ກອງປະຊຸມສາມັນຄົບຄະນະກຳມະການແນວລາວສ້າງຊາດ ຄັ້ງທີ 4 ສະໄໝທີ X

ໃນວັນທີ 12 ຫາ 13 ມີນາ 2019 ນີ້ ທີ່ຫ້ອງປະຊຸມສູນຮ່ວມມືສາກົນ ແລະ ຝຶກອົບຮົມ ICTC ນະຄອນຫຼວງວຽງຈັນ ໄດ້ຈັດກອງປະຊຸມສາມັນຄົບຄະນະກຳມະການແນວລາວສ້າງຊາດ ຄັ້ງທີ 4 ສະໄໝທີ X ຂຶ້ນ ໂດຍການເປັນປະທານ ແລະ ກ້າວເປີດຂອງທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ເຂົ້າຮ່ວມໃນພິທີມີ ຄະນະປະທານສູນກາງອົງການພຸດທະສາດສະໜາສຳພັນລາວ, ສູນກາງສະຫະພັນນັກຮົມເກົ່າແຫ່ງຊາດ, ສູນກາງສະຫະພັນກຳມະບານລາວ, ສູນກາງສະຫະພັນແມ່ຍິງລາວ, ສູນກາງຊາວໜຸ່ມປະຊາຊົນປະຕິວັດລາວ ຕະຫຼອດຮອດຄະນະກຳມະການສູນກາງແນວລາວສ້າງຊາດຈາກສູນກາງ, ນະຄອນຫຼວງ, ແຂວງ ໃນຂອບເຂດທົ່ວປະເທດ ແລະ ພ້ອມດ້ວຍແຂກທີ່ຖືກເຊີນເຂົ້າຮ່ວມ.

  ກອງປະຊຸມສາມັນຄົບຄະນະກຳມະການແນວລາວສ້າງຊາດ ຄັ້ງທີ 4 ເປັນກອງປະຊຸມທົບທວນຄືນ ຜົນການຈັດຕັ້ງປະຕິບັດມັດຕິກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ່ ຜ່ານມາ, ນອກນີ້ຍັງໄດ້ພ້ອມກັນປຶກສາຫາລື ແລະ ຜ່ານເນື້ອໃນຄວາມສຳຄັນຈຳນວນໜຶ່ງດັງນີ້: ຜ່່ານບົດສະຫຼຸບຕີລາຄາການເຄື່ອນໄຫວນຳພາຂອງສູນກາງແນວລາວສ້າງຊາດປີ 2018 ທີ່ຜ່ານມາ ແລະ ຜ່ານທິດທາງແຜ່ນການ ປີ 2019, ຮັບຟັງການປະກອບຄຳຄິດ ຄຳເຫັນຂອງບັນດາຜູ້ຕາງໜ້າອົງການພາຄີ, ຮັບຟັງການປະກອບຄຳຄິດຄຳເຫັນຂອງແນວລາວສ້າງຊາດຂັ້ນສູນກາງ ແລະ ທ້ອງຖິ່ນຈຳນວນໜຶ່ງ, ຮັບຟັງການປະກອບຄຳຄິດ ຄຳເຫັນຂອງຜູ້ຕາງໜ້າກຳມະການສູນກາງແນວລາວສ້າງຊາດກ່ຽວກັບການເຕົ້າໂຮມຄວາມສາມັກຄີຂອງພີ່ນ້ອງເຊື້ອສາຍລາວທີ່ດຳລົງຊີວິດຢູ່ຕ່າງປະເທດ, ຜ່ານຄຳແນະນຳກ່ຽວກັບການຂະຫຍາຍຜົນສຳເລັດຂອງກອງປະຊຸມຄົບຄະນະກຳມະການສູນກາງແນວລາວສ້າງຊາດ ຄັ້ງທີ່ 3 ປີ 2018, ສະເໜີແຕ່ງຕັ້ງກຳມະການສູນດາງແນວລາວສ້າງຊາດສະໄໝທີ X ເພີ່ມຕື່ມ ແລະ ປ່ຽນແທນ ຕື່ມອີກ.

ທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວໄດ້ຂຶ້ນປະກອບຄຳຄິດເຫັນຕໍ່ກອງປະຊຸມໃນຄັ້ງນີ້ໃນຫົວຂໍ້ “ ການສ້າງຂະບວນການຕ່າງໆ ເພື່ອຂ່ຳນັບຮັບຕ້ອນວັນສຳຄັນຂອງພັກ-ຂອງຊາດ ” ໃນບາງຕອນທ່ານໄດ້ກ່າວວ່າ: ຊາວໜຸ່ມ-ເຍົາວະຊົນລາວບັນດາເຜົ່າ ທີ່ກວມເອົາ 60% ຂອງພົນລະເມືອງທົ່ວປະເທດ ສະແດງຄວາມຂ່ຳນັບຊົມເຊີຍຕໍ່ກອງປະຊຸມສາມັນຄົບຄະນະຄັງນີ້ ແລະ ຕີລາຄາຕໍ່ໝາກຜົນທີ່ສູນກາງແນວລາວສ້າງຊາດແຕ່ລະຂັ້ນໄດ້ນຳມາຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ແລະ ກອງປະຊຸມຄົບຄະນະຄັ້ງທີ 3 ຂອງຕົນຢ່າງມີຜົນສຳເລັດເປັນຢ່າງດີ. ດັ້ງທີ່ຮູ້ນຳກັນແລ້ວ: ວັນສໍາຄັນຂອງພັກ-ຂອງຊາດ ເຊັ້ນ: ຂະບວນການ 50 ປີ ວຽງໄຊ, ຂະບວນການ 70 ປີ ວັນສ້າງຕັ້ງກອງທັບ. ຄຊປປລ ມີທີ່ຕັ້ງເປັນອົງການ-ການເມືອງ, ສັງຄົມ ເປັນແຂນຂວາຂອງພັກ ເປັນກະດູກສັນຫຼັງຂອງຊາດ ເປັນໜຶ່ງໃນອົງການຈັດຕັ້ງມະຫາຊົນ ໃນລະບອບການເມືອງຂອງລະບອບປະຊາທິປະໄຕປະຊາຊົນ ພາຍໃຕ້ການຊີ້ນຳ-ນຳພາໂດຍກົງ ຮອບດ້ານຂອງພັກປະຊາຊົນປະຕິວັດລາວ ເປັນແຂນຂວາຂອງການຈັດຕັ້ງທຸກສາຂາອາຊີບ, ເປັນຕົນແທນປົກປ້ອງສິດ ແລະ ຜົນປະໂຫຍດ ອັນຊອບທຳຂອງຊາວໜຸ່ມລາວບັນດາເຜົ່າ. ມີບົດບາດສຳຄັນໃນສຶກສາອົບຮົມການເມືອງແນວຄິດ ແລະ ປູກຈິດສຳນຶກໃຫ້ຊາວໜຸ່ມ-ເຍົາວະຊົນ, ການເປັນຜູ້ສືບທອດທີດີຂອງພັກ-ຂອງຊາດ, ປຸກລະດົມເຕົາໂຮມຄວາມສາມັກຄີຊາວໜຸ່ມລາວບັນດາເຜົ່າ ຊີ້ນຳ-ນຳພາການເຄື່ອນໄຫວຂອງຊາວໜຸ່ມ-ເຍົາວະຊົນ ແລະ ອະນຸຊົນ, ປົກປ້ອງສິດ ແລະ ຜົນປະໂຫຍດອັ່ນຊອບທຳຂອງຊາວໜຸ່ມ-ເຍົາວະຊົນ, ເສີມຂະຫຍາຍມູນເຊື້ອອັນດີງາມຂອງຊາດ ແລະ ວັດທະນາທຳ-ສັງຄົມ; ສະນັ້ນ ການສ້າງຂະບວນການຕ່າງໆແມ່ນສອດຄອງກັບໜ້າທີ່ການເມືອງ ແລະ ສອດຮ່ອຍເຂົ້າໃນ 13 ທີ່ຕັ້ງ ແລະ 5 ພາລະບົດບາດ, 13 ໜ້າທີ.

