ສູນກາງ ຊປລ ຈັດກິດຈະກຳແຂ່ງຂັນກິລາຊີງຂັນທ່ານປະທານສູນກາງແນວລາວສ້າງຊາດ

ເພື່ອເປັນການຂໍ່ານັບຮັບຕ້ອນ ວັນສຳຄັນທາງປະຫວັດສາດ ໂດຍສະເພາະ ໂດຍສະເພາະວັນສ້າງຕັ້ງກອງທັບປະຊາຊົນລາວ ວັນທີ 20 ມັງກອນ ຄົບຮອບ 70 ປີ ທີ່ຈະໝູນວຽນມາຮອດໃນມໍ່ໆນີ້, ເພື່ອໃຫ້ໄດ້ຄວາມໝາຍຄວາມສຳຄັ້ນຂອງວັນດັງກ່າວ ວັນທີ 4 ມັງກອນ 2019 ຜ່ານມາ ຢູ່ທີ່ສູນກາງ ຊປລ ໄດ້ຈັດກິດຈະກຳແຂ່ງຂັນກິລາ ເພື່ອຊີງຂັນທ່ານປະທານສູນກາງແນວລາວສ້າງຊາດຂຶ້ນ, ເປັນກຽດເຂົ້າຮ່ວມງານໃນຄັ້ງນີ້ ມີທ່ານ ພົຕ ທອງລອຍ ສີລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ທ່ານ ອາລຸນໄຊ ສູນນະລາດ ກຳມະການສຳຮອງ ສູນກາງພັກ, ເລຂາຄະນະບໍລິຫານງານສູນກາງ ຊປລ, ມີບັນດາຜູ້ຕາງໜ້າຈາກອົງການຈັດຕັ້ງມະຫາຊົນ, ກະຊວງກະສິກຳ-ປ່າໄມ້, ສະຫະພັນນັກຮົບເກົ່າແຫ່ງຊາດ, ແຂກຖືກເຊີນ ພ້ອມດ້ວຍນັກກິລາຈາກ 8 ພາກສ່ວນ ຄື: ນັກກິລາຈາກສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ, ສູນກາງສະຫະພັນແມ່ຍິງລາວ, ສູນກາງສະຫະພັນກຳມະບານລາວ, ສູນກາງ ຊປລ, ກຳມະບານກະຊວງປ້ອງກັນປະເທດ, ກຳມະບານກະຊວງກະສິກຳ ແລະ ປ່າໄມ້ ແລະ ທິມນັກກິລາຈາກບໍລິສັດດວງພະສຸກ ກໍ່ສ້າງ ເຂົ້າຮ່ວມ.

