກ ຂອງຄະນະບໍລິຫານງານຊາວ ໜຸ່ມແຂວງ ປະຕິບັດໃຫ້ໄດ້ຕາມຄາດໝາຍຂອງແຜນການຂອງແຕ່ລະຂົງເຂດ ໃນທົ່ວແຂວງໃຫ້ທົ່ວເຖິງ. ໃນວັນທີ 9 ກັນຍາ 2016 ຜ່ານມານີ້ ໜ່ວຍຊາວໜຸ່ມ ລັດວິສາຫະກິດລາວໂທລະຄົມ ສາຂາ ຊຽງຂວາງ ໄດ້ເປີດບັ້ນຂໍ້ແຂ່ງຂັນ 4 ບຸກ ໄລຍະ 2 ຂຶ້ນຢ່າງເປັນທາງການ, ຢູ່ທີ່ຫ້ອງປະຊຸມ ລັດວິສາຫາກິດ ລາວໂທລະຄົມແຂວງ ໂດຍເປັນປະທານ ຂອງ ທ່ານ ວຽງເພັດ ພັນທະລາວົງ ເລຂາໜ່ວຍຊາວໜຸ່ມ ລັດວິສາຫະກິດ ລາວໂທລະຄົມ, ເປັນກຽດເຂົ້າຮ່ວມກອງ ປະຊຸມໃນຄັ້ງນີ້ມີທ່ານ ເພັດສະໝອນ ດາວົງສອນ ຮອງ ເລຂາຄະນະບໍລິຫານງານຊາວໜຸ່ມແຂວງ, ມີ ທ່ານ ແກ້ວສົມຫັວງ ພັນທະລາ ເລຂາ ໜ່ວຍພັກ, ຜູ້ອຳນວຍການລັດວິສາຫະກິດລາວໂທລະຄົມ ສາຂາຊຽງຂວາງ, ມີຄະນະໜ່ວຍຊາວ ໜຸ່ມແຮກສ່ຽວ ພ້ອມດ້ວຍສະມາຊິກຊາວໜຸ່ມພາຍໃນໜ່ວຍເຂົ້າຮ່ວມທັງໝົດ 40 ກ່ວາ ສະຫາຍ.

      ໃນພິທີ ທ່ານ ວຽງເພັດ ພັນທະລາວົງ ເຂຂາໜ່ວຍຊາວໜຸ່ມ ໄດ້ຂຶ້ນຜ່ານບົດສະຫຼຸບລາຍງາຍຜົນ ການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນໄລຍະ 1 ປີ ຜ່ນມາ ພ້ອມທັງຜ່ານ ຂໍ້ຕົກລົງວ່າດ້ວຍການ ຮັບຮອງ ເອົາໜ່ວຍຊາວໜຸ່ມ ລັດວິສາຫະກິດລາວໂທລະຄົມ ສາຂາຊຽງຂວາງ ເປັນໜ່ວຍຊາວໜຸ່ມ ຕົວແບບ 4 ບຸກ ແລະ ຮັບໃບຢັ້ງຢືນຈາກ ຄະນະບໍລິຫານງານ ຊາວໜຸ່ມແຂວງ. ຈາກນັ້ນ ເພື່ອສືບຕໍ່ ຈັດຕັ້ງປະຕິບັດ ຂໍ່ແຂ່ງຂັນ 4 ບຸກໃນໄລຍະທີ່ 2 ຕໍ່ໄປ, ຄະນະໜ່ວຍໄດ້ຜ່ານ ແຜນການເປີດບັ້ນແຂ່ງຂັນ ແລະ ຜ່ານເນື້ອໃນໃຫ້ສະມາຊິກ ຊາວໜຸ່ມທຸກສະຫາຍພາຍໃນໜ່ວຍ ໄດ້ຮັບຮູ້, ເຂົ້າໃຈ ແລະ ສາມາດ ນຳເອົາເນື້ອໃນດັ່ງກ່າວໄປຈັດຕັ້ງປະຕິບັດ ພ້ອມທັງຈັບມືແຂ່ງຂັນຢັ້ງຢືນຕໍ່ກອງປະຊຸມ ໂດຍອີງໃສ່ແຜນ ການສ້າງ ໜ່ວຍຊາວໜຸ່ມຂອງຕົນໃຫ້ເປັນ ໜ່ວຍຊາວໜຸ່ມ 4 ບຸກຕົວແບບ ໃຫ້ເຂັ້ມແຂງຂຶ້ນເລື້ອຍໆ.

      ໃນຕອນທ້າຍ ກອງປະຊຸມໄດ້ຮັບຟັງຄຳໂອ້ລົມຈາກທ່ານ ເພັດສະໝອນ ດາວົງສອນ ຮອງ ເລຂາຄະນະບໍລິ ຫານງານຊາວໜຸ່ມແຂວງ, ເຊິ່ງທ່ານໄດ້ເນັ້ນໜັກໃຫ້ສະມາຊິກຊາວໜຸ່ມ ພາຍໃນໜ່ວຍລັດ ວິສາຫະກິດລາວ ໂທລະຄົມ ສາຂາຊຽງຂວາງ ຈົ່ງມີຄວາມກະຕືລືລົ້ນໃນການປະກອບສ່ວນເຂົ້າໃນໜ້າທີ່ ວຽກງານຂອງຕົນພ້ອມ ທັງສ້າງຂະບວນການໄປພ້ອມ ກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ຂອງ ຊາວໜຸ່ມ, ກຳແໜ້ນ ເນື້ອໃນຢ່າງລະອຽດຄົບຖ້ວນ, ເພື່ອໄປຈັດຕັ້ງປະຕິບັດໃຫ້ປະກົດຜົນເປັນຈິງ.