ສຳລັບຂະບວນການ ເປັນຄຳເວົ້າທີ່ມີຄວາມໝາຍ ແລະ ຕິດພັນກັບທັດສະນະຊີ້ນຳຂອງພັກ ແລະ ພາລະບົດບາດຂອງ ຄຊປປລ  ນັບແຕ່ຊາວໜຸ່ມຕະລຸມບອນ, ຊາວໜຸ່ມລາວຮັກຊາດ ຈົນເປັນ ຄຊປປລ ພາຍໃຕ້ແນວຄິດຊີ້ນຳຂອງປະທານ ໄກສອນພົມວິຫານ ທີ່ວ່າ: “ຊາວໜຸ່ມຈົ່ງເປັນດັ່ງນົກອິນຊີ ທີ່ບໍ່ຫວັ່ນກວ່າຕໍ່ພາຍຸລົມແດງ ຈົ່ງກາຍເປັນສິນໄຊແຫ່ງຍຸກສະໄໝພວກເຮົາ” ຄຳສອນຂອງປະທານ ສຸພານຸວົງ ຕໍ່ເຍົາວະຊົນ 6 ຮັກ, 3 ຊັງ  ແລະ ຄຳຂວັນອຳມະຕະຂອງຊາວໜຸ່ມ “ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜ່າ ເມື່ອໃດຊາດຮຽກຮອງຕ້ອງການຊາວໜຸ່ມຂານອາສາ” ຊຶ່ງບັນດາທັດສະນະແນວຄິດຊີ້ນຳ ແລະ ຄຳຂວັນດັ່ງກ່າວມານັ້ນໄດ້ເຈື່ອຈາຍເຂົ້າໃນຊີ້ວິດຊາວໜຸ່ມ-ເຍົາວະຊົນ ຢ່າງມີຊີວິດຊີວາ, ດ້ວຍຄວາມຮັບຜິດຊອບສູງ, ມີຫົວຄິດປະດິດສ້າງ ແລະ ມີຜົນສຳເລັດໃນແຕ່ລະໄລຍະ ແລະ ຕິດພັນກັບຂະບວນການລວມຂອງພັກ-ຂອງຊາດ, ຂອງຂະແໜງການ, ທ່ອງຖິ່ນ ກໍ່ຄືຊີວິດ-ສັງຄົມ ໂດຍສະເພາະຂໍ້ແຂ່ງຂັນຮັກຊາດພັດທະນາ, 3 ສ້າງຂອງພັກ ແລະ ການພັດທະນາຊົນນະບົດ ແລະ ແກ້ໄຂຄວາມທຸກຍາກ ຈຶ່ງເວົ້າໄດ້ວ່າ ບໍ່ມີວຽກນ້ອຍ ຫຼື ວຽກໃຫຍ່ ວຽກສຽງເປັນສຽງຕາຍຫຼື ຂະບວນການໃດ ກໍ່ມີໜ້າຊາວໜຸ່ມ ບໍ່ມີຂະບວນການໃດທີ່ບໍ່ມີໜ້າຊາວໜຸ່ມ ຈົນກາຍເປັນໜ້າທີ່ການເມືອງ.

