ກອງປະຊຸມປຶກສາຫາລື

ກອງປະຊຸມປຶກສາຫາລືວຽກງານຊາວໜຸ່ມຂອງ 14 ກະຊວງຂົງເຂດເສດຖະກິດ, ວັກທະນາ ທຳ – ສັງຄົມ ແລະ ສູນກາງຊາວໜຸ່ມປະຊາຊົນປະຕິວັດລາວ ໄດ້ຈັດຂຶ້ນໃນຕອນບ່າຍຂອງວັນທີ 6 ມີ ນາ 2019 ນີ້ ທີ່ຫ້ອງປະຊຸມສູນກາງຊາວໜຸ່ມປະຊາຊົນປະຕິວັດລາວ. ເປັນກຽດເຂົ້າຮ່ວມ ແລະ ເປັນປະທານໂດຍ ທ່ານ ບຸນຕາ ເທບພະວົງ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ, ມີຫົວໜ້າຫ້ອງການ, ຫົວໜ້າກົມ, ຄະນະບໍລິຫານງານຊາວໜຸ່ມຈາກ 14 ກະຊວງເຂົ້າ ຮ່ວມ. ຈຸດປະສົງກໍ່ເພື່ອປຶກສາຫາລືການກະກຽມກອງປະຊຸມໃຫຍ່ 3 ຂັ້ນ ຫຼື 2 ຂັ້ນ, ເພື່ອເປັນການ ສ້າງຂະບວນການເປັນຄູ່ຂະໜານເປີດທາງເຂົ້າສູ່ກອງປະຊຸມໃຫຍ່ 3 ຂັ້ນ ໂດຍເລີ່ມຈາກຂະບວນການ ສະເຫຼີມສະຫຼອງວັນສ້າງຕັ້ງພັກ ແລະ ວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ, ເພື່ອເປັນ ການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ສະເໜີແຜນການຕໍ່ການຈະລົງເຄື່ອນໄຫວຂອງຄະນະສູນ ກາງຊາວໜຸ່ມປະຊາຊົນປະຕິວັດລາວເພື່ອພົບປະ, ໂອ້ລົມກັບຊາວໜຸ່ມກະຊວງ ແລະ ເຂົ້າຂໍານັບເລຂາ ພັກ ແລະ ລັດຖະມົນຕີເພື່ອຊຸກຍູ້ອຳນວບຄວາມສະດວກໃຫ້ແກ່ຄະນະຊາວໜຸ່ມແຕ່ລະກະຊວງມີບົດ ບາດສູງຂຶ້ນ. ພາຍໃນກອງປະຊຸມທ່ານປະທານກໍ່ໄດ້ມີຄຳຖາມເຈາະຈີ້ມກ່ຽວກັບວຽກງານຊາວໜຸ່ມ ຂອງແຕ່ລະຊວງເພື່ອຢັ່ງເຖິງການກະກຽມຄວາມພ້ອມໃນການກະກຽມວຽກງານຂອງຊາວໜຸ່ມໃນແຕ່ລະກະຊວງ ແລະ ຍັງໄດ້ປຶກສາຫາລື, ແລກປ່ຽນກ່ຽວກັບການຈັດຕັ້ງປະຕິບັດວຍກງານຊາວໜຸ່ມໃຫ້ ປະກົດຜົນເປັນຈິງ.

ໂດຍ: ພອນປະເສີດ

Leave a Reply

Your email address will not be published. Required fields are marked *