ສູນກາງ ຊປລ ເຊື່ອມຊຶມກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7 ສະໄໝທີ X ແລະ ບັນດໍາເນີນຊີວິດການເມືອງພາຍໃນພັກປະຈໍາປີ 2018

ໃນລະຫວ່າງວັນທີ 5-8 ກຸມພາ 2019 ນີ້ ທີ່ສູນກາງ ຊປລ ໄດ້ຈັດກອງປະຊຸມເຜີຍແຜ່ເຊື່ອມຊຶມກອງປະຊຸມຄົບຄະນະບໍລິຫານງານສູນກາງພັກຄັ້ງທີ 7 ສະໄໝທີ X ແລະ ບັນດໍາເນີນຊີວິດການເມືອງພາຍໃນພັກປະຈໍາປີ 2018 ຂຶ້ນ. ໂດຍການເປັນປະທານຂອງ ທ່ານ ອາລຸນໄຊ ສູນນະລາດ ກໍາມະການສໍາຮອງສູນກາງພັກ ເລຂາພັກ ເລຂາຄະນະບໍລິຫານງານ ສູນກາງ ຊປລ ມີບັນດາສະຫາຍຮອງເລຂາພັກ, ຄະນະເລຂາທິການ, ຄະນະກົມພ້ອມດ້ວຍສະມາຊິກພັກທົ່ວສູນກາງ ຊປລ ເຂົ້າຮ່ວມຢ່າງພ້ອມພຽງ.

 ໃນພິທີ ທ່ານ ນວນທອງ ສຸວັນວິໄຊ ເລຂາທິການ ຫົວໜ້າຫ້ອງການ ສູນກາງ ຊປລ ໄດ້ຂຶ້ນຜ່ານບົດສະຫຼຸບຕີລາຄາສະພາບການຈັດຕັ້ງປະຕິບັດວຽກງານການກໍ່ສ້າງພັກ-ພະນັກງານປະຈໍາປີ 2018 ແລະ ທິດທາງແຜນການໃນປີ 2019 ເຊິ່ງເນື້ອໃນໄດ້ສ່ອງແສງໃຫ້ເຫັນເຖິງສະພາບຄວາມເປັນຈິງທັງດ້ານດີ, ດ້ານອ່ອນ ແລະ ຂໍ້ຄົງຄ້າງຂອງວຽກງານຈັດຕັ້ງ, ກໍ່ສ້າງພັກ-ພະນັກງານໃນໄລຍະໜຶ່ງປີຜ່ານມາ, ບົນພື້ນຖານ ແລະ ໃຫ້ກໍານົດທິດທາງ, ໜ້າທີ່, ມາດຕະການ ແລະ ວິທີການແກ້ໄຂຈຸດອ່ອນ ແລະ ຂໍ້ຄົງຄ້າງດັ່ງກ່າວໃຫ້ເປັນຮູບປະທໍາ ແລະ ແທດເໝາະກັບຄວາມເປັນຈິງ. ໃນພິທີຍັງໄດ້ຮັບຟັງການເຜີຍແຜ່ເຊື່ອມຊືມຄໍາສັງ ແລະ ມະຕິຂອງກົມການເມືອງ ສູນກາງພັກວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ໃຫ້ຖືກຕ້ອງ, ສອດຄ່ອງ ແລະ ເປັນເອກະພາບໃນທົ່ວພັກ,  ການປັບປຸງຮາກຖານການເມືອງຂອງລະບອບປະຊາທິປະໄຕ ປະຊາຊົນ ໃຫ້ເຂັ້ມແຂງ ແລະ ໜັກແໜ້ນ. ທັງນີ້ກໍເພື່ອເຮັດໃຫ້ການຜັນຂະຫຍາຍ ແລະ ຈັດຕັ້ງປະຕິບັດວຽກງານຈັດຕັ້ງ, ກໍ່ສ້າງພັກ-ພະນັກງານ ມີຄວາມເປັນເອກະພາບດ້ານທັດສະນະ, ຄວາມເຂົ້າໃຈ, ເນື້ອໃນ, ຂັ້ນຕອນ ແລະ ວິທີ່ການຈັດຕັ້ງປະຕິບັດ, ເພື່ອເປັນບ່ອນອີງໃຫ້ແກ່ຄະນະພັກຄະນະຈັດຕັ້ງຂັ້ນສູງກາງຮອດທ້ອງຖິ່ນ, ຈັດຕັ້ງເຜີຍແຜ່ເນື້ອໃນກອງປະຊຸມສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານະຈໍາປີ 2018 ໃຫ້ຄະນະພັກ, ສະມາຊິກພັກ, ພະນັກງານທີ່ຢູ່ໃນຄວາມຮັບຜິດຊອບຂອງຕົນຮັບຮູ້ ແລະ ເຂົ້າໃຈເປັນເອກະພາບຕໍ່ເນື້ອໃນກອງປະຊຸມດັ່ງກ່າວແນໃສ່ເຮັດໃຫ້ວຽກງານດັ່ງກ່າວມີການຫັນປ່ຽນທີ່ຕັ້ງໜ້າກວ່າເກົ່າ, ເພື່ອຍູ້ແຮງຂະບວນການເຄື່ອນໄຫວວຽກງານຈັດຕັ້ງ, ກໍ່ສ້າງພັກ-ພະນັກງານ ແລະ ເພີ່ມທະວີຄວາມຮັບຊອບ, ຄວາມເປັນເຈົ້າການຂອງຄະນະພັກ, ຄະນະຈັດຕັ້ງແຕ່ລະຂັ້ນຕໍ່ວຽກງານຈັດຕັ້ງ, ກໍ່ສ້າງພັກ-ພະນັກງານໃຫ້ສູງຂຶ້ນກວ່າເກົ່າ, ເພື່ອຈັດຕັ້ງເຜີຍແຜ່ເຊື່ອມຊຶມນິຕິກໍາກ່ຽວກັບວຽກງານກໍ່ສ້າງພັກ ແລະ ວຽກງານວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ເພື່ອເປັນພື້ນຖານໃຫ້ແກ່ການກໍານົດເປົ້າໝາຍແກ້ໄຂຄວາມທຸກຍາກ, ແນໃສ່ສ້າງຄອບຄົວ, ບ້ານພັດທະນາ, ບ້ານໃຫຍ່ເປັນຕົວເມືອງໃນຊົນນະບົດ ແລະ ເມືອງເຂັ້ມແຂງຮອບດ້ານ ຕາມມະຕິກອງປະຊຸມໃຫຍ່ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລຍະໃຫ້ປະກົດຜົນເປັນຈິງ.//

 

Leave a Reply

Your email address will not be published. Required fields are marked *