ພິທີເຊັນສັນຍາການຜະລິດແລະ ການຈໍານາຍວາລະສານໄວໜຸ່ມລາວ

ພິທີເຊັນສັນຍາການຜະລິດແລະ ການຈໍານາຍວາລະສານໄວໜຸ່ມລາວລະຫວ່າງກົມສື່ມວນຊົນໜຸ່ມລາວ ແລະ ຜູ້ສໍາປະທານພິມຈໍາໜ່າຍວາລະສານໄວໜຸ່ມລາວ ໄດ້ຈັດຂຶ້ນທີ່ສູນກາງ ຊປລ ໂດຍການເຂົ້າຮ່ວມຂອງ ທ່ານ ວົງສັກດາ ພົມມີໄຊ ກໍາມະການສູນກາງ ຊປລ ຫົວໜ້າກົມສື່ມວນຊົນໜຸ່ມລາວ ສູນກາງ ຊປລ ມີບັນດາຄະນະກົມຫົວໜ້າພະແນກ ແລະ ພາກສ່ວນກ່ຽວຂ້ອງເຂົ້າຮ່ວມ.ຈຸດປະສົງຂອງ ພິທີໃນຄັ້ງນີ້ເພື່ອເປັນບ່ອນອີງໃຫ້ແກ່ການຮ່ວມມືໃນການຜະລິດ ແລະ ການຈໍາໜ່າຍວາລະສານໄວໜຸ່ມລາວໃນຂອບເຂດທົ່ວປະເທດ, ເພື່ອຮັບປະກັນການຈັດຕັ້ງປະຕິບັດວຽກງານໃຫ້ຖືກຕ້ອງຕາມແນວທາງຂອງພັກ ລະບຽບກົດໝາຍຂອງລັດກົດ ໝາຍຂອງວຽກງານສື່ມວນຊົນ, ກົດໝາຍຊາວໜຸ່ມໂດຍສະເພາະປະຕິບັດຕາມພາລະບົດບາດຂອງວຽກງານສື່ມວນຊົນໜຸ່ມລາວ ແລະ ເພື່ອເປັນບ່ອນອີງໃນການຄຸ້ມຄອງບໍລິຫານສື່ສິ່ງພິມທາງດ້ານຮູບແບບ ເນື້ອໃນ, ການຈໍາໜ່າຍຂອງຜູ້ຈັດພິມບົນພື້ນຖານກົດໝາຍສື່ມວນຊົນ. ສໍາລັບວາລະສານໄວໜຸ່ມລາວແມ່ນມີເນື້ອໃນສ່ອງແສງເຖິງການເຄື່ອນໄຫວຂະບວນການຂອງຊາວໜຸ່ມ-ເຍົາວະຊົນຢູ່ໃນຂອບເຂດທົ່ວປະເທດໂດຍສະເພາະດ້ານການສຶກສາອົບຮົມທາງດ້ານເນື້ອໃນ, ຄຸນສົມບັດສິນທໍາປະຕິວັດ, ວັດທະນະທໍາຮີດຄອງປະເພນີ, ສາລະໜ້າຮູ້ ແລະ ວິທະຍາສາດເຕັກໂນໂລຊີ. ຕ່າງໜ້າກົມສື່ມວນຊົນໜຸ່ມລາວ ສູນກາງ ຊປລ ໃນການເຊັນສັນຍາໃນຄັ້ງນີ້ໂດຍ ທ່ານ ນາງ ບົວໂຮມ ສົມວິຈິດ ຮອງຫົວໜ້າກົມສື່ມວນຊົນໜຸ່ມລາວ ແລະ ຕ່າງໜ້າຝ່າຍສໍາປະທານ ພິມຈໍາໜ່າຍວາລະສານໄວໜຸ່ມລາວໂດຍ ທ່ານ ອຸດອນ ຖາວອນ, ພິທີດັ່ງກ່າວໄດ້ຈັດຂຶ້ນໃນວັນທີ 4 ເດືອນກຸມພາ 2019 ນີ້ ທີ່ກົມສື່ມວນຊົນໜຸ່ມລາວ ສູນກາງຊາວໜຸ່ມປະຊາຊົນປະຕິວັດລາວ.

 

Leave a Reply

Your email address will not be published. Required fields are marked *