ກົມອົບຮົມຊາວໜຸ່ມ ສູນກາງ ຊປລ ຈັດພິທີເລົ່າມູນເຊື້ອຄວາມຜູກພັນລະຫວ່າງກອງທັບຊາວໜຸ່ມ

ພາຍໃຕ້ບັນຍາກາດທີ່ທົ່ວພັກ, ທົ່ວກອງທັບ, ທົ່ວປວງຊົນລາວທັງຊາດ ພວມເບີກບານມ່ວນຊືນ ສະເຫຼີມສະຫຼອງຜົນສໍາເລັດກອງປະຊຸມໃຫຍ່ ແລະ ພາຍໃຕ້ບັນຍາກາດທີ່ຊາວໜຸ່ມລາວບັນດາເຜົ່າພວມເບີກບານມ່ວນຊືນ ສ້ງຂະບວນການຢ່າງຟົດຟື້ນ ເພື່ອກະກຽມໃຫ້ແກ່ການສະເຫຼີມສະຫຼອງວັນສ້າງຕັ້ງພັກຄົບຮອບ 65 ປີ ແລະ ສ້າງຕັ້ງ ຄຊປປລ ຄົນຮອບ 65 ປີ.

   ໃນວັນທີ 6 ກຸມພາ 2020 ນີ້ ກົມອົບຮົມຊາວໜຸ່ມ ສູນກາງ ຊປລ ໄດ້ຈັດພິທີເລົ່າມູນເຊື້ອຄວາມຜູກພັນລະຫວ່າງກອງກັບຊາວໜຸ່ມຂຶ້ນ. ໂດຍການເປັນປະທານ ແລະ ເລົ່າມູນເຊື້ອດັ່ງກ່າວຂອງ ທ່ານ ພົຈວ ຄໍາຫອມ ແສງບົວລົມ ວິລະຊົນແຫ່ງຊາດ ຮອງເລຂາພັກ ຮອງປະທານສະຫະພັນນັກຮົບເກົ່າແຫ່ງຊາດລາວ ທ່ານ ວົງສັກດາ ພົມມີໄຊ ກໍາມະການສູນກາງ ຊປລ ຫົວໜ້າກົມອົບຮົມຊາວໜຸ່ມ ສູນກາງ ຊປລ ມີຫົວໜ້າຫ້ອງການ, ຫົວໜ້າກົມຕະຫຼອດຮອດພະນັກງານຫຼັກແຫຼ່ງອ້ອມຂ້າງສູນກາງ ຊປລ ເຂົ້າຮ່ວມ.

  ຈຸດປະສົງ ເພື່ອຫວນຄືນມູນເຊື້ອປະຫວັດສາດວັນສ້າງຕັ້ງກອງທັບປະຊາຊົນລາວ, ວິວັດທະນາການແຫ່ງການກໍາເນີດ ແລະ ຂະຫຍາຍຕົວຂອງກອງທັບປະຊາຊົນລາວຕະຫຼອດໄລຍະ 71 ປີ ແລະ ເພື່ອຫວນຄືນມູນເຊື້ອຄວາມຜູກພັນອັນສະໜິດແໜ້ນລະຫວ່າງກອງທັບກັບຊາວໜຸ່ມ ເພື່ອສຶກສາອົບຮົມໃຫ້ບັນດາພະນັກງານລັດຖະກອນທົ່ວ ສູນກາງ ຊປລ ເຫັນໄດ້ມູນເຊື້ອອັນພິລະອາດຫານ, ຄວາມເດັດດຽວໜ້ຽວແໜ້ນຂອງໃນໄລຍະຕໍ່ສູ້ຍາດເອົາເອກະລາດຈາກພວກລ່າເມືອງຂຶ້ນ ແລະ ການປະກອບສ່ວນໃນການປົກປັກຮັກສາໝາກຜົນຂອງການປະຕິວັດ ແລະ ພາລະກິດສ້າງສາພັດທະນາປະເທດຊາດໃນໄລຍະໃໝ່ຂອງກອງທັບປະຊາຊົນລາວ.

 ທ່ານ ພົຈວ ຄໍາຫອມ ແສງບົວລົມ ໄດ້ກ່າວບາງເນື້ອໃນສໍາຄັນວ່າ: ໄລຍະການປະຕິວັດ ເພື່ອຕໍ່ສູ້ຍາດເອົາເອກະລາດນັ້ນຊາວໜຸ່ມເປັນກໍາລັງອັນແຮງກ້າຢູ່ໃນກໍາລັງປະກອບອາວຸດ, ເປັນກໍາລັງທີ່ມີຄວາມເດັດດຽວ ແລະ ບໍ່ຍອມທໍ້ຖອຍໃນທຸກບັນຮົມຂອງການປະຕິວັດເມື່ອເຫັນໄດ້ຄວາມສໍາຄັນແນວນັ້ນກອງທັບປະຊາຊົນລາວຈຶ່ງສ້າງຕັ້ງກອງກໍາລັງຊາວໜຸ່ມຕະຫຼຸບບອນຂຶ້ນ.

                                     (ພາບ ແລະ ຂ່າວໂດຍ: ຄໍາສິງ ວິໄລຄໍາ)

Leave a Reply

Your email address will not be published. Required fields are marked *