“ບໍ່ມີຂະບວນການ ບໍ່ມີເນື້ອໃນ ບໍ່ມີບົດຮຽນ” ແຕ່ຂະບວນການຕ້ອງມີການຈັດຕັ້ງການນຳພາ. “ຂະບວນການຕ້ອງເຮັດປົກກະຕິຕໍ່ເນື່ອງ” ແລະ ຕິດພັນກັບການສຶກສາອົບຮົມ, ປູກຈິດສຳນຶກ ຊາວໜຸ່ມ-ເຍົາວະຊົນລາວບັນດາເຜົ່າປະຕິບັດຕາມທີ່ຕັ້ງ, ບົດບາດ ແລະ ມູນເຊື້ອໂດຍສະເພາະກົດໝາຍວ່າດ້ວຍ ຄຊປປລ ສະບັບປັບປຸງປີ 2017 ໄດ້ກໍານົດກ່ຽວກັບຂະບວນການຂອງຊາວໜຸ່ມມີ 2 ປະເພດຄຶື: 1). ຂະບວນການໃນກອງປະຊຸມ 2). ຂະບວນການທົ່ວໄປຊຶ່ງໄດ້ມີການນໍາພາຈັດຕັ້ງຂະບວນການຕ່າງໆໃນວັນສໍາຄັນຂອງພັກ, ຂອງຊາດຢ່າງມີເນື້ອໃນ ແລະ ເປັນຂະບວນຟົດຟື້ນ.

ການສ້າງຂະບວນການທີ່ຈັດຕັ້ງປະຕິບັດໄດ້ຈັດຕັ້ງປະຕິບັດໃນຫຼາຍຫົວຂໍ້, ຫລາຍລະດັບ, ຫລາຍເນື້ອໃນ ແລະ ຫຼາຍຮູບການໂດຍຖືເອົາຂະບວນການປົກປັກຮັກສາ ແລະ ສ້າງສາພັດທະນາປະເທດຊາດ, ດ້ວຍການຜັນຂະຫຍາຍຄໍາຂັວນຮັກຊາດ-ພັດທະນາ, 3 ສ້າງຂອງພັກ, ຕິດພັນກັບການຫັນລົງກໍ່ສ້າງຮາກຖານພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າໂດຍສະເພາະເຂດຫ່າງໄກສອກຫຼີກດ້ວຍການຈັດຕັ້ງເຊື່ອມຊືມແນວຄິດຊີ້ນໍາ, ມະຕິຄໍາສັ່ງ, ກົດໝາຍໃຫ້ຮັບຮູ້ ແລະ ເຂົ້າໃຈຈະແຈ້ງ, ຈາກນັ້ນໄດ້ຄົ້ນຄ້ວາເປັນເອກະພາບຫັນມາເປັນ 7 ແຜນງານ, 40 ໂຄງການພ້ອມທັງລົງຊຸກຢູ້ຮາກຖານແລະມີການຕິດຕາມປະເມີນຜົນ, ຍ້ອງຍໍ ແລະ ລາຍງານຂັ້ນເທິງຕາມກົດໝາຍທີ່ໄດ້ກໍານົດໄວ້.