ສຳລັບການແຂ່ງຂັນກິລາປະກອບມີ 4 ປະເພດ ຄື: ກິລາເປຕັງ, ກິລາດອກປີກໄກ່, ກິລາແລ່ນໄຖ່ ແລະ ກິລາດຶງເຊືອກ. ບັນຍາກາດຂອງການແຂ່ງຂັນກິລາໃນຄັ້ງນີ້ເຕັມໄປດ້ວຍຄວາມເບີກບານ ມ່ວນຊື່ນ ແລະ ຄວາມສາມັກຄີ ມິດຕະພາບ ແລະ ນໍ້າໃຈຄວາມເປັນນັກກິລາ ທັງຜູ້ຊົມ ຜູ້ເຊຍ ເຫັນໄດ້ມີການຮ້ອງເຊຍທິມນັກກິລາຂອງຕົນ ແລະ ຄູ່ແຂ່ງຂັນຢ່າງມ່ວນຊື່ນ. ການແຂ່ງຂັນໄດ້ດຳເນີນໄປເປັນເວລາ 1 ວັນເຕັມ ແລະ ແບ່ງໄປຕາມສາຍຂອງປະເພດນັກກິລາ, ເຊິ່ງການແຂ່ງຂັນເລີ່ມຈາກປະເພດ ກິລາແລ່ນໄຖ່, ຕໍ່ດ້ວຍການແຂ່ງຂັນດຶງເຊືອກ, ຕີດອກປີໄກ່ ແລະ ກິລາເປຕັງ.
ພິເສດການແຂ່ງຂັນຄັ້ງນີ້ຍັງໄດ້ຮັບກຽດເຂົ້າຮ່ວມຂອງທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ. ຜົນການແຂ່ງຂັນກິລາແຕ່ລະປະເພດມີດັງນີ: ປະເພດດຶງເຊືອກ ຊະນະເລີດໄດ້ແກ່ນັກກິລາຈາກສູນກາງ ຊປລ, ຮອງອັນດັບ 1 ໄດ້ແກ່ນັກກິລາຈາກສະຫະພັນນັກຮົບເກົ່າແຫ່ງຊາດ, ຮອງອັນດັບ 2 ໄດ້ແກ່ນັກກິລາຈາກສູນກາງສະຫະພັນແມ່ຍິງລາວ. ປະເພດກິລາແລ່ນໄຖ່ ທິມຍິງ: ຊະນະເລີດໄດ້ແກ່ທິມນັກກິລາຈາກສະຫະພັນນັກຮົບເກົ່າແຫ່ງຊາດ, ຮອງອັນດັບ 1 ໄດ້ແກ່ນັກກິລາຈາກສູນກາງແນວລາວສ້າງຊາດ, ຮອງອັນດັບ 2 ໄດ້ແກ່ນັກກິລາຈາກກະຊວງກະສິກຳ ແລະ ປ່າໄມ້; ກິລາແລ່ນໄຖ່ ທິມຊາຍ: ຊະນະເລີດໄດ້ແກ່ນັກກິລາຈາກກະຊວງປ້ອງກັນປະເທດ, ຮອງອັນດັບ 1 ໄດ້ແກ່ນັກກິລາຈາກສູນກາງແນວລາວສ້າງຊາດ, ຮອງອັນດັບ 2 ໄດ້ແກ່ນັກກິລາຈາກສູນກາງສະຫະພັນກຳມະບານລາວ. ປະເພດກິລາເປຕັງທິມການນຳ: ຊະນະເລີດໄດ້ແກ່ສະຫະພັນນັກຮົບເກົ່າແຫ່ງຊາດ, ຮອງອັນດັບ 1 ໄດ້ແກ່ສູນກາງ ຊປລ, ຮອງອັນດັບ 2 ໄດ້ແກ່ບໍລິສັດດວງພະສຸກ ກໍ່ສ້າງ; ກິລາເປຕັງທິມຍິງ: ຊະນະເລີດໄດ້ແກ່ນັກກິລາຈາກສູນກາງສະຫະພັນແມ່ຍິງລາວ, ຮອງອັນດັບ 1 ໄດ້ແກ່ນັກກິລາຈາກສະຫະພັນນັກຮົບເກົ່າແຫ່ງຊາດ, ຮອງອັນດັບ 2 ໄດ້ແກ່ນັກກິລາຈາກກະຊວງປ້ອງກັນປະເທດ; ກິລາເປຕັງທິມຊາຍ: ຊະນະເລີດໄດ້ແກ່ນັກກິລາຈາກສະຫະພັນນັກຮົບເກົ່າແຫ່ງຊາດ, ຮອງອັນດັບ 1 ໄດ້ແກ່ນັກກິລາຈາກກະຊວງກະສິກຳ ແລະ ປ່າໄມ້, ຮອງອັນດັບ 2 ໄດ້ແກ່ນັກກິລາຈາກສູນກາງສະຫະພັນແມ່ຍິງລາວ. ປະເພດກິລາດອກປີກໄກ່ທິມການນຳ: ຊະນະເລີດໄດ້ແກ່ສູນກາງ ຊປລ, ຮອງອັນດັບ 1 ໄດ້ແກ່ບໍລິສັດດວງພະສຸກ ກໍ່ສ້າງ, ຮອງອັນດັບ 2 ໄດ້ແກ່ສູນກາງສະຫະພັນກຳມະບານລາວ; ກິລາດອກປີກໄກ່ທິມຍິງ: ຊະນະເລີດໄດ້ແກ່ນັກກິລາຈາກກະຊວງປ້ອງກັນປະເທດ, ຮອງອັນດັບ 1 ໄດ້ແກ່ນັກກິລາຈາກສູນກາງ ຊປລ, ຮອງອັນດັບ 2 ໄດ້ແກ່ນັກກິລາຈາກສູນກາງສະຫະພັນແມ່ຍິງລາວ; ກິລາດອກປີກໄກ່ທິມຊາຍ: ຊະນະເລີດໄດ້ແກ່ນັກກິລາຈາກກະຊວງກະສິກຳ ແລະ ປ່າໄມ້, ຮອງອັນດັບ 1 ໄດ້ແກ່ນັກກິລາຈາກກະຊວງປ້ອງກັນປະເທດ, ຮອງອັນດັບ 2 ໄດ້ແກ່ນັກກິລາຈາກສູນກາງ ຊປລ.# ສ.ສັນທະນາ

Leave a Reply

Your email address will not be published. Required fields are marked *