# ຂະບວນການທີ່ພົ້ນເດັ່ນຜ່ານມາ ແມ່ນໄດ້ປັບປຸງບູລະນະ ຄຊປປລ ແຕ່ລະຂັ້ນໃຫ້ໜັກແໜ້ນ ແລະ ເຂັ້ມແຂງໂດຍສະເພາະຂັ້ນຮາກຖານ ແລະ ສ້າງສະຫະພັນຊາວໜຸ່ມ; ສ້າງ ແລະ ປັບປຸງນິຕິກໍາເປັນຕົ້ນສໍາເລັດການປັບປຸງກົດໝາຍ ຄຊປປລ, ສຸມສ້າງກົດໝາຍວ່າດ້ວຍຊາວໜຸ່ມ ແລະ ນະໂຍບາຍຊາວໜຸ່ມແຫ່ງຊາດກ່ຽວກັບຊາວໜຸ່ມແລະເຍົາວະຊົນ; ຫັນແຜນວຽກຊາວໜຸ່ມ-ເຍົາວະຊົນທີ່ຕິດພັນເຊື່ອມສານກັບແຜນພັດທະນາເສດຖະກິດ-ສັງຄົມເປັນ 5 ຂົງເຂດບູລິມະສິດຄື: ວຽກສຶກສາ, ວຽກສາທາ, ວຽມການມີສ່ວນຮ່ວມ, ວຽກປົກປ້ອງສິດຜົນປະໂຫຍດ; ດໍາເນີນກອງປະຊຸມຄົບຄະນະໄດ້ 4 ຄັ້ງຕິດພັນກັບການປັບປຸງແບບແຜນນໍາພາໃຫ້ແທດເຖິງແລະແບບແຜນວິທະຍາສາດຕີລາຄາການຈັດຕັ້ງປະຕິບັດກາງສະໃໝ; ຈັດຕັ້ງການປະເມີນຜົນວຽກງານແລະຕີລາຄາກາງສະໄໝ 7ແຜນງານ 40ໂຄງການໄດ້ 85% ແລະເຂົ້າຮ່ວມຕິດຕາມກວດກາແລະປະກອບສ່ວນປະກອບຄໍາເຫັນຕໍ່ກອງປະຊຸມຂອງ ສສຊ, ສສຂ.

# ຂະບວນການກິດຈະກໍາຕ່າງໆເປັນຕົ້ນ: ເຂົ້າຮ່ວມຂະບວນການລວມແລະວັນສໍາຄັນຕ່າງໆຂອງຊາດ, ຂອງພັກຢ່າງຫ້າວຫັນແລະປົກກະຕິ; ເປັນເຈົ້າການຄົ້ນຄ້ວາປະດິດສ້າງຫັນມາເປັນຂະບວນການຕົວຈິງໂດຍສະເພາະໄດ້ຫັນມະຕິ x ເປັນມະຕິ VII ດ້ວຍ 7 ແຜນງານ, 40 ໂຄງການຂອງຊາວໜຸ່ມແລະ 3ດີ 4ຮູ້ ຂອງເຍົາວະຊົນໂດຍມີຂະບວນການພົ້ນເດັ່ນຄື:ຂະບວນການໂຄສະນາສຶກສາອົບຮົມແລະປູກຈິດສໍານຶກໃຫ້ຄົນຮຸ້ນໜຸ່ມໃຫ້ມີນໍ້າໃຈຮັກຊາດ,ເສີມຂະຫຍາຍມູນເຊື້ອວັດທະນະທໍາ, ຂະບວນການຫັນລົງຮາກຖານພັດທະນາຊົນນະບົດແກ້ໄຂຄວາມທຸກຍາກດ້ວຍຂະບວນການປະຕິບັດຂໍ້ແຂ່ງຂັນ 4ບຸກ, 3ດີ 4ຮູ້ ຢູ່ບັນດາຄຊປປລກະຊວງປ້ອງກັນຊາດ, ກະຊວງປ້ອງກັນຄວາມສະຫງົບ, ເສດຖະກິດ, ວັດທະນະທໍາ-ສັງຄົມ, ຂະບວນການກອງປະຊຸມໃຫຍ່ 3ຂັ້ນຂອງພັກ, ຂອງອົງການ, ຂະບວນການອາສາສະໝັກຊາວໜຸ່ມຕະລຸມບອນເພື່ອຊ່ວເຫລືອ… ແລະ ຕອບບຸນແທນຄຸນ,ຂະບວນການວິຊາສະເພາະຕາມຂະແໜງການແລະທ້ອງຖິ່ນ, ຂະບວນການປະດິດສ້າງແລະສົ່ງເສີມພອນສະຫວັນ, ຂະບວນການການຮຽນ-ການສອນ, ຂະບວນການອອກແຮງງານ ແລະ ຂະບວນການອື່ນໆ…

ສ.ສັນທະນາ

Leave a Reply

Your email address will not be published. Required fields are marked *